【尋人記2】方東昇獲投訴王安仔主動聯絡！特首辦專人跟進安仔訴求

時事熱話

By Jennifer on 20 May 2022

Digital Editor

今晚食乜餸：小二，嚟一碟花生！

由方東昇、黃曉瑩、李曉欣及黃靖婷主持嘅《尋人記2》終於開播，今次更獲一位著名嘅「投訴王」安仔（梁安國）主動聯絡，有多年投訴經歷嘅安仔一打去行政長官辦公室報上名稱後即有專人跟進，待遇超好！

Photo from 《尋人記2》

《尋人記2》投訴王安仔曾買燒肉被呃秤報警

方東昇提到之前做《尋人記》獲好多被訪者關心，佢哋都提到「安仔」，以往尋人都要歷盡千辛萬苦，但今次安仔竟然主動聯絡電視台，仲表明自己咁多年嚟變化唔少，希望節目可以訪問佢。

Photo from 《尋人記2》

《尋人記2》回顧安仔上節目嘅經歷，指佢第一次出鏡，就係1982年嘅《新聞透視》，當時因為搵工被索取$200，佢十分精明無上當，之後更出演《星期二檔案》，安仔唔中意人「呃秤」，佢自己喺屋企擺咗個磅，又曾試過買燒肉，對方畀咗啲骨佢而要打999。

Photo from 《尋人記2》

自稱「元朗特首」，安仔囤貨30幾年

方東昇致電安仔同佢商量採訪細節，安仔指特首都認識佢，又自稱係「元朗特首」，表示方東昇只要喺元朗提起「元朗特首」就會搵到佢，果然一路上小巴司機、清潔姐姐都指安仔喺元朗好出名，成功為方東昇佢哋指路。

Photo from 《尋人記2》

安仔仲特登著上全新西裝會見方東昇，佢同多年前一樣喜歡囤貨，以往佢為免被呃秤寧願大打買入大批貨物，依家嘅佢有過之無不及，家中海味數量可媲美海味店，仲有10個雪櫃、60部錄音機，安仔仲話：「用唔晒留返下世用。」

Photo from 《尋人記2》

安仔現時無業，每月攞逾$7,000綜援，佢仲有「意外補償」，安仔稱佢成日跌親，由舊年到依家有4宗交通意外，佢自稱係「容易受傷的男人」。

Photo from 《尋人記2》

安仔興趣係收集復活蛋同巴士模型，呢兩個愛好經過30幾年都無變。佢依家仍然喺屋企備有磅以防被呃秤，又有簿仔紀錄佢買咗啲咩。

Photo from 《尋人記2》

特首辦專人跟進安仔訴求

安仔身為「投訴王」，投訴當然係佢嘅日常生活，佢之前喺電話中提到佢好出名，連特首林鄭月娥都認識佢，原來係因為佢經常致電特首辦要求跟進佢嘅投訴。採訪當日佢亦有打畀特首辦。

Photo from 《尋人記2》

當安仔報上名稱「梁安國」，特首辦工作人員即時轉來電轉駁畀專人接聽，對方更超有禮貌：「多謝梁生耐心等候。」等安仔一一講清佢投訴啲咩後，對方又主動詢問：「仲有無其他需要跟進？」待遇非同尋常！

Photo from 《尋人記2》

方東昇再搞爛gag

方東昇亦不忘大放金句，安仔自稱係「元朗特首」，當日見面方東昇禮貌稱呼佢為「梁生」，安仔即表示：「叫我『安仔』咪得囉！或者『安少』。」方東昇笑言：「我幾驚你要我嗌你『特首』啊！」

Photo from 《尋人記2》

之後安仔提到佢有一本簿仔記低佢投訴啲咩，方東昇指：「其實你呢啲記事簿係用嚟記事定記仇㗎？」

Photo from 《尋人記2》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

尋人記2｜方東昇攜3位昇女郎回歸主持被視為收視救星其中一小花已升格人妻

17 May 2022

由方東昇、黃曉瑩、李曉欣及黃靖婷主持嘅《尋人記》以尋找在過往新聞片段中出現嘅受訪人物為主，去年播出後口碑不錯，今年TVB再添食，以原班人馬推出第二季拯救收視！

Photo from 《尋人記2》預告片

《尋人記2》有望成收視救星？

去年播放嘅《尋人記》在「2022紐約影視節」歷史及社會紀錄片組別獲得銅獎，當時收視亦不錯，第二季將接檔《360秒人生課堂》，大台近期多個節目都收視低迷，所以《尋人記2》被視為收視救星。在預告片中，今次節目組會再次出動尋人，對象同樣係曾於80至90年代亮相《新聞透視》、《星期日檔案》嘅受訪主角，藉此展現被訪者嘅人生與時代變化。