【韓國新景點】11大韓國必去人氣新景點！釜山樂天世界+島上LEGOLAND+首爾最美百貨+空中漫步

By Haitaeng on 08 Jun 2022

Digital Editor

各位哈韓族們終於可以返「鄉下」喇！韓國於6月起恢復對一般國家發放短期逗留簽證，包括香港在内，並於6月8日起有無打針入境一律免隔離！話説韓國封關兩年幾，當地出現咗不少新景點，如首爾最大最美百貨商場「THE HYUNDAI SEOUL」、體驗離地超過500米高嘅空中漫步、釜山更有多個全新好玩嘅主題樂園，如韓國最大「釜山樂天世界」、全球首個在島上嘅「LEGOLAND」，仲有可飽覽漢江美景嘅3層玻璃屋星巴克等，等著大家去打卡朝聖！以下整合11大韓國旅遊全新好去處，有興趣嘅景點記得先Mark！

#韓國景點推介2022 | 首爾篇

－

·Sky Bridge 스카이브릿지

Photo from IG@seoulsky_official

首爾樂天世界塔一向係韓國著名地標，其中有著韓國最高觀景台之稱嘅「Seoul Sky」，更是欣賞首爾美景嘅熱點之一~樂天於2020年7月再有新搞作，位於樂天世界塔嘅兩棟半圓柱體建築之間嘅「Sky Bridge」正式開放，讓遊客可站在離地541米嘅高空天橋上打卡拍照！參加「Sky Bridge Tour」不但可俯瞰整個首爾美景，望向下方嘅視覺亦超震撼驚險，最啱喜歡刺激挑戰極限嘅人！

Photo from IG@seoulsky_official

Photo from Seoulsky官網

Sky Bridge 스카이 브릿지
Sky Bridge Tour費用	8萬韓元起（約$504港元起）
體驗時間	1pm~8pm *每節體驗時間為60分鐘
營業時間	樂天世界塔星期日至四 11am~10pm 星期五至六及公眾假期前一天 11am~11pm
地址	首爾特別市松坡區奧林匹克路300（新川洞） 서울특별시 송파구 올림픽로 300 （신천동）
交通	地鐵2號線「蠶室站 잠실」1號出口；或8號線「蠶室站 잠실」10或11號出口，步行約6分鐘
官網	https://seoulsky.lotteworld.com/ko/main/index.do

－

·THE HYUNDAI SEOUL 더 현대 서울

Photo from THE HYUNDAI SEOUL官網

首爾又多咗一個行街購物嘅地方喇！位於汝矣島嘅「大現代首爾百貨 THE HYUNDAI SEOUL」於2021年年初開幕後，成為首爾最大規模嘅百貨商場，擁有89,100平方米，相當於13個足球場咁大~商場以「親近自然型未來百貨商店」為主題，除咗集合海内外各大品牌，仲設置室内植物園、藝文中心和展覽公演場地等，提供顧客一個與衆不同嘅放鬆購物空間。

其中，5樓名為「Sounds Forest」空間，擁有巨大嘅庭園造景，種植多款綠色植物，猶如身處在戶外公園相當愜意舒服~另外，加上屋頂採用透光玻璃設計，自然採光非常好，開幕後商場内多處立即成為打卡熱點！

Photo from THE HYUNDAI SEOUL官網

推薦必去H&M旗下北歐極簡生活品牌ARKET，在商場内開設了亞洲第一間分店，以及無人自助商店「Uncommon Store」，掃描QR Code即可付款，售賣各國零食、精選生活小物和韓國當地文創商品。另外，地下1樓美食街則聚集超過90間知名餐廳及Cafe，如來自美國加州嘅三明治連鎖店Eggslut、咖啡店Blue Bottle和烤肉餐廳Sooty等。

Photo from IG@thehyundai_seoul ARKET

Photo from IG@uncommonstore_official

HE HYUNDAI SEOUL 더 현대 서울
營業時間	星期一至四 10.30am~8pm 星期五至日 10.30am~8.30pm 美食街 10.30am~10pm
地址	首爾市永登浦區汝矣島路108（Parc.1） 서울시 영등포구 여의도로 108（Parc.1）
交通	地鐵5號線或9號線至「汝矣島站」3號出口，步行約8分鐘
官網	https://www.thehyundaiseoul.com/

