200磅內地女扮楊貴妃爆紅 穿漢服重拾自信 樂觀對抗網民負評
雖然現代審美觀追求纖細身形，但古代唐朝就更偏好肉地身材。內地一名女生因藥物令體重激升，過百公斤嘅佢曾自信低落。後來，佢在某旅遊區成為了楊貴妃扮演者後爆紅，仲以「楊貴肥」稱號成為網紅，自信模樣獲不少網民支持。
Photo from 楊貴肥本妃 微博
100公斤內地女扮楊貴妃爆紅
綜合內媒報道，28歲嘅王宇之前因病吃藥令體重不受控制，超過200磅嘅佢遭受過不少異樣目光。雖然難受，但佢都無自暴自棄，熱愛漢服嘅王宇開始Cosplay唐朝美人楊貴妃，並到西安唐文化街區中，一個高度還原唐朝景區扮演楊貴妃。
Photo from 楊貴肥本妃 微博
秉持敬業精神，認真做好每個表演
王宇認真看待演出，佢每天需表演9個小時，並會以「楊貴妃」身份在接區內穿梭，表演前亦要花上3至4小時化妝和弄髮型。佢又指，唐代人對美嘅追求非常極致，所以額頭上嘅花紋都要細心地逐筆畫上。王宇除了研究唐代妝容，仲會鑽研當時嘅人物生活，例如煎茶、整唐果子等，非常投入。
Photo from 楊貴肥本妃 微博
熱愛漢服，保持樂觀心態
王宇成為專業表演者後，在網上以「楊貴肥」為名開設帳號。佢曾表示，以前看到酸民留言嘲笑都會躲在家裡哭，唯有將自己在任何狀態下都打扮得特別漂亮，維持樂觀和善良心態。佢認為穿上漢服後，會產生發自內心嘅愉悅感。看到所做嘅事被人別認可係世上最美妙嘅事情，佢認為人應該保持樂觀向上心態，並體會到自信嘅人係最靚。
Photo from 楊貴肥本妃 微博
粉絲同樣愛看現代妝
除了分享平時嘅工作造型照，王宇也不時上載美食和旅遊日記到社交網，相中可見佢卸下唐朝妝服，以休閒造型享受私人時間，其支持者都留言稱讚佢現代妝同樣好看。
Photo from 楊貴肥本妃 微博
在現在社會中保持自愛
有網民認為，雖然體重會影響健康，但王宇係受到藥物影響才令體重上升，而佢在現今對外貌嚴格嘅風氣下，仍能實現自己價值係好值得欣賞。有粉絲看得出王宇非常熱愛工作、熱愛漢服，也愛自己，對有容貌焦慮嘅女生來說很有鼓勵作用。
Photo from 楊貴肥本妃 微博
雖然曾有網民直批支持者過度稱讚王宇，更認為佢有損楊貴妃形象，亦錯誤演繹唐代審美觀，雙方因此掀起過罵戰，但王宇未受影響，並繼續在微博感謝各界關注。
Photo from 楊貴肥本妃 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
