蔚雨芯母親節開200萬支票送媽媽 28歲擁美容品牌月賺百萬成圈中小富婆

By Cheryl on 10 May 2022

Digital Editor

藝人蔚雨芯（Rainky）近年開拓不少新事業，包括賣NFT、同朋友合作搞美容品牌等，28歲已成為了圈中小富婆。日前母親節，Rainky就開咗一張200萬支票送畀媽咪，真係豪爽又孝順！

Photo from 蔚雨芯 IG

蔚雨芯開200萬支票畀媽媽

在剛過去嘅母親節，不少藝人都出po表達對媽媽嘅謝意，蔚雨芯（Rainky）也不例外，佢上載了和媽媽、弟婦、和工人姐姐三位已為人母嘅親人在家中慶祝情況，除咗食蛋糕和大歎薑蔥炒蟹外，最矚目嘅賀禮莫過於一張上款寫著「To mom」嘅200萬支票。

Photo from 蔚雨芯 IG

唔知Rainky是否因為一次過送出200百萬畀媽媽，所以佢在帖文形容今次慶祝為「簡簡單單」，亦有網民大讚佢叻女，並留言：「可能係我膚淺，但我都完全感覺到蔚小姐好錫佢媽媽。」

Photo from 蔚雨芯 IG

投資NFT、開設自家美容品牌

Rainky近年減少幕前工作，佢早前進軍NFT市場，用7位數投資貓貓造型嘅NFT品牌Meowdel，一出便吸引不少圈中人認購，Rainky為了幫前輩林盛斌（Bob）投得心頭好，更不惜捱炒價用10萬港元買下對方想要嘅NFT。

Photo from 蔚雨芯 IG

除此，Rainky亦有同朋友合資近百萬開設自家美容品牌，並專門售賣女性美容及保健產品，僅花兩年已月賺過百萬。到今年，佢再度擴充業務，正式開開設醫學美容中心。Rainky早前在IG分享了新舖照，環境睇落非常闊落，目測近2千呎，仲擁有270度靚景觀。

Photo from 蔚雨芯 IG

家住過2千呎豪宅

Rainky曾被爆戀上大馬千億富二代，又被指拍拖後突然富貴，但佢曾否認傳聞，表示現在擁有嘅一切都係由家人給予，雖然外界有傳佢公屋出身，但亦有指佢家境富裕，父母曾經營旅遊巴生意。Rainky現時與家人同住一間2千5百呎豪華獨立屋，內部環境走白色簡約風格，好有空間感，方便邀請朋友作客，屋內亦有瑜珈專區，同室外泳池，方便Rainky做運動保持身材。