#韓國景點推介2022 |京畿道篇

－

·Starbucks 楊平DTR店 스타벅스 더양평DTR

Photo from FB@starbuckskorea

韓國擁有多間極具特色嘅Starbucks分店，2020年在首爾市郊嘅京畿道楊平郡再開設一間楊平DTR店，是韓國現時最大嘅Starbucks（Drive Through Reserve）！分店位於漢江邊，總面積達1023平方米，有3層樓高~1樓為Drive Through區域，唔駛落車亦可點餐；2樓設有可品嚐到頂級典藏咖啡嘅Reserve Bar及TEAVANA Bar調製嘅茶類飲品，仲有Brunch Set和各式各樣甜品小食；3樓天台則有花園用餐區，熱門打卡位之一，可透過大片落地玻璃窗可觀賞到南漢江嘅絕美景色~另外，這間分店仲有多款限定菜單，有機會去韓國，不妨安排時間去楊平歎咖啡，順便觀賞市郊嘅自然景色喇！

Photo from FB@starbuckskorea

Starbucks 楊平DTR店 스타벅스 더양평DTR
營業時間	9am~9pm
地址	京畿道楊平郡楊平邑楊根路76 경기 양평군 양평읍 양근로 76
交通	地鐵京義 · 中央線「楊平站 양평」1號出口，轉乘的士，約8分鐘車程
官網	starbucks.co.kr

－

·衝浪主題公園 Wave Park

Photo from Wave Park官網

韓國最大，亦係亞洲第一個衝浪主題公園「Wave Park」於上年10月在京畿道正式開幕，喜歡衝浪嘅人一年四季都可以衝浪喇！這裡有足足5個足球場咁大嘅人造浪池，約每8秒左右兩側可各造出兩個波浪，每小時最多可多達1000個~園内主要分為兩大區域：衝浪池和波浪池，衝浪者可根據自己嘅程度挑戰不同程度的波浪~初學者可到較淺區域練習，而唔識衝浪亦唔駛擔心，園區有為初級者提供衝浪班。

Photo from FB@waveparkkor

除咗衝浪，「Wave Park」仲有多個水上運動可以玩，如跳台跳水、潛水、海中漫步、玩滑梯，甚至露營都有。而園内廣場特設DJ舞台，不時會舉辦Party，邊玩水邊享受音樂超正。如果帶漏設備都唔怕，園内可租借設備，另外仲有太陽傘和躺椅，衝完浪可以休息下，享受日光浴！玩到肚餓點算好？當然少不了不同嘅食肆及餐廳~

Photo from FB@waveparkkor

衝浪主題公園 Wave Park
營業時間	10am~6pm
地址	京畿道始興市龜島環路42 경기도 시흥시 거북섬둘레길 42
官網	https://www.wavepark.co.kr/main?lang=ko

#韓國景點推介2022 | 江原道篇

·LEGOLAND Korea Resort 레고랜드 코리아 리조트

Photo from FB@LEGOLANDKoreaResort

全球首個建在島嶼上，同時亦係亞洲最大嘅LEGOLAND，坐落在韓國江原道春川市，今年5月初已正式開幕~春川LEGOLAND Korea Resort佔地約28萬平方米，相當於39個足球場，分為7大園區，包括「Bricktopia 積木樂園」、「Brick Street 積木街」、「LEGO Castle 樂高城堡」、「LEGO City 樂高城市」、「LEGO NINJAGO World 樂高忍者世界」、「Pirate Shores 海盜海岸」及「Miniland 迷你世界」，各有特色！

除咗有旋轉木馬、海盜船、咖啡杯和小火車等超過40個刺激好玩嘅遊戲設施，其中「NINJAGO World」可體驗到亞洲唯一嘅4D遊戲-NINJAGO The Ride；「Miniland」設有不少韓國著名地標嘅微縮模型，如首爾塔、景福宮和海雲台等。同時，仲可以體驗警察和消防員等職業，園内有不少適合一家人暢玩嘅遊樂設施。

