港女難頂男友經常亂噏！講到似層層，亂認阿媽終於「狼來了」

唔少女生都會崇拜學識淵博嘅男士，不過如果被踢爆只係亂噏就會好失威。近日討論區有女網友發文分享佢嬲咗男朋友，全因對方愛亂講嘢，仲要講到似層層，令佢難分真假，甚至仲影響埋個人形象！

Photo from 《鬼怪》劇照

男友經常亂講嘢

喺心儀嘅女生面前，唔少人都會想展現自己充滿智慧嘅一面。連登討論區有網友發文指男朋友成日亂噏，但佢又上當以為係真，搞到自己十分無言。

Photo from 《鎮魂》劇照

樓主舉咗幾個例，佢表示因為男友多次亂講嘢，自己忍唔住嬲咗佢。有一次樓主買咗杯珍珠奶茶覺得啲珍珠好好食，男友就同佢講間店啲珍珠要慢煮8個鐘，再用人手一粒粒分開，又話：「（珍珠size）大細都有嚴格規定㗎！」樓主即回：「係咪堅」，點知男主指係亂噏。

Photo from 《太陽的後裔》劇照

男友指模型用太空纖維製作所以貴千幾蚊

樓主又試過同男友一齊睇模型，因為樓主無研究開模型，佢見到兩款個樣同size都差唔多，但價格竟然相差千幾蚊，於是問男友兩款模型有咩分別。男友一本正經咁表示貴啲嗰款係用太空纖維做，又指飛機都係用呢種物料，樓主天真問：「真係㗎？」男友再回佢只係亂講。

Photo from 《暖男爸爸》劇照

Photo from 《暖男爸爸》劇照

男友隨便指街邊師奶係媽媽，港女以為見家長

呢啲日常小事雖然當下會令人無言以對，但都算係情趣嘅一種，但樓主指最嬲一次係初初同男友拍拖，喺佢屋企樓下遇到一位師奶，本身兩個人拖住手，男友即刻Fing開：「我阿媽！」樓主啱啱同男友拍拖仲未做好心理準備見家長，錯愕之餘不忘對師奶展現燦爛笑容，樓主心有餘悸而男友竟然又稱只係佢亂噏，師奶根本唔係佢媽媽。

Photo from 《當男人戀愛時》劇照

Photo from 《Running Man》

男友遇父親再重複出招，女友反擊卻變成「狼來了」

後來樓主再去男友屋企，喺樓下遇見一位大叔，男友又重展故技fing開手：「我阿爸！」不過今次樓主無上當，仲忍唔住用粗口鬧男友，點知呢個真係uncle，之後每次上男友屋企食飯，世伯就同樓主講：「女仔唔好講咁多粗口呀，要乖呀！」樓主稱每次同男友正正經經咁講嘢，對方就以大量化學詞彙回應：「一時又粒子又分子，一時又納米又二氧化碳，一味喺度亂噏」，樓主表示聽到好忟憎！

Photo from 《鯊魚》劇照

Photo from 《公屋‧居屋‧私樓》劇照

網民指男友好幽默

有唔少網友睇完後大讚樓主男友夠幽默，認為咁關係先可以長久，因為每日keep住有新鮮感：「咁樣既男友唔係幾fun？」、「啲文字好有畫面」，有網民指佢男友都係咁，仲「傳授」應付亂噏男友嘅秘訣。

Photo from LIHKG

Photo from 《花束般的戀愛》劇照

Photo from LIHKG

不過亦有人指樓主9成作緊故仔，但好多網友都指就算唔係真，樓主故事亦幾有趣。

Photo from LIHKG

Photo from 《紀念日》劇照

相關文章：港女不滿老公堅持AA同唔畀家用 強調唔貪錢「只想佢象徵式畀錢我」

相關文章：港女無辜被指有外遇！遭男友媽媽怒打！得知認錯人後厚面皮回應

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港女呷醋男友同朋友影合照被女仔翹手！男友解釋2大原因被指係藉口

17 Mar 2022

拍拖之後同異性朋友嘅相處都要保持返啲距離，唔係好易會令另一半誤會。日前討論區有網友發文指男友同朋友合照，被企隔離嘅女生翹住隻手，網友內心介意，但男友嘅解釋令佢疑惑：「真係一啲問題都無？」

Photo from TVB

港女發現男友合照被女生翹手

同異性朋友嘅關係一旦處理得唔好分分鐘會影響伴侶關係，所以喺愛情同友情間要盡量取得平衡。連登討論區有網友發文指男朋友早前同班fd影合照，佢卻發現企男友隔離個女仔翹住咗男友隻手。

Photo from TVB

男友解釋同異性朋友「親密」影相原因

樓主同男友坦言佢有啲介意，但男友稱影相時班fd話佢好似「被隔離」咁孤獨一人，所以隔離個女仔就變咗翹住佢隻手。

Photo from TVB

不過樓主認為男友大可以拒絕「翹手」呢個親密舉動：「我問佢點解唔同人地講話『有女朋友費事啦』」，但男友又舉出2個原因反駁佢。

Photo from TVB

合照中所有人都知男友有拍拖

男友認為：「唔通我要大大聲咁同人講我有女朋友？」佢直言即使樓主覺得咁講無問題，佢自己都感到好尷尬，另外佢又指唔覺得「翹手」呢個動作有幾親密。

Photo from TVB

Photo from TVB

樓主表示翹手女生雖然唔認識樓主，但同男友影相嘅所有人都知佢有女朋友，所以佢都好疑惑：「咁樣係咪真係一啲問題都無？」

Photo from TVB

網民斥男友唔識保持距離反而怪責女友

大部分網民指樓主會介意根本好正常，相信樓主同男性朋友影相翹對手隻手，樓主男友都同樣會介懷。網友又指男友嘅回應無乜誠意：「你男朋友咁答都幾唔尊重你」

Photo from LIHKG

Photo from TVB

Photo from LIHKG

網民表示即使當下喺朋友面前唔係幾好拒絕翹手，後尾知道女友介意都應該安慰返兩句，同其他女性保持距離，但樓主男友一句安慰都無不特止，仲要怪返樓主轉頭，唔少網友都話佢太過分！

Photo from TVB

Photo from LIHKG

翹手只係社交禮儀？！

不過亦有人覺得翹手真係唔算親密動作，認為只係普通社交禮儀，又指要偷食嘅翹唔翹手都會偷食啦。

Photo from TVB

Photo from LIHKG

Photo from LIHKG

相關文章：港女自覺應服侍男友！主動煮飯洗碗/無異性朋友！被男友鬧爆，網友力撐係好男人

相關文章：港女不慎做第三者，憑4大線索踢爆男友未分手！撞見男友「正印」真身極震驚

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）