打工仔開拓「代食麥當勞」商機，價格由$10至50不等！幫鏡粉們儲貼紙！竟然仲設有全套9款訂購服務？

知名快餐品牌麥當勞（McDonald's）再度與MIRROR合作，推出一連3個星期嘅特定優惠，麥當勞App嘅用戶仲會獲派發3子姜濤、 Anson Lo（盧瀚霆）以及Edan（呂爵安）嘅「世一貼紙」，數量有限，派完即止，令唔少鏡粉都非常興奮～有網民就因此而開拓全新嘅商機，推出「代食M記」服務？！

Photo from McDonald's FB

麥當勞一連3星期派發MIRROR3子「世一貼紙」！

早前麥當勞宣佈於本月16日開始與MIRROR3子推出聯乘貼紙，一連3個星期向麥當勞App嘅用戶派發限量版「世一貼紙」！每位成員都會有3款唔同嘅貼紙，即係總共有9款貼紙；而每個星期就會派發一位成員嘅貼紙，由Edan率先「打頭陣」～

Photo from McDonald's FB

Photo from McDonald's FB

每間分店只會派發1款？！

不過每間分店都只會派發一款「世一貼紙」，所以鏡粉們想集齊就必須去9間唔同嘅分店購買，仲要事先「做功課」查清楚喇～點此睇餐廳供應詳情+貼紙剩餘數量！

Photo from McDonald's FB

Photo from McDonald's FB

網民推出「麥當勞代食」服務，幫手儲貼紙！

部份網民靈機一觸推出「M記代食服務」，強調自己只係幫手食「你要邊款貼紙同我講，你講我食，原價放卡無炒賣成分。」；有網民揚言自己現時「糧尾」就當作互相幫助，各取所需！另外，有網民喺「Carousell」買賣平台中出售Edan 「世一貼紙」，一張大約係$30（包平郵），價格尚算合理；唔少「鏡粉」都有查詢呢項服務，呢們小生意似乎「有得做」～

Photo from Carousell

Photo from Carousell

竟然仲有預訂服務？！

翻查之下發現唔少網民都有出售或者想交換「世一貼紙」，售價由$10至$50不等；其中有網民仲表示可以用$350（每張大約$39）預訂全套9款貼紙，但就需要率先支付$200訂金，將會提供面交或者平郵寄送服務，非常專業～

Photo from Carousell

Photo from Carousell

相關文章：麥當勞漢堡包「盒裝」和「紙包」有咩分別？前員工揭秘 原來巨無霸有獨特包裝方法？！

相關文章：10個你可能不知道的麥當勞冷知識！ 甜酸醬上有編號？美國有麥當勞大學？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港男為女友儲M記MIRROR卡！ 一星期食足5日!大呻：仲要食多2個星期

5 Nov , 2021

12人男子組合MIRROR嘅人氣席捲全港，適逢佢哋出道3周年現時就有唔少特別活動正在舉辦中。最近，有位港男就喺討論區大呻為咗幫女友儲齊麥當勞所推出嘅「鏡仔卡」同簽名包裝盒，而感到非常痛苦，仲話要食多3個星期先儲得齊！

Photo from 麥當勞FB

# MIRROR+麥當勞推出特別活動！

MIRROR嘅人氣飆升，由於最近係佢哋出道3周年，所以佢哋就聯同麥當勞推出咗特別活動，一共有16款MIRROR鏡仔卡同簽名包裝盒！成個活動將會舉辦4個星期，而鏡仔卡就會隨機派發，每個星期推出3款，令唔少「鏡粉」都表示非常興奮啊～

Photo from 麥當勞FB

Photo from 麥當勞FB

# 港男已經5日食「麥炸雞餐」！

不過呢個活動亦令唔少「前夫」們陷入危機！日前，有港男大呻上星期就已經食咗5日半「麥當勞炸雞餐」，好辛苦先儲齊到該星期會派發嘅3款鏡仔卡。正當佢以為活動完結之際，佢先發現原來活動仲有3個星期，令佢感到非常痛苦！

Photo from 香港討論區

# 太熱氣導致生飛滋！

港男曾經同女友提議「不如網上買啦！」，不過遭到女友拒絕，認為咁樣嘅行為係助長炒賣嘅風氣。由於經常食「炸雞餐」，港男表示已經食到生緊飛滋！眼見仲有2個幾星期要食，而且亦確保唔到自己可以次次抽到唔同款，令佢好灰心！

Photo from TVB

# 厚面皮問其他人交換MIRROR卡

港男話自己已經「進化」咗，會膽粗粗咁問其他人「可唔可以交換張卡？」，仲開始有「買完拎張卡將個餐送比人食」嘅念頭，只係希望可以盡快儲齊一套！

Photo from TVB

# 害怕最後未能儲齊一套！

現階段港男最驚嘅就係儲唔齊12張，一方面女友會嬲佢，一方面亦代表佢呢4個星期嘅努力前工盡廢，並祈求麥當勞下年唔好再舉辦類似活動，因為「受苦」嘅係一班「前夫」！

Photo from TVB

# 網民幫手諗盡辦法！

唔少網民都幫港男諗唔同嘅方法，有網民就提議偷偷地網上買，唔好俾女友發現；亦有網民建議買個餐俾身邊嘅朋友食，淨係攞走張卡，惹人爆笑！後來港男就話「真係頂唔順」，所以已經偷偷買咗呢個星期嘅卡。

Photo from 香港討論區

Photo from TVB

# 有網民覺得港男太遷就女友？

但有唔少網民就覺得呢位港男太過縱容自己嘅女朋友，認為呢位女友絕對係一位「港女」，愛MIRROR多過自己男友，奉勸港男應該盡快分手！另外，有網民就覺得係港男太過懦弱，「完全俾女朋友食住咗！」

Photo from 香港討論區

Photo from TVB

相關文章：MIRROR粉絲老公開設「控訴」大聯盟！12大鏡粉追星惹伴侶呷醋趣事

相關文章：《晚吹》老婆嫁MIRROR組谷主現真身！大爆「前妻」追星秘密 有老婆嬲到唔返屋企?!

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）