【尋人記2】「杯麵男」30年後近況公開！從小缺乏家庭溫暖，險誤入歧途！與良師久別重逢場面曝光！
由方東昇、黃曉瑩、李曉欣及黃靖婷主持嘅人氣節目《尋人記2》，第3集決定要以古法尋人嘅方法搵返30年前嘅杯麵男！當時因為缺乏家庭溫暖，而經常於街頭遊走，並且當杯麵為正餐嘅小男孩，喺30年後又會變成點呢？
Photo from 《尋人記2》
小時候志文甚少有家人陪伴，食杯麵當正餐！
1993年，當時就讀小學五年級嘅志文出演《星期日檔案》，佢來自單親家庭，與爸爸、哥哥一齊居住，但爸爸卻甚少留喺屋企。佢大約3年前就開始學識照顧自己，放學後經常自行買食物做晚餐「有時候只係食一個杯麵當正餐」，亦因此被稱為「杯麵男」～
Photo from 《尋人記2》
Photo from 《尋人記2》
經常於街道上流連
志文當時仲經常喺街道上留連，而佢坦承曾無緣無故被「飛仔」打，所以後來就選擇到青少年中心玩，直到夜晚10點先返屋企！而佢表示唔想返屋企係因為同哥哥關係唔好，哥哥偶爾會對佢動手，但爸爸卻毫不理會，只好盡量避免同哥哥獨處；「家」對於志文而言只係瞓覺以及攞零用錢嘅地方。
Photo from 《尋人記2》
Photo from 《尋人記2》
節目組超仔細尋找有關「志文」線索
為咗了解「杯麵男」現時嘅近況，今次方東昇等主持就用返最原始嘅尋人方法，佢哋反覆重溫過往嘅影片，並且詢問當年嘅托管中心查詢有關「徐志文」嘅消息，可惜中心未有保存30年前嘅資料。之後，節目組就從過往就讀嘅小學入手，成功尋找到志文畢業班相；但同班同學都表示已經同佢失去聯絡。
Photo from 《尋人記2》
Photo from 《尋人記2》
成功於柴灣麵店尋回志文！
其後，佢哋親自到訪志文過往嘅住址柴灣興民邨，並成功從街坊口中得知志文於附近商場麵檔工作，終於搵到今日嘅主角！而志文喺見到主持人嘅時候，都感到十分驚訝。30年前食杯麵嘅男孩，宜家已經變成於麵舖為大家煮麵～
Photo from 《尋人記2》
Photo from 《尋人記2》
Photo from 《尋人記2》
選擇投身飲食界原因
由於小時侯嘅志文經常都只係靠杯麵「醫肚」，長大後選擇投身飲食界係因為「省錢啊！又包你兩餐食」。而佢亦帶主持人們重回佢昔日流連嘅地方，仲話自己依然都有一顆唔鍾意返屋企嘅心；小時候亦經常「逃學」，對讀書不感興趣。
Photo from 《尋人記2》
Photo from 《尋人記2》
志文爸爸已經於1年前離世！
直到宜家，志文與同住嘅哥哥依然甚少有交流，並且大爆另一個唔願意回家嘅原因「阿爸成日飲醉酒」，但強調爸爸冇飲酒嘅時侯都好照顧佢，希望記住爸爸對佢嘅好；可惜爸爸已經於1年前離世！佢直言小時候曾經埋怨過爸爸，但出社會工作後就呢個諗法就消失咗「原來一個人返工係咁辛苦」，體諒爸爸獨自養家好辛苦！
Photo from 《尋人記2》
Photo from 《尋人記2》
成長階段曾感到迷失！
志文回顧自己讀到中二就開始逃學，去到中三就決定出社會工作，第一份工作都係「做廚房」。從小缺乏家人陪伴，成長階段之中亦難免會感到迷惘，容易誤入歧途，志文亦試過因為「信用卡越碌越大」，導致負債累累破產！而轉捩點就係當被人拍門追債時，佢就突然醒覺。
Photo from 《尋人記2》
Photo from 《尋人記2》
視托管中心黃Sir為「半個爸爸」，30年後重逢畫面公開！
志文自爆小時候差啲就誤入歧途，但幸好有托管中心嘅黃sir及時「拯救」佢，仲形容對方係佢半個爸爸、半個導師，可見黃sir喺佢心中嘅地位非常高！然而，佢同黃Sir已經失散30幾年，所以節目組亦專登安排二人再次重逢！
Photo from 《尋人記2》
二人久別重逢，雖然並未有非常激動嘅重遇場面，但卻能夠睇得出二人感情深厚。當佢哋一齊再重溫當年影片時，黃sir卻忍唔住落下男兒淚，認為小時候嘅志文十分可憐，仲話「冇諗過宜家嘅志文居然冇學壞！」，對於能夠再次見到志文感到高興！而志文亦親手煮麵俾黃Sir以表達感謝，舉辦一個遲來嘅「謝師宴」，非常感人～
