林志穎老婆晒台北過億豪宅睡房 智能家居樓底超高 好住過5星級酒店！

「凍齡男神」林志穎嘅老婆陳若儀最近在社交網拍片曝光兩人睡房，可見環境闊落，佈置富有氣派。一家人住在台北價值過億豪宅，仲好住過5星級酒店，相當惬意！

Photo from 《婆婆和媽媽》截圖

林志穎一家住台北億元豪宅

林志穎2010年與細9年女模陳若儀結婚，並育有三子，佢哋居所位於台北十大豪宅之一嘅「國美大真」，男方早年分別以2.3億及2.29億台幣買下頂層嘅兩個單位，所以整層都屬於林志穎一家。女方不時分享日常點滴，最近佢在小紅書拍room tour影片，大曬同老公嘅睡房。

Photo from 陳若儀 小紅書

老婆公開睡房環境

片中可見，整間房以柔和米色調為主，king size大床前放了一張四人座位梳化，旁邊設有大型衣櫃。若儀笑言梳化被愛貓抓爛，但都會等到佢更加殘破才換掉。而床上擺放了四個枕頭，加四個抱枕後仲有好多空間，佢更選用了名牌真絲床單和枕頭套，所以瞓得好舒服。

Photo from 陳若儀 小紅書

Photo from 陳若儀 小紅書

智能家居空間超大

林志穎早在前年就在綜藝節目《婆婆和媽媽》中，曝光了豪宅內部。佢曾透露自己係科技產品狂迷，所以都在家中安裝了智能系統，方便生活。節目可見，其大廳空間超大，中間放有巨型三面梳化，後方更放置一張超長工作枱，和兩張電競椅。

Photo from 《婆婆和媽媽》截圖

工作枱後嘅牆壁都好有睇頭，有許多賽車獎座、頭盔、紀念品等。林志穎表示，工作枱上有一個圓形智能裝置，一呼喊名字就可以進行各種預設指令，例如開窗簾、關燈等。

Photo from 《婆婆和媽媽》截圖

Photo from 《婆婆和媽媽》截圖

另外，飯廳樓底好高、燈飾頗有藝術風格，飯枱坐起碼7個人都無問題。

Photo from 《婆婆和媽媽》截圖

成架賽車擺屋企

客廳旁有一條長走廊通往另一區域，入面竟放著一架只作裝飾用途嘅紅色F1法拉利賽車，同時可將遊戲畫面投放到大牆上，好有氣氛。

Photo from 楊秀蓉 IG

另外，家中亦設有練舞室，讓老婆可以請老師上門教跳舞，相信練習意慾會大增！林志穎同時為大仔設計了《星球大戰》主題房間，好有心思！

Photo from 陳若儀 IG

Photo from 《婆婆和媽媽》截圖

相關文章：何猷君在家被奚夢瑤剪髮好驚青 怕老婆樣笑翻網民 上海過億豪宅引熱議！

相關文章：鍾麗緹在家健身曝光豪宅內部 3層獨立屋時尚奢華 空間大到搵唔到囡囡？

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）