小新爸爸代言男性專治腳臭沐浴露，沒了腳臭怎麼救世界？
日本花王最近推出一款專治男性腳臭的沐浴露，而代言人唔係明星，竟然係蠟筆小新嘅爸爸野原廣志！有睇蠟筆小新都知小新爸爸根本係臭腳代表，仲經常靠一對臭腳度過唔少危急關頭！今次廣告請哂小新一家人做，唔知可唔可以幫小新爸爸快啲還哂32年嘅房貸呢…
Photo from 日本KAO 官網
日本花王今次請蠟筆小新嘅爸爸野原廣志代言佢地嘅沐浴露，強調可以「徹底清除腳臭、長時間阻隔全身異味」，仲特登為此發表一篇使用心得！內容大概係話自己一開始懷疑呢支沐浴露嘅效果，因為佢對腳實在太臭，但係用完之後腳臭真係消失左，對腳仲變得好乾淨，連仔女見到對眼都發哂光，第一次將臉貼得佢對腳咁近！希望全國每日努力工作嘅爸爸都可以用呢支沐浴露！
Photo from 日本KAO 官網
腳臭臭到出模型
小新爸爸曾經係劇場版《蠟筆小新：大對決！機器人爸爸的反擊》入面用臭腳臭暈一班圍住佢嘅機械人，令到日本萬代玩具特登為廣志出模型還原呢一幕，仲以「日本最臭的腳」做標語，底座仲真係有臭味劑，因為臭而出模型真係動漫界第一人！
Photo from 日本BANDAI玩具
廣告一開始係小新忽然聞到異味，即刻化身偵探去搵臭味來源。
Photo from 日本花王Youtube頻道 KaoJapan
發現臭味源自收工返屋企除鞋嘅小新爸爸。
Photo from 日本花王Youtube頻道 KaoJapan
然後媽媽美冴拎出治腳臭嘅法寶！花王男士防腳臭沐浴露！
Photo from 日本花王Youtube頻道 KaoJapan
小新爸爸fing住臭襪接受挑戰！
Photo from 日本花王Youtube頻道 KaoJapan
花王官網指出腳臭係因為細菌容易滋生，著鞋唔透氣令腳汗焗住、有好多陳年角質等都會令細菌容易滋生，造成腳臭。
Photo from 日本花王Youtube頻道 KaoJapan
所以呢支沐浴露就係有強效殺菌成分，利用超濃密嘅泡泡帶走細菌，仲有添加香料令雙腳保持香味。
Photo from 日本花王Youtube頻道 KaoJapan
結果令人超滿意，連不嬲對爸爸對臭腳敬而遠之嘅小新兄妹都忍唔住雙眼發光呀！
Photo from 日本花王Youtube頻道 KaoJapan
網民讚花王有創意無搵錯代言人
網民話小新爸爸對臭腳多次係蠟筆小新劇場版入面擊退強敵，花王竟然解決左佢嘅臭腳問題，咁以後小新一家仲點樣拯救世界？仲有網民話如果蠟筆小新再出現爸爸嘅腳臭劇情就代表呢支沐浴露無用呀！可以引起大家咁多聯想，花王呢個廣告真係好有創意！
Photo from 日本花王Youtube頻道 KaoJapan
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
8個你可能不知道嘅蠟筆小新都市傳說！ 新子係未來嘅小葵？風間媽媽係怪物？！
16 Apr 2021
相信大家都一定知道或者睇過《蠟筆小新》嘅卡通片，小新喺卡通裡面無里頭嘅形象都帶咗好多歡樂俾大家，但大家又有冇聽過關於蠟筆小新嘅都市傳說呢？！而家就一齊嚟睇下啦～
Photo from Pinterest
1.小新嘅原型係5歲時因車禍去世
據聞，日本真係有一位名叫小新嘅5歲小朋友，但就為咗救妹妹而發生車禍去世。小新嘅媽媽美冴仲因為傷心過度而精神重創，變得奇奇怪怪，但仍然堅持用蠟筆紀錄兒子小新5歲前嘅一點一滴。喺一次偶然嘅機會下，作者臼井儀人就遇見野原美冴，喺聽完小新嘅故事之後非常感動，所以就以呢個動畫去紀念呢位小朋友！
Photo from 《蠟筆小新》
