東張西望｜利穎怡採訪老鼠單位屋主慘被批肘！網民：應該搵男主持

《東張西望》之前報道過美孚新邨一個單位，鼠患嚴重令鄰居苦不堪言。近日發現老鼠單位業主於貝澳出現，主持人利穎怡即去現場，期間見到屋主陳小姐卻被對方用手推車、「批肘」攻擊，十分危險！

Photo from 《東張西望》

美孚新邨老鼠單位業主陳小姐於貝澳出現

早前美孚新邨一個單位堆滿雜物，滋生鼠患，更造成火警，食環署向法庭申請手法入屋滅鼠，不過屋主就未有現身，行蹤十分神秘，《東張西望》新一集就指原來屋主陳小姐長期住喺大嶼山貝澳。

Photo from 《東張西望》

Photo from 《東張西望》

陳小姐貝澳嘅鄰居表示佢嘅雜物都好多，擔心會變成美孚新邨翻版。鄰居梁小姐表示住咗5～7年，老鼠單位屋主陳小姐約70歲，經常將雜物放到出門外，佢曾表明會影響通道出入，但陳小姐僅象徵式將雜物移入小小。

Photo from 《東張西望》

鄰居不堪受擾曾起衝突

鄰居梁小姐十分不不滿於是出手推走陳小姐嘅雜物，卻被大鬧：「做咩郁我啲嘢？」鄰居梁小姐透露陳小姐住喺貝澳超過20年，佢受困擾近10年，梁小姐指陳小姐會喺垃圾站執嘢返屋企，有日更見佢喺門口吐口水，令梁小姐忍無可忍鬧足十分鐘！梁小姐稱自此之後陳小姐無再同佢嗌交，但就會不停影相。

Photo from 《東張西望》

Photo from 《東張西望》

Photo from 《東張西望》

另一位鄰居Angel亦表示陳小姐將雜物放喺公眾地方，搞到佢住輪椅嘅老公出入十分唔方便。梁小姐指佢同陳小姐積怨甚深，更對簿公堂！事緣陳小姐報警指深梁小姐老公打咗佢一巴，但梁小姐則指對方講大話。

Photo from 《東張西望》

Photo from 《東張西望》

業主陳小姐坐擁幾個物業，近年老公兒子相繼搬出

官司開始後陳小姐就搬離貝澳7～8年，《東張西望》稱懷疑佢呢段時間都住喺美孚新邨，直到單位發生火警後佢就再次搬回貝澳居住。梁小姐又指陳小姐原本與老公、兒子同住，但近一兩年就只有陳小姐一人住，佢喺香港擁有幾個物業，有部分都係雜物屋。

Photo from 《東張西望》

Photo from 《東張西望》

Photo from 《東張西望》

貝澳鄰居都表示曾多次見到陳小姐屋企附近有好多老鼠出沒，體型更十分大隻！

Photo from 《東張西望》

利穎怡採訪期間被對方批肘！

《東張西望》終於見到陳小姐真身，主持人利穎怡採訪期間更被對方用手推車攻擊，又用手肘大力批面，節目組即報警求助。有網民認為主持人前線採訪工作十分危險，又指人哋唔想做訪問，主持纏住對方難怪人哋生氣，另外有人指就算要訪問都應該搵男主持。

Photo from 《東張西望》

Photo from 《東張西望》

Photo from 《東張西望》

Photo from 《東張西望》

Photo from 《東張西望》

相關文章：東張西望｜美孚新邨單位藏過百老鼠經喉管入侵鄰居 管理處被斥無視問題

相關文章：《東張西望》前任主持大起底！隱形富婆、有人離巢後擲1億買豪宅

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

【東張西望】豐胸廣告聲稱1個鐘A變D！苦主花過萬元按摩後斥零作用

27 Jan 2022

香港唔少女士都會做下美容療程，但市面上有唔少不實廣告，好易受騙！《東張西望》最近有苦主現身指佢見有豐胸按摩聲稱1個鐘A變D，佢花費過萬元購買療程但就被按瘀，而且更唔見有任何豐胸成效！

Photo from 《東張西望》

豐胸廣告聲稱按摩1個鐘「由A變D」？！

擁有「天使臉孔、魔鬼身材」係唔少女士嘅夢想，美容院都有推出各種美容療程，不過呢啲療程都唔係樣樣work！近日TVB節目《東張西望》就有觀眾報料指按受豐胸療程後感到被騙。

Photo from 《東張西望》

事主姓區，佢表示自己喺IG見到有豐胸廣告，聲稱可以一個鐘由A cup升到D cup，區小姐被廣告呈現嘅效果所吸引，於是用咗$432參加有關療程。

Photo from 《東張西望》

Photo from 《東張西望》

苦主花過萬元接受療程，按到受傷又無升cup效果

區小姐表示喺按摩過程中佢痛到「標眼水」，但治療師指痛係正常，喺按摩過程中更落力sell區小姐再買一個療程，對方話做單次嘅療程係唔包機器推拿，只有人手按摩。

Photo from 《東張西望》

Photo from 《東張西望》

為咗有效果，區小姐再花$10,320元購買15次豐胸療程。不過喺接受按摩後區小姐仍感到痛楚，仲忍唔住睇醫生，佢指喺檢查過程中胸骨、心口都好痛，又表示自己心口位置明顯瘀咗。

Photo from 《東張西望》

Photo from 《東張西望》

經診斷後，醫生發現區小姐皮下組織受損，估計喺按摩過程中按得太大力整親。區小姐又表示痛得嚟仲要無效果，完全無好似廣告咁由A變D：「半Cup都無升級。」

Photo from 《東張西望》

Photo from 《東張西望》

醫生表示按摩只會造成暫時水腫嘅豐胸假象

區小姐拎住醫院到診紙向美容院要求退款，但對方指到診紙所寫只係一個病徵，完全否認呢個病徵係因為佢哋按摩療程所導致。

Photo from 《東張西望》

Photo from 《東張西望》

《東張西望》之後採訪醫生，醫生表示短期嘅按摩會令血管擴張，從而產生暫時水腫，令心口望落去變大咗。但佢稱未有直接證據證明長期按摩可以豐胸。

Photo from 《東張西望》

美容院拒絕退款，對《東張西望》有關查詢「已讀不回」

雖然區小姐受傷都差唔多康復，但已對美容院失去信心，打算要求對方退款，但美容院就指因公司規定，堅決拒絕退款。

Photo from 《東張西望》

《東張西望》主持人陪同區小姐上美容院跟進事件，但員工只表示負責人唔喺度，又指區小姐無提供醫生證明。之後員工就指會向辦公室方面反映，雖然《東張西望》以WhatsApp向美容院提供證明，但等咗成兩個星期對方都只係已讀不回。

Photo from 《東張西望》

Photo from 《東張西望》

Photo from 《東張西望》

相關文章：【東張西望】主持訪問兩餸飯老闆，一句質問被指不尊重！網友：問得好寸

相關文章：【東張西望】傳已婚男遭袁晴晴Coco糾纏 ? 於《造星3》重現分手情境，索20萬分手費！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）