美國研究發現人類離世後，眼睛能運作長達5小時！盤點10個人體冷知識：白天與夜晚身高有差別/女生聽力更好？

By Stephanie on 10 Nov 2023

Digital Content Writer

生老病死乃人之常情！最近，美國一項研究指出原來人類離世後，眼睛依然能夠運作長達5小時，並且對光線作出反應！宜家就等我哋一齊睇下10個有關人體嘅冷知識啦，睇下大家又知道幾多個～

Photo from 《想見你》劇照

人類去世後，雙眼依然有反應？！

當人類離世後，普遍都唔會再對外界嘅任何刺激有所反應！然而，美國最近嘅一項研究發現人類離世後，雙眼依然能夠運作長達5小時咁耐！喺實驗中，科學家們成功喚醒去世人類嘅眼球功能：發現當雙眼受到光線刺激時，依然能夠捕捉到眼球內視網膜所接收到嘅訊息，確認雙眼依然有反應！

Photo from 《頭七》劇照

眼睛有反應長達5小時！

根據報導所講，今次係史上第一次有器官捐贈者嘅雙眼能夠對光線有反應；仲表示喺人類離開後5小時都能夠對昏暗、色彩不一等嘅光線產生反應！不過研究人員補充，雖然眼睛尚能夠運作，但由於本體負責處理訊號接受嘅大腦已經停止運作，所以「比較難推斷能夠見到甚麼」。

Photo from 《德魯納酒店》劇照

1. 男士去世後，依然有生理反應？！

若果男士係以站立嘅方式離世，血液將會聚積於雙腿，導致下半身血管膨脹。隨住時間越耐，男士有可能會因此而導致「升旗」！

Photo from 《夫婦的世界》劇照

2. 人類血管長度能夠繞2.5個地球

每個人嘅身體都佈滿血管，當中微絲血管、動脈、靜脈等血管總長度達到逾10萬公里，足足可以圍繞地球2.5圈！

Photo from 《惡作劇2吻》劇照

3. 白天及夜晚身高會不同！

大家早上一起身嘅時候身高都會高啲，但經過一日嘅活動量後，脊柱會受到壓力，導致晚上量度身高嘅時候會有偏差！普遍而言，大家早上嘅身高會高出1cm左右。

Photo from 《無間道》劇照

4. 睡覺消耗的熱量比看電視多！

相信大家假期嘅時候都一定會瞓得比較多，原來瞓覺所消耗嘅熱量比坐喺度睇電視更加多！由於瞓覺嘅時候，我哋嘅大腦依然活躍地運作中，而且其他器官都保持運作，所以消耗得比較多；而消耗嘅熱量多少亦同個人體重及睡眠品質有關連。

Photo from 《The K2》劇照

5. 手指甲生長速度比腳趾甲快4倍！

過去有研究發現人類嘅手指甲一個月大概長3.47mm，但亦會因人而異！手指甲重新生長嘅時間大約係4-6個月；而腳指甲就係6-9個月。

Photo from 《德魯納酒店》劇照

6. 成人骨骼數量比出生嬰兒少

初生嬰兒嘅骨骼數量大約係305塊骨頭，但隨住年齡嘅增長，成年人嘅骨骼數量將會變成206塊！原因係我哋喺成長嘅過程中，部份骨頭將會融合埋一齊。

Photo from 《殘念丈夫》劇照

7. 普遍男生視力較好；女生聽力更好

男生同女生嘅身體構造本來就有少少唔同：作為「視覺系動物」嘅男生視力相對上比較好；但值得一提嘅係女生對於顏色嘅靈敏度比男生高！而且女生喺聽力方面亦比男生強。

Photo from 《從天而降的一億顆星》劇照

Photo from 《The Producers》劇照

8. 打噴嚏時，人的心率會降低

過往曾經有流傳「打噴嚏時心臟會停頓一毫秒」，但後來有研究就指係心率降低！由於打噴嚏會出現壓力導致肌肉用力縮緊，短暫影響血液流通速度。

Photo from 《偶然發現的一天》劇照

9. 左耳接受甜言蜜語的速度更加靈敏

有指左邊耳朵係受到右腦嘅控制，而右腦則負責主導我哋嘅情感，因此左耳接受甜言蜜語嘅速度比右耳更加快！若果熱戀中嘅情侶想迅速令感情升溫，就記住向另一半嘅左邊耳仔講嘢喇～

