4月網紅Top10排行榜出爐！5位歌手榜上有名！第一名力壓歌手，以搞笑取勝？
喺現今社交媒體盛行嘅時代，唔少藝人嘅一舉一動都因此而受到大眾嘅關注～日前，媒體分析公司「Cloudbreakr網紅數據分析平台」公佈4月份嘅Top 10網紅排行榜，當中上個月嘅熱門話題就係《CHILL CLUB推介榜 年度推介21／22》，所以唔少歌手都榜上有名！
Photo from warnermusic
第10位：區明妙
現年21歲嘅區明妙係邵氏旗下藝人，綜合followers逾8萬，互動率有10.84%。近年佢有份出演多部大台電視劇，包括《青春不要臉》、《愛上我的衰神》等，演技獲得網民讚賞，而佢仲因為甜美嘅外表而被稱為「港版子瑜」！
Photo from 區明妙IG
Photo from 區明妙IG
第9位：游學修
YouTube 頻道「試當真」創辦人之一游學修嘅綜合followers有25萬人，互動率互動率係10位中最高，達到19.29%。最近，佢同「世一女神」Jessica（陳苡臻）公開戀情而備受關注，再加上「試當真」推出NFT亦成功引起網民熱議！
Photo from 游學修IG
Photo from 游學修IG
第8位：保錡 @ERROR
保錡（吳保錡）嘅followers逾21萬，互動率就有10.16%。上個月佢就推出咗首支個人單曲《猥瑣》，成績唔錯～日前，佢上載自己有型揸車照，仲被網民講笑咁話同台灣明星汪東城撞樣？！
Photo from 保錡IG
Photo from 汪東成IG
第7位：許賢
YouTube 頻道「試當真」嘅另一位創辦人許賢followers達到15萬幾，而互動率就12.75%。近期，佢同成員蘇致豪以「MC KidNey」身份出席《Chill Club推介榜年度推介21／22》頒獎禮，同MIRROR表演《Black Mirror》獲大讚；仲疑似重演「關家姐」事件成為網民熱話！
Photo from 許賢IG
Photo from 許賢IG
第6位：MC張天賦
歌手MC 張天賦嘅followers逾33萬，互動率有10.49%。而佢早前於《Chill Club推介榜年度推介21／22 》榮獲「年度新人金獎」，歌唱實力備受肯定！
Photo from 張天賦IG
Photo from 張天賦IG
第5位：Gareth. T（湯令山）
R&B唱作歌手歌手Gareth. T（湯令山）followers超過13萬，互動率達到14.57%係。而佢亦有出席《Chill Club推介榜年度推介21／22 》，仲同姜濤一齊合唱《勁浪漫 超溫馨》x《鏡中鏡》～
Photo from 湯令山IG
Photo from 《Chill Club推介榜年度推介21／22 》
第4位：陳蕾
創作女歌手陳蕾有逾31萬位followers，互動率達到8.03%。佢過往嘅歌曲都非常受歡迎，包括《相信一切是最好的安排》、《我想和你好好的》等，並於《Chill Club推介榜年度推介21／22 》獲得「年度女歌手銅獎」！
Photo from 陳蕾IG
Photo from 陳蕾IG
第3位：岑珈其
岑珈其 followers有19萬，互動率係7.78%～近年佢經常獲邀出演ViuTV電視劇，並有份擔任綜藝節目《膠戰》嘅主持人之一，人氣急升嘅佢工作接踵而來，成日都可以喺唔同嘅廣告或者視頻中見到佢嘅身影！
Photo from 《IT狗》劇照
Photo from 岑珈其IG
第2位：Taylor R
