巴士男乘客可疑行為惹熱議！車內超多座位，卻故意選擇坐女生隔離？網民反應兩極
喺繁忙時間乘搭交通工具，難免會出現人多擠迫嘅情況。最近，有網民就於FB 群組指見到一名男乘客喺搭九巴74X時，眼見周圍都係空位，但卻偏偏選擇坐喺年輕女仔嘅身邊，質疑對方有「抽水」嫌疑？！呢個post出現後，隨即引起關注，不過網民反應兩極！
Photo from 《大叔的愛》
樓主分享搭巴士遇見奇怪男乘客？！
日前，有網民於FB群組「大埔人大埔谷」指喺乘搭九巴74X時，認為其中一名男乘客嘅行動十分有可疑，並發聲指責對方。佢表示男士選擇巴士座位時「係我隔離企定定已經左望右望」，最終卻居然選擇坐喺年輕女仔嘅身邊，但係巴士嘅空位卻非常多！
Photo from 大埔人大埔谷 @FB
Photo from 大埔人大埔谷 @FB
樓主出聲提醒男士後面尚有空位，卻遭冷待！
網民覺得此男子行為有怪異，所以就出聲表示後方仲有更加多嘅位置，並冇必要同其他人一齊坐。不過卻換來男子嘅一句「唔係男就女」，仲開始閉上眼睛瞓覺。樓主只係用黑色線粗略咁為男子遮蓋眼睛就上載照片，並希望藉此提醒大家喺乘搭交通工具是要時刻保持警惕！
Photo from 《學校2015》劇照
網民反應兩極，部份網民認為男士行為有怪異
呢個post一出就引起網民極力迴響～唔少網民都支持樓主嘅英勇行為「多謝你保護咗小妹妹」、「見義勇為值得欣賞」、「扮瞓真係好假」等留言，而部份網民都表示認同男乘客嘅行為可疑「宜家疫情期間，有位盡量都唔會一起坐啦」，有男網民都話自己選擇座位都會有所避忌！
Photo from 大埔人大埔谷 @FB
Photo from 《開端》劇照
網民斥樓主做法過火「未審先判」！
相反，部份網民就認為樓主嘅做法未免有啲過激，即使男乘客行為可疑，但佢實際上並冇做出任何「越軌」行為；而樓主公開對方照片就似乎唔太恰當「有種未審先判feel」、「宜家男人係咪連揀位嘅權利都冇」等。
Photo from 大埔人大埔谷 @FB
Photo from 《大叔的愛》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
壽司郎食客籌號超過30分鐘，超惡要求店員補飛！店員高EQ處理獲網友激讚
30 Sep , 2021
食肆好多時會列明籌號超過5個將不設「補飛」要重新輪候，但未必個個食客都會遵守。近日有網友影到黃埔壽司郎有食客疑逾時30分鐘先出現，竟要求店員安排佢補飛入座，掀網民熱議。店員超高EQ嘅回應亦獲一致大讚！
「香港突發事故報料區」網友公開食客大鬧黃埔壽司郎片段
香港好多食肆都大受歡迎，午餐、晚餐都會出現滿座情況，所以要先行攞飛輪候入座用餐。「過江龍」壽司郎登陸香港後開咗唔少分店，但間間都大排長龍，即使如此每日都仲有大量食客願意等候。
近日喺Facebook群組「香港突發事故報料區」有網友公開一段拍攝於壽司郎門口嘅影片，全片時長為7分45秒。網友稱片段係2022年1月9日下午4點半於黃埔壽司郎拍攝。
一男一女輪候籌號已逾時超過30分鐘，女子要求店員「補飛」安排入座
片中一男一女正喺壽司郎門口等候入座，女士表現十分不耐煩：「要等幾耐呀？快啲啦！」，終於有店員前來處理，女士指佢籌號已過，但要求店員為佢「補飛」安排入座。
店員則表示相關嘅籌號已經過咗超過30分鐘，按照公司規定將不獲「補飛」，建議佢哋重新攞飛輪候，女士聞言大為不滿，佢指自己係喺預約籌號：「咁樣係咪有啲唔公道？就算要候補係咪要先過walkin嗰啲呢？」佢又指壽司郎咁樣嘅處理方法並唔係第一次：「上次你哋荔枝角（分店）都試過係咁！」
店員建議畀卡片佢向客戶服務反映情況，女子大怒質疑未過30分鐘
店員一直禮貌回應：「明白明白！」，但重申呢度幫唔到佢入座，稱可以畀張卡片佢向客服方面求助。女士聲量越嚟越高：「你唔好話幫唔到！咁我唔舒服有咩辦法姐？！畀張卡片我無用㗎！依家你哋係要即刻解決問題！」
女士又指佢有用手機App睇叫號情況，質疑根本未過30分鐘：「你哋單方面話過咗30分鐘，我哋都可以話唔係㗎，唔係你哋講就係㗎嘛！」，又要求店員提供證據證明叫號過咗30分鐘。店員亦解釋電腦未能顯示叫號時間等資料，但仍帶女子睇電腦資料，由於候補籌號已叫到375號，推算女士所持嘅358號過時已逾30分鐘。
女士大聲指：「依家點先？快啲解決個問題佢！我哋係咪會快過walkin先，我哋一早攞咗飛！我哋只不過係過咗鐘咋嘛！」，店員亦再強調已過30分鐘，只可以提供卡片，女士大怒：「你咩數據都畀唔到我又叫我排walkin隊！」
女子暗示會投訴店員，網友指無理取鬧，反讚店員態度好
女士：「依家唔係食一餐飯嘅問題，呢個係唔公道嘅問題，呢個係原則問題呀嘛！」、「嘥時間啦！講埋啲廢話！你叫咩名！」之後女士就大聲讀出店員名字似暗示會投訴該名店員。
影片最後女士走出商場範圍並繼續大罵：「完全唔合理！唔係食唔食嘅問題，你數據又畀唔到我！」，片中更錄到疑似拍片人嘅聲音：「好嘢好嘢！走咗走咗！」
唔少網友直指女子無理取鬧，仲要出口傷人十分無品：「影衰晒香港人！」，而片中女店員面對咄咄逼人嘅顧客仍耐心點頭，又冷靜回應，獲讚好有禮貌：「EQ好勁！」
圖片來源：壽司郎、Facebook群組「香港突發事故報料區」、LIHKG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