Photo from FB@LEGOLANDKoreaResort

另外，園内仲有猶如以巨型LEGO積木砌成，有4層高嘅LEGOLAND酒店，相當搶鏡！酒店有超過150間客房，共有4種主題房型，包括LEGO Friends、LEGO NINJAGO、Kingdom及海盜，又係一個瘋狂玩樂打卡熱點~

Photo from FB@LEGOLANDKoreaResort

LEGOLAND Korea Resort 레고랜드 코리아 리조트
門票	一日票成人 5萬韓元（約$314港元）小童 4萬韓元（約$252港元）
營業時間	星期一至五 10am~6pm 星期六至日及公眾假期 10am~7pm
地址	江原道春川市下中島街128 강원도 춘천시 하중도길 128
官網	https://www.legoland.kr/en/

#韓國景點推介2022 | 釜山篇

－

·海雲台 Blueline Park 海岸列車 해운대 해변열차

Photo from Blueline Park官網

有機會到釜山一定要坐上海景列車觀賞無邊際嘅絕美海景！於2020年9月開通嘅「海雲台 Blueline Park 海岸列車」正式營運後，立即成為人氣打卡熱點~這個列車屬於釜山東海南部線，是從海雲台區松亭站到尾浦嘅海岸觀光路線，總長度4.8km。話説列車原本係沒有營運嘅路線，因為地形狹窄等因素，所以從2013年便閒置不用，不過經重新活化後，打造成觀光路線，讓游客們又多咗一個釜山觀光景點啦~

「海雲台 Blueline Park 海岸列車」分為兩條行車路線：「Ocean Train」和「Sky Capsule」。前者在地面行駛，沿著海雲台海岸，由尾浦行駛至總站松亭，會途徑迎月隧道、青沙浦和九德浦，全長達4.8公里，單程需時約25分鐘。「Ocean Train」屬於歐式嘅復古觀光列車，車廂内所有座位都係單邊面向大海，透過大片玻璃窗可睇到無敵海景！後者則在新興建嘅架空路軌上慢速行駛，從尾浦至青沙浦，不設中途站，全長2公里，往返約30分鐘。「Sky Capsule」屬於膠囊型列車，每個車廂只限載4人，可在7~10米高空上觀賞海雲台海岸線~值得一提，「海雲台 Blueline Park 海岸列車」係全韓國第一個使用充電電池提供動力嘅親環境列車，兩款列車都有紅色、藍色、綠色及黃色的車廂~

Photo from Blueline Park官網

Photo from 韓劇《現正分手中》截圖

海雲台 Blueline Park 海岸列車 해운대 해변열차
門票	Ocean Train 7,000韓元起（約$44港元起）
門票	Sky Capsule 30,000韓元起（約$188港元起）
開放時間	11~2月 9.30am~6pm
	3~4月/10月 9.30am~6.30pm
	5~6月/9月 9.30am~7.30pm
	7~8月 9.30am~8.30pm
列車路線	Ocean Train路線：尾浦—迎月隧道—青沙浦—橋石展望台—九德浦—松亭
列車路線	Sky Capsule路線：尾浦—青沙浦
地址	釜山廣域市海雲臺區青沙浦路116（中洞） 부산광역시 해운대구 청사포로116（중동）
交通	釜山地鐵2號線中洞站5號出口，步行約14分鐘
官網	https://www.bluelinepark.com/chn/

－

·樂天世界Adventure釜山：Magic Forest 롯데월드 어드벤처 부산：매직 포레스트

Photo from FB@lotteworldbusan

2022年3月最新登場嘅「釜山樂天世界 Magic Forest」，不但是釜山最大嘅主題樂園，規模更比首爾樂天世界大幾倍！園内共有6大主題園區，除了首爾樂天世界亦有嘅「Underland」，「Rainbow Springs」、「Wonder Woods」、「Joyful Meadows」、「Tinker Falls」和「Royal Garden」，都係釜山獨有，設有各式各樣嘅大型遊樂和參觀設施。

