劉耕宏爆紅健身片多次被叫停 原因超爆笑：衣服太顯身材、冇剃毛？！

近年轉到內地發展嘅台灣藝人劉耕宏，因自創健身操而在內地網爆紅，好多藝人網民在留家抗疫時都跟著練習。不過，近日卻爆出其直播被禁播嘅消息，當中原因更非常爆笑，又令人無奈！

Photo from 劉畊宏 微博

劉耕宏健身操在疫情下爆紅

49歲劉耕宏向來熱愛健身，年近50身材仍相當健碩。佢近年與家人搬到上海定居，遇上疫情，佢開始在抖音拍片分享健身教學，由於動作簡單易明，所以無論係「毽子操」或「女神操」都深受歡迎。而且，佢老婆王婉霏在片中肉緊地跟著老公做動作嘅模樣非常搶眼，更變成網民嘅「表情包」在網絡瘋傳。

Photo from 微博

Photo from 微博

Photo from 微博

劉耕宏夫婦在上海封城期間，天天開直播帶領網民一起跳健身操，當中會搭配多首流行曲，如周杰倫嘅《本草綱目》、《公公偏頭痛》等名曲令大家更投入，其抖音粉絲數量在短短一個月內已經突破2千萬，累積觀看人次已超過1億。網友們都紛紛表示要成為「劉畊宏女孩／男孩」一起鍛煉，同時仲吸引好多藝人都加入熱潮，例如應采兒、吳尊、鍾麗緹等藝人。

Photo from 應采兒 微博

Photo from 鍾麗緹 抖音

衣服太緊身被停播？

不過，原來劉耕宏嘅直播有多次被平台視為「問題影片」，試過播到一半被強制關閉。當時片中無咩異常情況，只見劉耕宏戴著白色cap帽，身穿白色緊身背心，再配搭一條粉橘色運動短褲，而老婆王婉霏衣服亦係同類配色。

Photo from 微博

及後才知道，被禁係因為劉耕宏的衣服因為太過貼身，令身材看上去非常「激凸」，導致穿著審核不合格。之後更有網民大爆，直播被官方檢測為「哺乳期擦邊球」所以被禁播。

Photo from 微博

做直播要先剃腋毛？！

更搞笑係，早在身材激凸問題前，劉耕宏就曾因腋毛問題被警告，佢聽從警戒後把腋毛都剃乾淨，本以為可以順利做直播嘅佢，之後又因衣服而被禁，不少網民都認為平台太嚴格。被禁播後，劉耕宏和老婆索性穿起羽絨外套做健身操，畫面非常趣怪。

Photo from 微博

祝福周杰倫都犯規？！

除此，劉耕宏近日更因在直播仲表示「祝周杰倫身體健康」，而被平台系統判定「涉及醫療健康」問題又再次被停播。

Photo from 周杰倫 IG

劉耕宏永不放棄精神受粉絲歡迎

不過佢未有放棄，所以粉絲都好欣賞佢，仲有名上海粉絲一晚就打賞了超過14萬港幣，真係好受歡迎。

Photo from 劉畊宏 微博

流傳天價廣告報價單

劉耕宏嘅健身直播無可否認好有熱度，最近在網上就流傳一張「置入廣告報價單」，上面寫著「劉耕宏全面開啟商業化」，並列出多個項目嘅合作價錢，由80萬人民幣到500萬人民幣都有，雖然未知報價單真偽，但無論真假，相信都有好多品牌有興趣同劉耕宏合作。

Photo from 微博

相關文章：鍾麗緹在家健身曝光豪宅內部 3層獨立屋時尚奢華 空間大到搵唔到囡囡？

相關文章：上海封城｜眾星豪華居家抗疫生活曝光 富人屋苑齊集彭于晏劉嘉玲 樓價3千萬起

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）