《聲夢2》全新6人女團XiX成員逐個睇！獲曾志偉點名力讚！平均年齡僅14歲

娛樂新聞

By Stephanie on 08 May 2022

Digital Content Writer

歌唱節目《聲夢傳奇2》即將於6月11日開播！早前，成功入圍嘅23位參賽者就出席記者會首度亮相，當中有6位成員就被大台總經理（節目內容營運）曾志偉點名力讚，仲好似想捧佢哋成為新晉女團XiX！

Photo from 聲夢傳奇 YouTube

《聲夢2》23位參賽者首度亮相！

《聲夢傳奇2》開播在即，今次大會嘅主題為「我超越我」，並於早前嘅記者會上公開23位參賽者嘅身份，當中有6位參賽者係透過《聲夢Junior》而獲得入圍資格！

Photo from 聲夢傳奇 YouTube

Photo from Charlotte IG

6位參賽者被組成女團XiX，獲曾志偉大讚！

而《聲夢Junior》呢6位參賽者莊殷玥（Vici）、劉芷君（Aster）、梁善知（Crystal）、繆昀希（Charlotte）、鄧曉殷（Kiele）、楊秉頤（Caitlin）仲獲得高層曾志偉大讚，被安排成為女團「XiX」拍攝節目宣傳片！宜家即刻睇下6位成員嘅資料啦！

Photo from 娛樂新聞台

14歲劉芷君（Aster）

Aster係《聲夢Junior》嘅大熱選手之一，多才多藝，9歲嘅時候就獲選為藝術體操港隊代表，仲曾經參加過唔同嘅唱歌、舞蹈、朗誦比賽，獲獎無數！2020年，佢於演藝教育中心接受專業訓練，獲取ABRSM Piano 6 級、ABRSM Singing 6 級等證書，實力高強。

Photo from 劉芷君IG

15歲莊殷玥（Vici）

即將迎來15歲生日嘅Vici亦都係《聲夢Junior》嘅大熱參賽者，佢上年先開始正式接受歌唱訓練，但1年內就參加唔同比賽獲得12個獎項，音樂天份高！而且佢亦曾於唔少運動比賽中獲獎，動靜皆宜～

Photo from 莊殷玥IG

15歲梁善知 Crystal

團中較為年長嘅Crystal 學唱歌僅僅1年半時間，而且結他亦係全靠自學。2015年佢開始參加唔同音樂比賽，獲得至少14個獎項！

Photo from 梁善知IG

15歲鄧曉殷 Kiele

Kiele十分有表演慾，11歲嘅開始就報名參加音樂劇演出，曾經接受超過1年嘅百老匯歌唱專業訓練。現時已經擁有ABRSM Piano 5 級、RAD Ballet 8 級資格，仲識得拉大提琴！

Photo from Kiele IG

14歲楊秉頤 Caitlin

唱歌實力高清嘅Caitlin被稱為「Junior杜麗莎」，由4歲開始就學拉小提琴同鋼琴，已經考取ABRSM Violin 8 級同 ABRSM Piano 5 級，獲得至少20個獎項。佢後來再自學彈結他，仲係一位游泳健將！

Photo from Caitlin IG

13歲繆昀希 Charlotte

團中最年輕嘅成員Charlotte於《聲夢Junior》初期表現唔算突出，但於決賽中表演《跳舞街》嘅自信表現，成功令觀眾另眼相看！據悉佢4歲嘅時候，已經遠赴韓國參加2013年韓國最大型街舞比賽，仲喺唱歌、跳舞、長笛比賽獲獎～

Photo from Charlotte IG

相關文章：【青春本我】大台推出跳唱男團「兄弟幫」？！5位聲夢學員+藝人組成

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

《聲夢Junior》參賽年紀太細遭網民狠批！3位大熱參賽者曝光！

28 Feb , 2022

大台上年所推出嘅《聲夢傳奇》成功製造話題，因此佢哋加碼推出《聲夢Junior》，培養一班年齡大約11至15歲嘅參賽者，並於昨晚（27日）開播。不過，唔少網民都批評參賽者嘅年紀太細，引起熱議！

Photo from 娛樂新聞台

# 《聲夢Junior》參賽者超年輕！

全新推出嘅選秀節目《聲夢Junior》就挑選咗18人入圍參加比賽，當中佢哋嘅年齡主要介乎11至15歲，務求將參賽者們嘅潛能發揮出嚟！製作組仲邀請咗星級顧問團隊，而上屆《聲夢》嘅學員文凱婷（Aeren ）、冼靖峰（Archie）等就擔任助教。

Photo from TVB

Photo from 娛樂新聞台

# Eric Kwok大讚天份好！

主持人兼節目總監督Eric Kwok受訪時話「呢個唔係兒童節目，係真正嘅選拔賽！」，賽制同導師們嘅要求都非常嚴格！不過佢就大讚參賽者們嘅潛力無限，睇好佢哋將來喺娛樂圈嘅發展！

Photo from 娛樂新聞台

# 一共分為3組進行對決

節目組將18位參賽者分為3組，根據佢哋本身嘅特長分成「Vocal group」、「Dance group」、「Band group」，並將會進行多番Battle及對決，最後表現最亮眼嘅4位會獲得參加《聲夢傳奇2》嘅資格！

Photo from 東張西望

# 網民狠批參賽者年紀太細！

然而，唔少網民都批評節目組所尋找嘅參賽者年齡太細，認為會影響佢哋嘅成長「咁細就讀好啲書先」、「啲男仔聲都未變」等；亦有網民認為咁樣變相係鼓勵年紀尚輕嘅少年發明星夢，認為唔應該鼓吹呢種風氣！

Photo from TVB FB

Photo from 聲夢junior

# 參賽者中大熱人選

日前《聲夢Junior》播出咗第一集，賽前Aster（劉芷君）同埋Vici（莊殷玥）都已經被視為大熱門！Aster本身9歲嘅時候就係香港藝術體操港隊運動員，而佢《特務J》嘅唱跳影片亦成功獲網民大讚，被譽為師姐鍾柔美嘅接班人，仲喺首輪比賽獲得唔錯嘅成績！

Photo from 聲夢junior

# Vici對自己信心十足，遭關心妍批評造作！

另一位大熱Vici就對自己嘅實力非常有信心，「我覺得自己任何時候都係100分」，令Eric Kwok忍唔住講笑咁話要第一foul！事實上首輪比賽尚未淘汰任何人，但就已經將參賽者嘅錄影將俾星級導師們，而Vici就被關心妍批評「有懶音同埋造作咗啲。」

Photo from 聲夢junior

Photo from TVB

# 黑馬Nicole贏過唔少模特兒比賽！

有網民亦指Vocal group中嘅Nicole張嘉悅來頭不小，除咗擁有自己嘅YouTube頻道之外，仲多次喺國際性嘅模特兒比賽中獲獎，年紀輕輕就已經擁有豐富嘅比賽經驗！而佢姐姐張嘉倩（Michelle）上屆就有參選香港小姐，而Nicole亦喺自我介紹中寫上目標係將來做香港小姐，二人嘅夢想都好相似～