Photo from 《尋人記2》
Photo from 《尋人記2》
Photo from 《尋人記2》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
【尋人記2】方東昇獲投訴王安仔主動聯絡！特首辦專人跟進安仔訴求
20 May , 2022
Photo from 《尋人記2》
《尋人記2》投訴王安仔曾買燒肉被呃秤報警
方東昇提到之前做《尋人記》獲好多被訪者關心，佢哋都提到「安仔」，以往尋人都要歷盡千辛萬苦，但今次安仔竟然主動聯絡電視台，仲表明自己咁多年嚟變化唔少，希望節目可以訪問佢。
Photo from 《尋人記2》
Photo from 《尋人記2》
《尋人記2》回顧安仔上節目嘅經歷，指佢第一次出鏡，就係1982年嘅《新聞透視》，當時因為搵工被索取$200，佢十分精明無上當，之後更出演《星期二檔案》，安仔唔中意人「呃秤」，佢自己喺屋企擺咗個磅，又曾試過買燒肉，對方畀咗啲骨佢而要打999。
Photo from 《尋人記2》
Photo from 《尋人記2》
自稱「元朗特首」，安仔囤貨30幾年
方東昇致電安仔同佢商量採訪細節，安仔指特首都認識佢，又自稱係「元朗特首」，表示方東昇只要喺元朗提起「元朗特首」就會搵到佢，果然一路上小巴司機、清潔姐姐都指安仔喺元朗好出名，成功為方東昇佢哋指路。
Photo from 《尋人記2》
Photo from 《尋人記2》
Photo from 《尋人記2》
Photo from 《尋人記2》
安仔仲特登著上全新西裝會見方東昇，佢同多年前一樣喜歡囤貨，以往佢為免被呃秤寧願大打買入大批貨物，依家嘅佢有過之無不及，家中海味數量可媲美海味店，仲有10個雪櫃、60部錄音機，安仔仲話：「用唔晒留返下世用。」
Photo from 《尋人記2》
Photo from 《尋人記2》
Photo from 《尋人記2》
Photo from 《尋人記2》
安仔現時無業，每月攞逾$7,000綜援，佢仲有「意外補償」，安仔稱佢成日跌親，由舊年到依家有4宗交通意外，佢自稱係「容易受傷的男人」。
Photo from 《尋人記2》
Photo from 《尋人記2》
Photo from 《尋人記2》
Photo from 《尋人記2》
安仔興趣係收集復活蛋同巴士模型，呢兩個愛好經過30幾年都無變。佢依家仍然喺屋企備有磅以防被呃秤，又有簿仔紀錄佢買咗啲咩。
Photo from 《尋人記2》
Photo from 《尋人記2》
Photo from 《尋人記2》
Photo from 《尋人記2》
特首辦專人跟進安仔訴求
安仔身為「投訴王」，投訴當然係佢嘅日常生活，佢之前喺電話中提到佢好出名，連特首林鄭月娥都認識佢，原來係因為佢經常致電特首辦要求跟進佢嘅投訴。採訪當日佢亦有打畀特首辦。
Photo from 《尋人記2》
當安仔報上名稱「梁安國」，特首辦工作人員即時轉來電轉駁畀專人接聽，對方更超有禮貌：「多謝梁生耐心等候。」等安仔一一講清佢投訴啲咩後，對方又主動詢問：「仲有無其他需要跟進？」待遇非同尋常！
Photo from 《尋人記2》
Photo from 《尋人記2》
Photo from 《尋人記2》
方東昇再搞爛gag
方東昇亦不忘大放金句，安仔自稱係「元朗特首」，當日見面方東昇禮貌稱呼佢為「梁生」，安仔即表示：「叫我『安仔』咪得囉！或者『安少』。」方東昇笑言：「我幾驚你要我嗌你『特首』啊！」
Photo from 《尋人記2》
Photo from 《尋人記2》
之後安仔提到佢有一本簿仔記低佢投訴啲咩，方東昇指：「其實你呢啲記事簿係用嚟記事定記仇㗎？」
Photo from 《尋人記2》
Photo from 《尋人記2》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