加拿大籍模特兒 Taylor R 坐擁接近240萬粉絲，互動率達10.81%。近年佢轉型成為網絡紅人，而佢早前就向大家分享佢靠IVF人工受孕成功懷孕嘅經歷！值得一提嘅係Taylor R係3月份網紅排行榜冠軍～
Photo from Taylor R IG
Photo from Taylor R IG
第1位：阿正
阿正（黃正宜）綜合followers 有接近25萬人，互動率係6.91%。現時佢係叱咤903嘅電台DJ，亦有出演唔同嘅綜藝節目《膠戰》、《GO！執！事務所》等，憑搞笑主持風格深受網民喜愛～
Photo from 阿正IG
Photo from 阿正IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
網民選出10位「最靚港姐冠軍」！李嘉欣/朱玲玲美貌至今依然難以超越？絕大部分都係好戲之人？
18 Apr , 2022
昨日（17日）《2022香港小姐競選會》嘅記者會於將軍澳電視城舉辦，並開始全球招募，今年嘅主題將會係「時代在變 美麗不變」。而一眾港姐師姐們都現身呼籲大眾踴躍參與～宜家即睇過往大家認為最靚嘅10位港姐冠軍啦，～
Photo from 《美麗傳奇50載》
不知不覺香港小姐競選已舉辦咗49年，並邀請一班過往曾獲獎嘅港姐出演《美麗傳奇50載》，大談比賽背後嘅點滴以及幕後故事。當中出演嘅分別有陳凱琳、朱晨麗以及「大師姐級別」嘅林麗薇、唐麗球等。
Photo from 《美麗傳奇50載》
Photo from 《美麗傳奇50載》
過往曾參選嘅佳麗們都各有特色，宜家即刻睇下大眾認為嘅10位最靚嘅港姐冠軍啦（排名不分先後）！
1. 朱玲玲
朱玲玲當年榮獲港姐冠軍以及「最上鏡小姐」，成為首位獲得2個獎項嘅港姐！佢入行後拍攝咗2部電視劇後，突然於1978年就與認識9個月嘅商人霍震霆結婚，令唔少大眾感到震驚，二人已經喺2004年宣佈離婚。
Photo from 1977年港姐競選
Photo from 1977年港姐競選
後來，朱玲玲於2008年與瑞安集團老闆羅康瑞結婚，再次嫁入豪門，令佢嘅婚姻再一次備受大眾關注！另一方面，佢亦係慧妍雅集創會會長以及永久名譽會長，集合歷屆港姐們，主要係做慈善及公益活動。
Photo from 娛樂新聞台
Photo from 娛樂新聞台
2. 李嘉欣
李嘉欣喺1988年年榮獲港姐冠軍後，同年亦獲得「第一屆國際華裔小姐競選」冠軍，獲大眾封為「最美港姐」～入行後嘅佢曾出演唔少電影及劇集，包括《鹿鼎記II神龍教》、《墮落天使》等。
Photo from 1988年港姐競選
Photo from 李嘉欣IG
直到2008年，李嘉欣與富商許晉亨結婚，並於2011年誕下兒子許建彤（Jayden），佢就減少幕前工作，專心相夫教子！
Photo from 李嘉欣IG
3. 袁詠儀
袁詠議當年榮獲冠軍以及「最上鏡小姐」2個獎項，其後入行拍攝多部電視劇，成為當紅花旦。1992年，佢開始拍攝電影，出演經典電影《新不了情》、《金枝玉葉》等，連續2年榮獲香港金像獎「最佳女主角」，演技實力備受肯定！
Photo from 1990年港姐競選
Photo from 1995年金像獎
2001年袁詠儀與張智霖結婚，並於2006年誕下兒子張慕童，一家三口非常幸福～現時袁詠儀與丈夫都將事業重轉往內地。
Photo from 《妻子的浪漫旅行2》
4. 郭藹明
郭藹明當年以碩士身份參選，仲同時獲得「國際親善小姐」及「最佳談吐幽默獎」，美貌與智慧並重！其後佢活躍於拍攝電視劇，出演《刑事偵緝檔案II》、《天地豪情》等，都大獲好評～
Photo from 1991年港姐競選