Photo from FB@Korea Tourism Organization - VisitKorea

其中，推介必玩以每秒27m以上速度360度飛越1000多公尺軌道嘅雲霄飛車「Giant Diger」、以時速100公里，從13樓高往水面衝嘅世界第二台大型過山車「Giant Splash」，以及首爾樂天世界「Gyro Diger」嘅升級版，以時速110m和45米轉高嘅龍捲風旋轉「Giant Swing」，喜歡刺激濕水嘅朋友一定要玩！同時，園内還有適合小朋友嘅親子設施、演出和遊行，一家大細都啱玩~另外，這裡仲可以租借高中制服，一於體驗下當個韓國高中生喇！

Photo from FB@Korea Tourism Organization - VisitKorea

Photo from FB@lotteworldbusan

樂天世界Adventure釜山：Magic Forest 롯데월드 어드벤처 부산：매직 포레스트
門票	成人 47,000韓元（約$296港元）青少年 39,000韓元（約$245港元）長者/小童 33,000韓元（約$208港元）嬰兒 12,000韓元（約$76港元）
營業時間	10am~9pm
地址	釜山廣域市機張郡機張邑侍郞裏 348-67 부산광역시 기장군 기장읍 시랑리 348-67
交通	釜山東海線（동해선）線奧西莉亞站（오시리아역）1號出口，步行約10分鐘
官網	https://adventurebusan.lotteworld.com/kor/main/index.do

－

·釜山 X the SKY展望台 BUSAN X the SKY 부산엑스더스카이

Photo from FB@Busan X the SKY

於2020年7月登場嘅「釜山 X the SKY展望台」，可從100樓高空俯瞰海雲台和釜山市區嘅絕美景致！「X the SKY展望台」位於釜山海雲台LCT Landmark Tower嘅98至100樓，係目前韓國第二高嘅展望台~在海雲台海水浴場旁邊嘅海雲台LCT，由兩棟85層樓嘅建築和一棟101層樓嘅建築組成，由於外觀從上方睇落去，形成一個X嘅模樣，所以名為「釜山 X the SKY展望台」。抵達展望台後，大片嘅落地玻璃窗可欣賞到不同角度嘅景色，包括海雲台海岸、廣安大橋、釜山港大橋、迎月嶺和冬柏島等，在白天與夜晚又係不同嘅視覺享受~

Photo from FB@Busan X the SKY

如果自認大膽，一定要挑戰站在透明玻璃走廊「Shocking Bridge」打卡影相！透過玻璃走廊往下望，即可見到下方嘅大樓及海雲台海岸景觀~就連厠所都值得好好欣賞，同樣採用落地玻璃窗嘅設計，上緊厠所都可以睇到一番靚景！另外，展望台仲設有不同嘅互動設施和休憩空間「X the Lounge」，如影相區、紀念品商店、數位互動留言區、空中花園、咖啡廳及餐廳等。

Photo from FB@Busan X the SKY

釜山 X the SKY 展望台 BUSAN X the SKY 부산엑스더스카이
門票	成人 27,000韓元（約$170港元） 65歲以上長者/未滿13歲小童 24,000韓元（約$151港元）
營業時間	星期日至五 10am~9pm *夏季和冬季開放時間不同
地址	釜山廣域市海雲台區中洞迎月路 30 LCT Landmark Tower 1~2F、98~100F 부산 해운대구 중동 달맞이길 30 엘시티 랜드마크타워 1~2F、98~100F
交通	釜山地鐵2號線「中洞站 중동」7號出口，步行約10分鐘；或「海雲台站 해운대」1號出口，步行約15分鐘
官網	http://www.busanxthesky.com

－

·松島龍宮云橋 송도용궁구름다리

Photo from IG@visitbusan.kr

擁有歷史悠久嘅釜山松島海水浴場，近年經整頓後再次成為當地嘅熱門地標，其中人氣最高非「松島龍宮云橋」莫屬！曾經遭受颱風襲擊而破損嘅松島雲橋，多年後以「松島龍宮云橋」重生，連接岩南公園及對面嘅無人島「東島」，係一座長127.1米，寬2米嘅海上鐵網橋。如果想俯瞰到龍宮云橋及東島，可先乘搭松島海上纜車到松島Sky Park，之後再步行前往~迎著海風在橋上行走，不但可飽覽松島整個景觀、無敵大海景，透過網洞還可以見到下方嘅奇岩怪石及澎湃洶湧嘅海水，相當療愈！

