內地女於LV專櫃買手袋，經鑑定為假貨！賠償逾8.7萬，LV回應掀熱議
Photo from 《三十而已》劇照
羅小姐與男朋友於內地LV專門店買手袋
擁有一個奢侈品牌手袋係好多女生嘅願望，不過付出高價去專門店買袋，如果收到假貨心情真係會大受打擊！2020年9月羅小姐與男朋友喺湖南長沙國金中心LV專門店買咗一個Vaugirard手袋，價值為18,700人民幣（約$22,000港元）。
Photo from 《三十而已》劇照
LOUIS VUITTON Vaugirard係2020年嘅大熱款式，經典復刻印花Monogram圖案配搭簡約風奶油白色系，男朋友高先生買袋送畀同行女友羅小姐，當時羅小姐仲拎住手袋影咗張相。
Photo from 微博
Photo from 《愛的迫降》劇照
經鑑定後揭手袋竟是假貨？！
不過佢後來懷疑手袋唔係正貨，更將手袋送往中國檢驗認證集團湖南有限公司檢驗，2021年3月鑒定意見書結果出爐指羅小姐送嚟檢驗嘅手袋並非LV。羅小姐與男友隨即與LV專門店商討賠償，但未能達成共識，羅小姐遂提出訴訟。
Photo from 《愛的迫降》劇照
Photo from 《三十而已》劇照
法院判LV需退款、賠償
雖然羅小姐喺LV專櫃買袋時有影相，相中手袋亦證明係真貨，LV方指當時羅小姐購買嘅正係呢個手袋，但羅小姐稱照片中嘅袋只係展示用手袋，佢實際買嘅袋係假袋，要求LV方退款並賠償3倍金額。
Photo from 《現正分手中》劇照
法院指出LV應嚴格管理貨品銷售嘅去向，指LV方「舉證不能」，有售假行為，判LV需退還羅小姐買袋費用18,700元人民幣（約$22,000港元）、賠償三倍袋款56,100元人民幣（約$66,000港元），並承擔律師費及訴訟費用。
Photo from 《三十而已》劇照
LV官方回應
事件傳出後，有唔少LV顧客將手袋拎去檢驗，而涉事嘅LV專門店亦出現驗貨長龍。LV官方強調LV官方直營專門店售賣嘅均為正貨，LV充分尊重中國法院並已主動履行生效判決，但喺訴訟中從未認可羅小姐購買9個月後要求退款嘅手袋係經由LV售出，LV已申請再審。
Photo from 微博
Photo from 《三十而已》劇照
有相關人士指真袋有可能被店員調包，或者因為貨品銷量太好，供不應求，LV向其他生產商取貨時卻取得次貨等原因。
Photo from 《三十而已》劇照
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
上海封城掀搶購潮，LV、Gucci等名牌送蔬菜禮盒上門予VIP客戶？
6 Apr 2022
上海因疫情升溫宣佈封城，令唔少市民去超市搶購日用品以及食物。封城期間各區居民需分批接受核酸檢測，唔少人更特登悉心打扮出門。另外因為無法買餸、叫外賣，多間名牌都為VIP客戶準備點心禮盒或蔬果等原材料，以解客人燃眉之急。
Photo from 微博
上海疫情嚴峻宣佈封城
上海新冠確診人數持續上升，需要封城。區域內嘅住宅小區實施封閉管理，所有人足不出戶，人、車只進不出，交通停運，企業需封閉或居家辦公。消息一出即掀起「搶購潮」，有人更為買食物而爭執。
Photo from 微博
市民悉心打扮接受核酸檢測
而喺封城期間，市民需接受核酸檢測，唔少人都特登裝扮出門，引起網民熱議。喺微博流傳多張排隊檢測嘅相片，市民精心打扮猶如要出席fashion show。
Photo from 微博
其中最突出嘅有男士扮成超人出門，另外有人披上《銀魂》「伊麗莎白」嘅外罩，睇落十分有趣。仲有小朋友扮成紙皮製成嘅粉紅色恐龍，呢啲「另類防護罩」令核酸檢測現場生色不少。
Photo from 微博
Photo from 微博
Photo from 微博
名牌店為VIP送上蔬果、點心禮盒
不過因為封城，多地民眾無法出門買餸，有網友反映連外賣都叫唔到，隨時面臨物資不足嘅問題。有傳上海各大奢侈名牌店向客戶送上蔬果等禮盒，以解佢哋燃眉之急。
Photo from 微博
從流出嘅相片可見，Gucci、Cartier送贈嘅蔬菜有悉心包裝，並附上精美蝴蝶結作裝飾，十分高級。
Photo from 微博
Photo from 微博
Photo from 微博
Photo from 微博
除咗食材外，仲有LV亦準備咗點心禮盒贈予客戶，每道菜餚賣相都非常精緻，仲有手寫卡片以示心意。甚至仲會問埋客人嘅口味以安排最好嘅菜色畀佢哋，相當貼心。
Photo from 微博
Photo from 微博
Photo from 微博
反映貧富差距，被網民狠批？
有網友認為封城反映貧富差距嚴重，不滿有人驚搶唔到食物要較鬧鐘，但名牌高級客戶卻享有專人提供嘅資源，批評啲VIP客戶喺網上炫耀：「有錢為甚麼不捐出來」，不過亦有人認為呢啲係正常嘅商業行為。
Photo from 微博
Photo from 微博
Gucci中國官方客戶服務方面表示有關服務係真嘅。店員會收到上級提供嘅客戶名單，並逐一聯繫名單上嘅客戶，但呢項服務唔係以客戶嘅消費金額來劃分，而係為疫情較嚴重地區嘅客戶準備。
Photo from 微博
上海政府公開否認快遞、外賣暫停嘅消息，指會保障市民生活需求，但微博有唔少疑似上海居民卻表示快遞已經停咗近半個月。
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
