「上班會令顏值下降」掀熱議！網民晒入職前後對比圖 外貌身形現巨變！

返工辛苦，唔知各位打工仔有無覺得容貌變差？內地有網民以「上班後顏值真的會下降」為題發圖後，引起好大共鳴，於是有好多人都貼出入職前後對比圖，有啲直頭變咗另一個人咁！

Photo from 微博

不少人入職初期都會悉心打扮，務求以最好狀態迎接挑戰，同時有利認識新同事。但係，長時間面對工作壓力終會令人意志消沉，即使變得憔悴，也容易失去打扮意慾。以下就嚟睇下一班內地網民嘅分享，睇下佢哋嘅變化有幾大！

Photo from 小紅書

銀行工超辛苦？

多名來自銀行業嘅網友都曬出對比照，睇嚟呢個行業對員工需求唔細！從呢位女生嘅入職首年照可見，佢氣色不錯，眼睛有神同時充滿笑容。

Photo from 小紅書

但三年後，佢膚色變得黯淡、頭髮散亂，雖然有笑但眼神空洞。佢表示，在同一銀行工作三年後終於辭職，前上司更擔心佢係咪跳槽，但事主已決定唔會再返銀行工！

Photo from 小紅書

第二名同行女生就稱，自己在2020年畢業後已在銀行工作了兩年。入職前照片可見佢有精緻妝容，同時佩戴耳環和頸鏈，打扮猶如去約會般美麗。到了現在，佢形容自己「變成了銀行人」，確實，現在模樣跟前一位女生相若，皮膚變黑，又無咩化妝，臉容有倦意。

Photo from 小紅書

Photo from 小紅書

第三名銀行女生嘅變化真係唔細！佢入職前絕對係一名靚女，擁黑色長曲髮、臉小皮膚白。然而，到了入職第二年，佢體重增加了超過20磅！佢亦無再化妝，昔日女神光芒完全消失。

Photo from 小紅書

Photo from 小紅書

亦有來自審計、數據分析等行業嘅女生分享對比圖，大家嘅共通點都係減少打扮，用眼鏡代替隱形眼鏡等等；亦有人表示，佢發現入職後頭髮變得稀疏。

Photo from 小紅書

Photo from 小紅書

Photo from 小紅書

有女生更詳細分享由畢業、上班、到辭職後嘅樣貌變化，可見佢只在上班時期變得頹廢，辭職後樣子又回復畢業時狀態！

Photo from 小紅書

Photo from 小紅書

Photo from 小紅書

男設計師形象大變

唔只女生，男生都一樣受社會摧殘。唔少設計師工時都相當長，一名男生曬出自己做design前嘅樣子，可見佢留有鬚根，走型格路線。但成為設計師兩年後，明顯有發福跡象，黑眼圈變深，連髮型都無咁講究。

Photo from 小紅書

Photo from 小紅書

女教師上班2個月就想退休

從一位女教師分享照片可見，入職前嘅佢穿著吊帶小背心，背對陽光拍照頗有氣質。不過，佢坦言當老師後只有一個表情，「體育老師夏天就跟農民工一樣被曬，變的黑乎乎」，同時教英文嘅佢面對龐大壓力，教咗兩個月就想退休了。

Photo from 小紅書

Photo from 小紅書

有另一教師也分享了變化圖，可見佢上班後膚色變黑，打扮變得樸素，但仍然好有笑容！

Photo from 小紅書

網民見到分享後都大呼超有共鳴，大呻開濾鏡都掩飾不到老態。不過，都有人上班後仍能保持美態，好似下圖女生咁，佢入職後嘅模樣同青春學生妹無乜分別，令人非常羨慕！

Photo from 微博

Photo from 微博

相關文章：200磅內地女扮楊貴妃爆紅 穿漢服重拾自信 樂觀對抗網民負評

相關文章：內地和尚於抖音瘋狂Like5萬張美女照！網民笑稱：大師果然係男人！過往推崇靜心生活/大晒書法作品

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）