球賽直播意外揭發多個外遇現場，用人群掩護以為好安全變舉國注視！

東南亞運動會係5月22日舉行，男子足球冠軍賽由越南隊同泰國隊一較高下，電視直播不時會轉向觀眾席，影低球迷為選手打氣嘅畫面，但竟然成為一對男女偷食嘅證據？

Photo from Facebook 截圖

第31屆東南亞運動會男子足球冠軍賽5月22號晚係越南河舉行，比賽空檔個陣畫面轉向觀眾席上嘅球迷，咁岩影到一對著黑色情侶裝嘅男女，互動非常親密，一眼就睇得出係情侶。但畫面播出後網上就傳出消息，話畫面中嘅男人係有婦之夫，但旁邊嘅女人唔係佢妻子，而係第三者！

Photo from 劇照

事件討論度亦都高到引咗男方嘅老婆上水，佢隨後亦係Facebook發帖話畫面中嘅男人確實係佢老公，佢睇電視個陣都嚇親！證實老公真係有「偷食」！

Photo from 劇照

睇到嘅網友即刻動用網絡嘅力量，除咗起底男人同第三者嘅Facebook帳號，仲瘋狂留言洗版鬧爆佢地！身為第三者嘅女人就發帖稱自己唔知道男朋友原來已經有家室，仲公開佢地嘅對話記錄證明自己真係唔知情。

Photo from 劇照

不過男人嘅正印老婆就繼續狙擊，仲怒指對方根本一早知佢老公已婚，但仍然介入佢地嘅感情做第三者。最後第三者面對正室指控同一眾網友討伐，目前已經關閉Facebook帳號。

Photo from 劇照

其實類似嘅事件之前都發生過，係拉丁美洲嘅厄瓜多甲級足球聯賽都有位球迷帶女伴去睇波，兩人係現場大曬恩愛，點知咁岩被轉播嘅鏡頭影到，佢地發現自己入鏡仲即刻變臉。佢地嘅影片仲被外國網友瘋傳，原來呢個男人都係同二奶去睇波！結果緊係同正室分開啦。

Photo from Youtube截圖

仲有內地嘅男球迷都試過帶「女朋友」去哈爾濱足球場睇球賽，但係著住紅色同黑色衫嘅佢地係一片藍嘅觀眾席入面特別顯眼，而偷情嘅一幕咁岩比男方嘅老婆同岳母見到﹐嬲到直接去球場捉姦，仲引黎唔少人群觀呀。

Photo from 微博圖片

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港男斷正內地妻偷食嬲爆拍片！結局反轉老公道歉？「還不到錢我都好內疚」

19 May 2022

夫婦之間感情有變可引起激烈爭執。最近，有人在一個Facebook群組發佈3段影片，內容顯示一名香港男子與內地妻子對質，男方大罵對方偷食之餘，更一度動粗，但影片後段卻出現大反轉，男方竟然要向妻子道歉？！

Photo from 《夫妻的世界》劇照

日前，有網民在一個Facebook群組分享了3條短片，可見事發地點在一個停車場裡，鏡頭主要影著一名身穿桃紅色貼身裙、操流利普通話嘅中年女子（下稱內地妻），而拍攝者則係一名操純正廣東話男子（下稱港夫）。

Photo from Facebook@香港江湖日報之ON9限定 2.0

港夫發現內地妻偷食激動對質

片中，港夫直指妻子手機通訊錄出現多名陌生男子資料，而且稱號特別，包括「完美醫生」和「老大」等，更指女方經常瞞住老公去滾，且情況持續了數月。心有不忿嘅港夫直斥：「唔好當我傻仔！」

Photo from Facebook@香港江湖日報之ON9限定 2.0

港夫發現妻子有古怪後，便開始跟蹤對方，隨後發現佢多次在凌晨3時多前往酒店同人幽會，但自己就要留家照顧小孩，又曾目擊對方在私家車內同奸夫講情話，到今次佢終於斷正出發去滾嘅妻子，又明言已掌握證明妻子偷食嘅電話錄音。

Photo from Facebook@香港江湖日報之ON9限定 2.0

港夫激動大罵：「你畀綠帽我戴？」之後即對妻子動武，同時大叫「叫個男人落嚟呀！」原本默不作聲嘅女方，都勸喻：「不要那麼激動！」惟對方情緒失控，回罵：「你開房我唔激動？！」更聲稱會隨時打爛妻子嘅私家車，再疑用手抓住女方頭髮，大力將佢推向車身。

Photo from Facebook@香港江湖日報之ON9限定 2.0

Photo from Facebook@香港江湖日報之ON9限定 2.0

內地妻力數丈夫4宗罪

第二條短片中，內地妻質問：「你這幾年給過我甚麼？」然後開始力數丈夫「罪狀」，直言：「你一分錢家用都沒有給我」，再指對方生意失敗、要賣車賣樓同時欠債，媽媽更動用了不少金錢去挽救女婿生意。港夫則反駁，生意差並非控制範圍之內，亦唔代表妻子因此偷情係合理。

Photo from Facebook@香港江湖日報之ON9限定 2.0

港夫道歉？

到第三條片，港夫叫妻子唔好攞媽媽做擋箭牌，斥對方偷食係個人選擇。但佢突然改變語氣指：「我對唔住你阿媽，我無諗到呢壇嘢會搞到咁大鑊，我都想還錢...」又用港普稱：「還不到錢我都好內疚！」佢坦言現在正全力做好工作，並會努力將錢賺回來。

Photo from 《夫妻的世界》劇照

網民錯重點

有網民認為，男方借了女家錢就係弱勢，當然都有聲音狠批女方嘅偷情行為。不過，好多人都將重點放到內地妻身上，紛紛留言讚佢靚，「這個女人真是美」、「身材好好」。仲有人覺得，雖然佢愛慕虛榮但幾有貴氣，所以建議佢結識鑽石王老五。

Photo from Facebook評論

Photo from Facebook評論

疑似有後續影片？

當網民以為只有3條片時，另有網友貼出一條後續片，當中顯示一名女士在餐廳自拍，鏡頭掃向坐在一起嘅港夫與內地妻，惟兩人只顧玩手機，並無談話。網民都不明所以，有人懷疑雙方已傾掂數，亦有人認為兩人剛吵完大架，真相係點就真係得當事人知道。

Photo from Facebook@香港江湖日報之ON9限定 2.0