【戴耀明老婆】圈外女友Anna曝光！有藝術天份愛畫漫畫，作品公開

娛樂新聞

By Jennifer on 13 May 2022

Digital Editor

今晚食乜餸：小二，嚟一碟花生！

綠葉王戴耀明曾公開表示暗戀佘詩曼，不過近日佢透露同分手多年嘅前女友Anna復合，更將於年尾結婚！日前佢接受訪問時更公開未婚妻真容！Anna經常畫漫畫，戴耀明大晒佢嘅作品。

Photo from 360秒人生課堂

戴耀明與前女友復合，將於年底結婚

戴耀明早前表示因為手臂有腫塊去睇醫生，卻被告知有機會係惡性，令佢心情跌落谷底。佢回憶當時致電畀分手多年嘅前女友，並交待如果佢有咩事就幫手照顧年紀漸大嘅媽媽。

Photo from 娛樂新聞台

幸好檢驗報告出嚟證實係虛驚一場，但佢就明白到要珍惜眼前人，決定同前女友復合，佢表示打算喺年底拉埋天窗，婚禮會邀請至親好友以party形式舉辦。

Photo from 娛樂新聞台

戴耀明老婆Anna真身曝光

提到未婚妻，戴耀明公開唔少照片。戴耀明指圈外女友叫Anna，大讚對方性格純真，為人簡單愛笑。戴耀明更晒出Anna靚相，照片拍攝背景似係喺飛機商務艙，Anna頗有氣質而且身材好好！

Photo from 星光路上

Photo from 娛樂新聞台

未婚妻有藝術天份愛畫漫畫，戴耀明提議可出書

戴耀明又指Anna好有藝術天份，平時中意畫漫畫，更試過畫出佢哋兩人嘅日常生活。戴耀明指Anna會畫連續6格有故事嘅漫畫，佢曾建議Anna有時間或有積蓄可以出書。

Photo from 娛樂新聞台

主持人問佢有無同太太有共識生小朋友，戴耀明就表示佢已50歲，如果生小朋友佢10歲時自己已60歲，未必有精力陪伴：「我哋都隨緣嘅！」

Photo from 娛樂新聞台

戴耀明曾透露與前女友因壓力而分手？

之前戴耀明帶媽媽遊電視城時就公開過擇偶條件，佢話希望對方簡簡單單，為人愛笑，生性樂觀嘅開心果就最好，而Anna正正符合佢所講。

Photo from 娛樂新聞台

其實喺2017年戴耀明就曾透露同拍拖5年嘅圈外女友分咗手一段時間，仲話有時位置相差太遠，一定會有壓力。呢5年佢無再公開有女友，唔知當年分手嘅對象係咪就係Anna呢？！

Photo from 娛樂新聞台

相關文章：【許廷鏗女友】戴情侶頸鏈疑令關係曝光？入行後3大緋聞對象均為男生

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

戴耀明自爆曾借醉表白佘詩曼阿佘曾同鄭嘉穎拍拖情史勁對象全部係男神？

22 Apr 2022

戴耀明曾在訪問中自爆暗戀佘詩曼多年，更曾誓言要娶佢為妻！佘詩曼曾傳過多段緋聞，對象中有不少男神，包括林峯、張智霖等，更同過鄭嘉穎拍拖，名單好有睇頭~

Photo from 佘詩曼微博

戴耀明曾自爆暗戀佘詩曼

有「綠葉王」之稱嘅戴耀明未必有主角相，但出演過多套劇集嘅出位配角，亦因為外貌酷似「一拳超人」而為人熟悉。將近50歲嘅佢在感情路上未有著落，多年前佢曾自爆暗戀佘詩曼。佢2004年拍攝《金枝慾孽》時認識對方，戴耀明當時更常向女方講：「我賺到錢會娶你做老婆。」

Photo from 《360秒人生課堂》

曾借醉表白，認為成功率有50%？

佢表示，「娶老婆」言論係不負責任，雖然無實際行動追過阿佘，但佢試過借醉示愛，傳短訊給對方稱：「我好掛住你。」戴耀明坦言渴望得到愛情，又大讚阿佘係心中女神：「佢係一個好正嘅女人，我相信好多人跟我一樣，有娶佢嘅諗法。講出嚟就有50/50機會，唔開聲嘅話永遠都係零。」

Photo from TVB

雖然阿佘未有跟佢交往，但二人仍是朋友。有人認為戴耀明太愛挑戰，佢追阿佘猶如不可能的任務，但亦有人欣賞佢嘅勇氣，並祝福佢早日搵到真愛。

佘詩曼緋聞對象多為男神？

阿佘入行多年來由過唔少緋聞，當年佢出演經典劇《十月初五的月光》時，就被傳同張智霖有曖昧，但當時男方已跟袁詠儀蜜運中，所以曾引起爭議。

Photo from TVB

多年後始知張智霖被誤傳

到15年後，該劇推出電影版時終真相大白，薛家燕澄清其實當年力追阿佘嘅人係唐文龍，而當年被誤傳嘅張智霖更直言：「終於還我清白！」唐文龍聽罷都覺得尷尬，但佢亦無否認當年追求失敗嘅事，仲有傳聞指，唐文龍因此事更缺席了當晚慶功宴。

Photo from 唐文龍 FB

曾與陳浩民交往

阿佘在2002年曾與陳浩民合作拍電影，二人曾被指有曖昧對話，並已「老公老婆」互相稱呼，惟關係維持不久便分手收場。多年後，阿佘曾透露當時專注香港發展，而陳浩民則要上內地發展，長期異地戀下唯有終止關係。陳浩民現在已經成家立室，亦經常在社交網分享家庭溫馨點滴，非常幸福。

Photo from TVB

Photo from 陳浩民

曾拒絕林峯追求？

阿佘和林峯曾多次合演情侶，在《使徒行者》嘅演出引起不少話題，兩人相當默契。林峯曾表示在眾多合作過嘅女星中，同佘詩曼關係最要好。曾有傳言指林峯追過阿佘，但最終都被拒絕。

Photo from TVB

Photo from 佘詩曼微博

曾同鄭嘉穎擦出愛火花

佘詩曼曾與鄭嘉穎合作演出《法政先鋒2》，並傳出戀情。二人更在戲外節目與活動上有親密舉動，例如鄭嘉穎在節目上喂佘詩曼食嘢，又在頒獎禮上獻吻等，惟戀情最後僅延續了一年。對此，二人都有共識表示分手出於時機問題，導致關係不能作進一步發展。但鄭嘉穎都大方表示佢哋還是朋友。如今，男方已同陳凱琳結婚，育有子女組成幸福家庭。不少人都祝福阿佘在不久將來都會找到其真命天子。