Photo from 《蠟筆小新》
2.小新爸爸廣志係有錢人？！
喺動畫裡面，小新爸爸廣志係一位35歲喺東京雙葉商事工作15年嘅營業2課擔任股長。有傳廣志其實有非常豐厚嘅身家，再加上美冴嘅節儉性格，所以佢哋先可以喺東京近郊擁有一座複式獨立洋房。而且，佢哋嘅房屋面積亦非常大，屋外仲有小花園俾狗狗小白玩，房價絕對係唔便宜！
Photo from 《蠟筆小新》
Photo from 《蠟筆小新》
再加上，佢哋一家人成日都出國旅遊，例如去西班牙、澳洲等，都係由廣志一手支付費用，所以佢絕對可以話係一位「高富帥」！
Photo from 《蠟筆小新》
3.來自未來嘅小葵？
新子係一個好神秘嘅角色，由於佢外型極似小葵，而且佢每次以出場就會伴隨住特殊形狀嘅烏雲，令唔少觀眾都認為佢可能係來自未來嘅小葵！
Photo from 《蠟筆小新》
Photo from 《蠟筆小新》
而呢個傳聞係得到動畫內容嘅證實！喺新子呢個角色一登場嘅時候，佢就自稱係小葵嘅朋友。後來，就喺同小新嘅一次對話當中坦承自己就係來自未來嘅小葵，解釋自己係因為經常被罵所以一直懷疑自己並非媽媽親生孩子，而返到嚟過去想搵出真相。
Photo from 《蠟筆小新》
4.可怕嘅法國娃娃事件
廣志曾經喺公司帶過一隻洋娃娃返屋企，但就因為美冴做咗個好恐怖嘅夢而想扔咗佢，不過因為小葵太鍾意隻洋娃娃，所以唯有留低佢。直到第二日，廣志返到公司佢嘅同事同佢講原來隻洋娃娃會令家裡面不停發生怪事！
Photo from 《蠟筆小新》
Photo from 《蠟筆小新》
後來，呢隻洋娃娃又再一次出現，不過今次遭殃嘅喺正男！有一日，佢喺櫥窗外見到個好靚但詭異嘅洋娃娃，仲聽咗關於呢隻公仔嘅鬼故事，令佢嚇咗一大跳。點知正男返到屋企之後就發現媽媽抱住咗呢隻公仔，而佢屋企亦開始出現怪異嘅事！
Photo from 《蠟筆小新》
Photo from 《蠟筆小新》
5.風間媽咪係怪物？！
喺蠟筆小新嘅其中一集劇場版，當風間媽咪為風間準備食物嘅時候，佢嘅行動突然變得詭異，一邊切雞肉一邊跳住奇怪嘅舞步。仲突然變成怪物，喺度食生雞肉！而風間就因為察覺異樣而跑出房間，但呢個時候風間媽咪就立刻變返原樣。
Photo from 《蠟筆小新》
Photo from 《蠟筆小新》
6. 詭異嘅人面蠟筆
喺動畫入面，正男曾經執到一支底部有詭異人樣嘅蠟筆，仲因此而被操控畫咗好多奇怪嘅畫。最恐怖嘅係所有畫出嚟嘅嘢都成真，例如：吉永老師被釘拮到腳等。
Photo from 《蠟筆小新》
Photo from 《蠟筆小新》
雖然正男因為覺得太可怕而扔掉蠟筆，但就俾小新發現到一個被遺忘嘅畫作，然而畫裡面嘅係面上留曬血嘅妮妮！
Photo from 《蠟筆小新》
7.離唔開嘅遊樂場
喺其中一集，小新同佢嘅朋友一齊去到一個遊樂場玩，並且認識咗一位身穿白色長裙紮住孖辮嘅女仔。玩咗一陣之後，大家都準備回家，但就發現無論點樣走出遊樂場嘅出口，佢哋最終都喺返遊樂場裡面。期間，個女仔不停咁要求佢哋陪佢玩鞦韆，直到個女仔消失咗，佢哋先返到屋企！
Photo from 《蠟筆小新》
Photo from 《蠟筆小新》
8.消失的7樓
風間屋企住喺7樓，但有一次佢如常屋企時就發現自己唔小心去咗8樓，以為自己太大意，所以就再搭一次電梯，但今次竟然去咗6樓。佢試咗好幾次，但無論點都好就係去唔到7樓！於是，佢就決定要行樓梯，但依然搵唔到返屋企嘅路。
Photo from 《蠟筆小新》
Photo from 《蠟筆小新》
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