Photo from IG@visitbusan.kr

松島龍宮云橋 송도용궁구름다리
門票	2,000韓元（約$13港元）
營業時間	3~9月 9am~6pm 10月~2月 9am~5pm *每月逢第一及第三個星期一休息
地址	釜山西區岩南洞703 부산 서구 암남동703
交通	釜山地鐵1號線「札嘎其站」1號出口，乘搭7號巴士至「岩南公園站 암남공원」下車，往岩南公園入口方向，步行約5分鐘
松島海上纜車官網	http://en.busanaircruise.co.kr/main/main.html

#韓國景點推介2022 | 慶尚北道篇

－

·太空漫步 Space Walk 스페이스 워크

Photo from Visitkorea

除了多咗好多主題樂園，韓國亦有獨特嘅全新地標值得一去！位於慶尚北道浦項市北區環煥湖公園新落成嘅「太空漫步 Space Walk」，外觀乍看與雲霄飛車非常相似，但原來係一座供人行走嘅空中體驗雕塑！於上年11月開始試營運，由POSCO浦項製鐵與浦項市合作打造，全長333米、最高離地面有25米，長達717級嘅空中步道，可承受6.3級地震！為確保遊客安全，步道兩側特別安裝高達120公分嘅扶手，每次體驗人數上限為250人，並有安全人員駐點巡查。如果遇到惡劣天氣，仲有啓動安全裝置不能再進入。

據知這座空中步道由一對德國藝術家夫婦Heike Mutter和Ulrich Genth創作，由於遠看似一朵漂浮在空中嘅雲朵，所以最初命名為「雲」，但之後為了讓遊客有漫步在太空中的感受，所以才名為「Space Walk」。當一步一步行上高處，可從各個不同角度欣賞到城市景色，登頂後更能看到台海水浴場、迎日灣和浦項制鐵等，超正啊！另外，夜晚嘅Space Walk，在燈光嘅照射下猶如有種漫步太空嘅錯覺，當然不能錯過去打卡朝聖！

Photo from IG@seopo.bb

太空漫步 Space Walk 스페이스 워크
門票	免費
營業時間	星期一至五 10am~4pm 星期六至日及假日 10am~5pm
地址	慶北浦項市北區斗湖洞山8 煥湖公園 경북 포항시 북구 두호동 산8 환호공원
交通	從KTX「浦項站 포항역」乘坐9000號巴士，前往「煥湖公園站 환호공원」下車

#韓國景點推介2022 | 慶尚南道篇

－

·Seolri Skywalk 설리스카이워크

Photo from Visitkorea

如果鍾意車銀優和文佳煐主演嘅韓劇《女神降臨》，記得Mark實兩人在第14集一起去旅行約會嘅地點，在劇集嘅加持下已變成人氣拍拖勝地！於2020年年尾開放嘅「Seolri Skywalk」，是慶尚南道嘅南海新景點，被稱之為「南海全新絕景」~長79.4米、高36.3米，面對海邊嘅懸臂部分則長43米，亦係韓國現時擁有最長懸臂設計嘅Skywalk。

不同於其他步道，「Seolri Skywalk」最特別之處就係在盡頭設有一個空中韆鞦「Skywalk Swing」，不但可體驗到離地38米高嘅空中打韆鞦，仲可觀賞到南海及無敵海景，尤其在日落黃昏時更顯得氣氛十足！另外，「Seolri Skywalk」嘅入口處還有一個特別嘅拍照位置，記得要打卡留念喇~

Photo from Visitkorea

Photo from 《女神降臨》截圖

Seolri Skywalk 설리스카이워크
門票	Skywalk 成人 2,000韓元（約$13港元）小童 1,000韓元（約$6.5港元）
	Skywalk韆鞦成人 6,000韓元（約$38港元）小童 4,000韓元（約$26港元）
營業時間	Skywalk 10am~9pm Skywalk鞦韆 10am~6pm
地址	慶尚南道南海郡彌助面彌松路303番街176 경상남도 남해군 미조면 미송로303번길 176
交通	從南海市外巴士客運站，搭乘的士前往，約35分鐘車程