喺拍攝《大時代》期間，郭藹明與劉青雲結緣。有指當時二人其實並唔熟悉，但喺周慧敏牽線之下成功擦出愛火花，佢哋於1998年結婚，婚後經常大晒恩愛，係大家眼中嘅模範夫妻！
Photo from 《大時代》
Photo from 娛樂新聞台
5. 李珊珊
李珊珊係1996年港姐冠軍，1997年再獲得國際華裔小姐競選亞軍，憑好身材以及高挑身形搶奪大眾目光，被大家稱為「性感女神」～1998年，佢與錢嘉樂公開戀情，可惜2007年被傳出因為對結婚意見不一而分手，8年情斷！
Photo from 1996年港姐競選
Photo from 精神健康基金會@Facebook
6. 向海嵐
向海嵐榮獲1998年港姐冠軍殊榮後就立刻入行，當年備受力捧，而且大多出演古裝戲，演技獲大讚！直到2008年，佢宣佈離巢，並淡出幕前，轉行做公關，令唔少網民直呼可惜。有指佢近年回港與朋友合資做珠寶生意，成為事業型女強人～
Photo from 1998年港姐競選
Photo from 《楊貴妃》
7. 郭羨妮
郭羨妮係繼李嘉欣之後，第二位成功獲得香港小姐競選及國際華裔小姐冠軍嘅佳麗～入行後第一部電視劇就係重頭戲《尋秦記》，之後亦受到電視台重視，獲得唔少演出機會！
Photo from 1999年港姐競選
Photo from 《尋秦記》
2011年，郭羨妮與內地動作導演朱少傑結婚，並育有一名女兒。淡出幕前多時嘅佢，最近被傳出將會出演ViuTV電視劇《冥冥之中》，令大家都非常期待佢嘅表現！
Photo from 郭羨妮IG
Photo from 郭羨妮IG
8. 徐子珊
徐子珊2004年港姐競選獲得港姐冠軍、修身美態獎、最上鏡小姐及國際親善小姐一共4個獎項；次年就開始參與電視劇拍攝，曾出演《學警出更》、《法政先鋒III》等，多次入圍萬千星輝頒獎典禮「最佳女主角」最後5強；曾憑電影《跟蹤》榮獲香港金像獎最佳新人獎！
Photo from 2004年港姐競選
Photo from 娛樂新聞台
2015年，徐子珊修讀專業珠寶設計及彩色寶石專業課程，開拓新事業；2019年佢宣佈息影，將會前往歐洲修讀心理學碩士課程！
Photo from 徐子珊微博
9. 陳凱琳
陳凱琳憑著深邃五官以及甜美笑容，脫穎而出獲得2013年港姐冠軍！據悉，佢當年仲未卸任就已經獲安排出演台慶劇《名門暗戰》，而佢於2014年再獲得國際中華小姐競選冠軍。
Photo from 2013年港姐競選
Photo from 《名門暗戰》
2015年，陳凱琳因為拍攝電視劇《殭》而認識比佢大22年嘅鄭嘉穎，二人2018年結婚，並誕下大兒子鄭承悅（Rafael）及二子鄭承亮（Yannick）。
Photo from 東張西望
Photo from 陳凱琳IG
10. 麥明詩
「十優港姐」麥明詩當年憑著美貌以及大方得體嘅談吐贏取評判們嘅歡心～入行後，佢被安排擔任主持工作，包括：明珠台英語節目《港生活港享受》、2016年里約奧運主持、《後生仔傾下偈》等，後來亦開始參演電視劇。
Photo from 2015年港姐競選
Photo from 《後生仔傾吓偈 》
2019年，麥明詩宣佈暫時淡出幕前工作，並轉行成為OL，但依然不時成為網民熱議對象。最近，佢有份主演嘅亞視電視劇《逐流時代》正在熱播中，睽違2年再度以電視劇形式出現於幕前，令大家都非常期待佢嘅演技！
Photo from 麥明詩IG
Photo from 麥明詩IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
