何超欣唔見回鄉證被逼瞓機場！何猷君遇類似情況被認出即獲處理

已故賭王何鴻燊四房千金何超欣一向低調，佢現時於北京清華大學進修，近日佢喺社交網站露面並自爆曾因遺失回鄉證而被逼瞓機場。其實佢哥哥何猷君亦遇過類似情況，但當時被認出身份後十分鐘事件就得以解決。

Photo from 何猷君微博

賭王千金何超欣係學霸，於清華大學讀研究生

何超欣同哥哥一樣係一名學霸，於美國麻省理工學院（MIT）管理學與建築學雙學位畢業，現時佢喺北京清華大學深造。賭王曾力讚細女「靚到不得了」，不過何超欣行事一向低調，本人未有公開社交網站。

Photo from 何猷君微博

日前小紅書「澳門龍哥」就同何超欣拍片，更公開佢喺北京嘅住處。喺清華大學讀書嘅何超欣嗌外賣都唔要餐具，十分環保，佢又建議連外賣盒都可以唔用。

Photo from 「澳門龍哥」小紅書

Photo from 何猷君微博

何超欣曾因失回鄉證無法入境而要瞓機場

龍哥問到佢喺外地讀書有無咩困難，何超欣表示佢試過由澳門飛上海時唔見咗回鄉證無法入境，但由於辦理證件手續繁複，佢無奈只能喺機場過一夜，然後第二朝飛返澳門再重新辦理回鄉證，佢指：「能在當地辦就好了」

Photo from 「澳門龍哥」小紅書

Photo from 「澳門龍哥」小紅書

片中亦公開咗何超欣嘅北京住所，餐枱好大，可以放到勁多餐盒同飲品。而客廳嘅L型梳化有足夠嘅位置，而且睇落十分軟熟，仲有唔少咕?。

Photo from 「澳門龍哥」小紅書

Photo from 「澳門龍哥」小紅書

Photo from 「澳門龍哥」小紅書

何猷君遇類似情況，但疑被認出獲極速解決

其實佢嘅同胞哥哥何猷君亦曾遇到類似嘅情況，2017年何猷君喺微博發文鬧爆航空公司，佢指因為創業partner嘅護照漏咗喺飛機所以無法入境，多次求助無果，何猷君更直言對方「愛答不理，態度極其差」，質疑因為佢哋係經濟艙乘客。

Photo from 何猷君微博

Photo from 何猷君微博

何猷君與partner喺機場等咗一夜，佢表示直到機場某位管理人員認出佢嘅身份，原本被告知丟失需要返港補辦嘅護照即刻於10分鐘之內搵到，何猷君：「可悲，致每一個不被公平對待的我們。」

Photo from 何猷君微博

及後航空公司發文解釋事件及道歉，但何猷君轉發並留言：「講真，認不認識何猷君不重要，無差別的服務乘客，比什麼都重要。」

Photo from 何猷君微博

Photo from 何猷君微博

相關文章：谷愛凌與何超欣同遊環球影城，賭王四房千金打扮低調企埋秒變助理？

相關文章：何猷君在家被奚夢瑤剪髮好驚青 怕老婆樣笑翻網民 上海過億豪宅引熱議！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

何猷君稱唔會拎屋企錢！婚前同奚夢瑤講：唔好以為我係有無限黑卡富二代

6 Nov 2020

賭王兒子何猷君同老婆奚夢瑤參加大陸真人騷《幸福三重奏》，兩人互動引起熱議，最近何猷君就提及自己喺結婚前同老婆講唔好以為我係有無限黑卡富二代，指自己講咗唔會攞屋企錢，再靠自己打拼，希望奚夢瑤同佢一齊努力。

賭王兒子何猷君同老婆奚夢瑤由戀愛都結婚生仔都非常高調，近來更一齊出演大陸真人綜藝節目《幸福三重奏》，喺節目中大爆夫妻相處嘅秘密。

最近一集何猷君同另一出演者吳京傾偈時，就自曝同奚夢瑤結婚前已經同對方講：「你唔好以為我係有無限黑卡嗰啲富二代」指自己早就講咗唔會攞屋企錢。

Photo from 微博

佢表示會靠自己打拼，仲話想奚夢瑤呢幾年同佢一齊努力，陪佢創業。而奚夢瑤當時回答：「你有咩需要，我可以幫你」相信老公一定可以成功。

其實之前奚夢瑤生下仔仔何廣燊時有指為何家生下長孫，家產可以分多一份。當時何猷君就發文指：「生何廣燊，我一分錢沒從我爸那拿過」又表示財產早就喺佢15歲未成年前就已經分完。

何猷君雖然指自己唔會拎屋企一分錢，但網民就認為佢講嘢好無說服力：「如果你老豆唔係何鴻燊，你唔會有今日」、「有錢人都個個都係咁講」、「出生就係貴族待遇，仲話靠自己？」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）