江湖小棧｜排足1粒鐘！荃灣豬油撈煲仔飯 完美黃金飯焦！必食滑雞＋窩蛋牛肉

要數到荃灣煲仔飯之首，相信不少荃灣街坊都會提起江湖小棧，主要做晚市宵夜生意的江湖小棧，憑著自家提煉的豬油煲仔飯而聲名大噪，每到晚市時候門口必定出現排隊人龍，實力絕不輸蝕其他人氣煲仔飯店。

荃灣煲仔飯店江湖小棧

煲仔飯是冬天暖胃恩物，位於荃灣鱟地坊的江湖小棧，即使是大熱天門口仍然大排長龍。餐廳主廚是任職中廚出身，曾創業開過豆品店和小食店，輾轉下最後回歸老本行，在荃灣開設以「武林」為主題的江湖小棧。

Photo from PressLogic

餐廳裝修走武俠風，周圍掛滿了兵器、聖旨和古色古香的擺設，連菜單也似足一本武林秘笈，充滿江湖味道夠盞鬼。餐廳只做晚市宵夜，主要供應煲仔飯、煲仔粥、串燒及粵式小炒等。

Photo from PressLogic

超過20款煲仔飯配搭

江湖小棧主打自家製的豬油煲仔飯，招牌煲仔飯有超過20款固定款式，除了見慣見熟的傳統煲仔飯配搭外，亦可以自由配搭，例如白鱔、滑雞、肉餅、排骨和窩蛋等超過10多種配料，亦提供欖角、馬拉盞和豆豉鯪魚等醬料任配搭。

Photo from PressLogic

招牌豬油煲仔飯

江湖小棧的煲仔飯以特意選用砂煲炮製，先在煲底塗上豬油防黏底，放入白米後，會先用明火猛火烹煮，當飯粒乾透後，再使用烤爐慢慢烘熱焗熟，令熱力分布得更均勻，煮出來的煲仔飯才做到飯粒乾身分明，火喉控制剛好。

Photo from PressLogic

Photo from PressLogic

自家製豬油＋豉油

這裏的煲仔飯精髓就是在上枱時附上的豉油和豬油任加，豬油標榜自家製，以豬腩的大肥膏提煉出來，取代坊間合成豬油；豉油亦特別加入豬油渣，除了保留鮮味之外，亦令整個煲仔飯更惹味，豬油香味簡直將煲仔飯提升至另一層次。

Photo from PressLogic

北菇滑雞＋窩蛋牛肉煲仔飯

煲仔飯款式多多，大廚特別推介北菇滑雞煲仔飯，雞件肉質滑嫩不柴口，淋上醬油令雞件更香口；窩蛋牛肉煲仔飯用上新鮮滑牛，牛肉軟腍醃得入味，再趁熱拌勻雞蛋同食，啖啖充滿蛋香。

Photo from PressLogic

Photo from PressLogic

煲仔飯的靈魂當然是飯焦，加入豬油和豉油後再稍焗一會，飯底焦香不易燶，輕易整到一大片薄脆不黏牙的飯焦。

Photo from PressLogic

江湖小棧
電話：2399 7994
營業時間：5:30pm-12am
地址：荃灣鱟地坊30號寶成大厦1號地舖
Facebook：<按此>

更多【美食推介】請按此

相關文章：

西環坤記煲仔小菜｜西環米芝蓮煲仔飯名店！必食白鱔煲仔飯

相關文章：

八章軍｜日賣500份！荃灣脆皮章魚燒 逾15款口味！爆多蟹籽＋蟹膏章魚燒

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）