Photo from 《不能說的秘密》劇照

10. 成年人的頭髮可拉伸25%

成年人嘅頭髮可以拉伸多25%，而且並唔會斷裂！若果未能做到，即係代表頭髮並唔健康。

Photo from 《解憂理髮店》劇照

資料來源：網易、heho健康網站

相關文章：2月29日冷知識 2月比其他月份少日數嘅原因皆因背後有段故

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

8個你可能不知道的地震冷知識！香港呢4個地區曾經係震央/火星都有地震？！

15 Mar , 2022

香港昨日（14號）凌晨時分發生地震，天文台接受到大約8千位市民嘅報告，係暫時歷年最多人報告地震嘅一次！唔少市民都表示感受到「震到醒咗」、「點解冇緊急警報？」等，過往香港其實亦曾發生地震，宜家就等我哋一齊了解下有關地震嘅冷知識啦～

Photo from 《我的小確幸》

1. 香港自1905年至今，紀錄到185次地震紀錄！

根據香港天文台嘅數據顯示，由1905年至今香港已經錄得多達185次強度唔同嘅地震；而香港自1979年引入短週期地震台後開始就錄得76次有感地震，平均每年大約2次。

Photo from TVB

2. 香港破壞力最強的一次地震

紀錄中最嚴重嘅一次地震係發生於1918年，當時在港東北300公里嘅汕頭近岸小島發生發生7.3級大地震！據悉當時所有大廈都有搖晃，而部分建築物仲因此受損，聖若瑟書院因為嚴重破損而搬遷；所幸嘅係香港嘅地震從未引致任何傷亡！

Photo from 天文台

Photo from 聖若瑟書院網站

3. 令香港受影響的震央區域

雖然香港並非位於活躍地震帶，但鄰近地區嘅地震亦有可能波及香港。當中唔少地震震央位置都喺南海北部、台灣、菲律賓等，視乎地震強度而有所影響。

Photo from 《我的小確幸》

4. 香港有4個地區曾經係震央！

位於歐亞板塊內嘅香港距離活躍地震帶非常遙遠，發生地震嘅機會十分微。然而，香港境內有4個地方曾經發生地震：大嶼山以東海域（1982年及1995年）、米埔（1983年）、大欖涌水塘（2014年）以及長洲（2019年），而最近嘅2次都只係分別錄得1.4級同埋1.8級地震，所以市民未必能夠感受到！

Photo from Google

Photo from Google map

5. 其他星球都有地震？

除咗地球之外，原來火星都曾經錄得地震！2018年11月美國NASA嘅火星探測器就疑似捕捉到火星震嘅信號，研究顯示雖然火星並冇任何板塊構造，但係一個充滿塵埃、奇怪電磁脈嘅星球，因此被評為地震活躍嘅星球！

Photo from Pinterest

Photo from NASA

6. 史上震級最強的地震

1960年5月22日下午3點，發生於智利嘅9.5級大地震係人類史上觀測記錄規模最大嘅地震！數萬人因此而傷亡，200多萬人嘅家園受到破壞而無家可歸，仲令當地6個火山重新噴發，造成多重傷害。強烈嘅地震亦引發海嘯，激起嘅海浪足足有25米咁高，仲令夏威夷、日本、菲律賓等地方都大受影響！

Photo from Twitter

7. 最早出現地震的地方

《國語·周語》記載，陝西岐山喺周幽王二年(公元前780年)曾發生過大地震，係暫時記載得比較詳細嘅地震，所以亦被大家視為最早嘅地震紀錄！根據《中國歷史地震目錄》，當時嘅地震等級大約係7級。