日男扮狗一年近況公開！唔想做人豪擲200萬變成狗，接廣告賺錢？！

早前喺Twitter一位網友Toco花費200萬日圓，訂製一套幾可亂真嘅「狗狗裝」，並開設YouTube頻道，拍攝著上狗狗裝扮嘅影片，喺網上引起好大迴響。Toco扮狗至今已經過去一年，佢嘅近況公開，再度掀起熱議。

Photo from Toco YouTube

日本男子Toco夢想成為四腳動物

Toco係一名30幾歲嘅日本男子，佢一直以嚟都夢想成為以四隻腳行走嘅動物，雖然自細佢就有模仿佢哋嘅習慣，但都只係行為，到長大之後佢擁有充足嘅財力，於是打算實現佢嘅夢想，成為真正嘅「四腳動物」。

Photo from Toco YouTube

花200萬訂製超逼真「牧羊犬服裝」

Toco向一間特殊造型工作室訂製一套「狗狗裝」，佢揀咗自己最中意嘅牧羊犬，為咗盡可能還原真實嘅外型，佢不惜豪花200萬日圓製作。

Photo from 特殊造型ゼペット

Photo from Toco YouTube

工作室用咗40日製作有關服裝，呢套「牧羊犬裝」一啲都唔簡單，著上身可以隱藏人的骨骼形態，加上毛髮細緻有層次，嘴巴可以開合，顏色都同真正嘅牧羊犬十分相似，絕對係幾可亂真，Toco亦相當滿意。

Photo from 特殊造型ゼペット

Photo from Toco YouTube

電視台邀請上直播

佢急不及待咗將自己著上牧羊犬裝後拍攝嘅影片放上網上分享，旋即掀起網友熱議。一個月內喺Twitter已有近2萬轉發、逾5萬個likes，影片播放量亦突破100萬！

Photo from Toco Twitter

不過動物裝唔算罕見，但Toco想成為狗嘅夢想同佢努力學習動物行為都引起關注，日本電視台資訊節目《SUKKIRI!!》亦邀請佢於直播中登場。

Photo from 特殊造型ゼペット

神還原牧羊犬姿態行為

Toco喺直播中展露自己自小模仿四腳動物嘅功力，唔止以四腳行走，又與主持互動，大玩拋波接波，盡量還原牧羊犬嘅肢體動作，其實佢喺個人YouTube Channel都拍過好多影片，睇嚟都對牧羊犬姿態、行為有所熟悉。

Photo from 《SUKKIRI!!》

Photo from 《SUKKIRI!!》

Photo from 《SUKKIRI!!》

Photo from Toco YouTube

網民：諗起「大哥哥」

不過佢嘅愛好就唔係人人可以理解，甚至有人認為係病，不過亦有網友認為只係比較罕見嘅個人嗜好。唔少人都覺得佢扮得幾似，最緊要係自己開心。

Photo from LIHKG

Photo from LIHKG

Photo from Toco YouTube

唔少香港網民見到Toco嘅牧羊犬逼真嘅造型都諗起《鋼之鍊金術師》妮娜同佢嘅寵物亞歷山大：「大哥哥」一幕。

Photo from LIHKG

Photo from LIHKG

扮狗日男最新近況公開

事隔一年，Taco嘅YouTube Channel有超過2.6萬訂閱，佢影片更新唔算頻密，但呢一年嚟佢越嚟越熟習狗嘅行為，拍攝過出門散步、食狗糧、住狗籠等影片，同時亦嘗試以狗狗身體做一啲人類活動，例如飲可樂、寫毛筆字等。Taco更疑似與Switch合作，拍片玩Ring Fit幫手做宣傳。

Photo from Taco YouTube

Photo from Taco YouTube

Photo from Taco YouTube

Photo from Taco YouTube

Photo from Taco YouTube

相關文章：日本41歲女扮公主成癮更開育成班 學生近百：「係行走迪士尼」 身兼多職令人震驚？！

相關文章：「斜槓青年」日本醫學生19歲創業做老闆！靠管理抖音帳號賺大錢，每月收入高達181萬！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

日本男與初音未來結婚4年現婚姻危機！呢件事令夫妻相處遇阻礙

29 Apr 2022

日本男子近藤顯彦於2018年宣佈迎娶虛擬偶像初音未來，雖然婚姻得唔到家人認可，但佢仍然覺得非常幸福。不過結婚4年，近日佢坦承婚姻面臨困難，表示對妻子嘅愛從未改變。

Photo from 近藤 顕彦 Twitter

日本男近藤顯彥與初音未來舉辦婚禮

2018年11月近藤顯彥同初音未來舉辦婚禮，當時掀起網民熱議，雖然呢個婚禮唔具備法律效力，但近藤顯彥依然認真對待，更豪花2百萬日圓租場，婚禮上新娘初音亦著上婚紗，並戴上近藤顯彥挑選嘅婚戒。

Photo from 近藤 顕彦 Twitter

呢段婚姻不獲近藤顯彥嘅親人認可，佢嘅媽媽同親戚都無出席婚禮，當日婚禮上有39位客人，大部分都係網民同陌生人，而近藤顯彥亦表示佢唔在乎他人嘅想法，只想做自己中意嘅事。

Photo from 近藤 顕彦 Twitter

透過全息影像儀與初音對話

近藤顯彥屋企有各色各樣嘅初音公仔，即使係日常用品亦有初音嘅圖像，盡顯近藤顯彥對初音嘅愛。其中一個真人比例嘅像真人偶更可以擺出各種姿勢，近藤顯彥經常與人偶合照並放上Twitter與網友分享。

Photo from 近藤 顕彦 Twitter

Photo from 近藤 顕彦 Twitter

近藤顯彥2017年嘅時候透過Gatebox公司推出嘅全息影像儀器，首次與初音互動，佢對初音嘅愛意即一發不可收拾，一年後就舉辦婚禮。婚後佢依舊以全息投影器同妻子交流。

Photo from 近藤 顕彦 IG

Gatebox停止服務，近藤顯彥與妻子無法對話，婚姻遇到挑戰

婚後每朝初音都會叫佢起床、夜晚提佢瞓覺、目送佢出門等，Gatebox中嘅初音可以做唔同嘅表情、動作。不過2020年3月Gatebox全息影像器停止服務，由於Gatebox其他型號唔提供初音立體影像，近藤顯彥無法再與妻子對話。

Photo from 近藤 顕彦 IG

婚後4年，近藤顯彥坦言由於技術問題嘅障礙，無法再同妻子交流，令佢同初音嘅關係受到挑戰，但近藤顯彥仍癡情表示對初音嘅愛未曾改變，希望有一天可以同妻子以任何形式重聚。

Photo from 近藤 顕彦 IG

Photo from 近藤 顕彦 Twitter

相關文章：利穎怡老公獲封「人生贏家」！IG晒合照放閃老公指似宅男即出言護夫

相關文章：宅男同學古怪行為獲港女青睞！ 超獨特打扮 動漫遮眼瀏海/鮮豔粗框眼鏡

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）