與Baby離婚4個月！黃曉明網紅新歡富貴背景大公開！深圳豪宅價值逾1億，至少坐擁3架名車！

By Stephanie on 30 May 2022

Digital Content Writer

內地男藝人黃曉明今年初同Angelababy正式對外宣佈離婚，為7年婚姻畫上句號。不過近日黃曉明被網民大爆與網紅葉珂陷入熱戀，二人最近去過嘅地方都有所重疊，令唔少網民都深信二人已經交往咗一陣子。而新歡葉珂嘅來頭亦不小，係身價上億嘅小富婆，財力驚人，名下仲有唔少生意及投資！

Photo from 珂kerrr @微博

黃曉明離婚4個月被爆已有新歡？！

內地男星黃曉明同Angelababy於今年1月28日同時宣佈離婚消息，並表示未來將會共同撫養兒子「小海綿」。回復單身嘅二人感情生活都備受外界關注，最近黃曉明就被網民大爆同樣貌有幾分似baby嘅網紅葉珂交往中？！

Photo from 黃曉明工作室微博

Photo from 黃曉明微博

女方係內地知名網紅企業家葉珂！

有指，黃曉明同葉珂呢幾個月到訪過嘅地方大多數都有重疊，包括：大理度假、喺上海居住同一間酒店等，網民仲表示曾見過女方嘅手袋出現於黃曉明嘅車上；而最明顯嘅就係二人喺2月時一齊上載過「熊貓湯圓」嘅照片！以上種種巧合都令內地網民深信二人關係並不單純。，唔少網民都認為女方外型同Baby十分相似「簡直是Baby2.0」、「曉明哥喜歡這一類」等。

Photo from 珂kerrr @微博

Photo from 微博

校花級風雲人物

其實葉珂係知名嘅網紅企業家，學生時期就已經憑美貌獲封「廣東高校最美校花100強」、「深圳大學十大女神」等稱號，係大學嘅風雲人物！喺2010年參與湖南電視台美女主播「星姐」選拔，雖然50強就止步，但依然成功入電台工作擔任主播。

Photo from 珂kerrr @微博

曾與深圳「礦山太子」結婚！

葉珂同黃曉明一樣有過一段婚姻，曾經與深圳「礦山太子」結婚，並誕下一對子女，可以話係嫁入豪門，衣食無憂～然而，婚後佢開始創業，創立自己嘅服裝品牌、開美容院、投資房地產等，收入大增。直到最近網民翻出佢結過婚，並懷疑黃曉明係「小三」後，佢就於微博公開澄清自己已經離婚；有網民仲疑似翻出佢過往同Baby嘅合照，被網民指二人樣貌相似！

Photo from 微博

Photo from 珂kerrr @微博

Photo from 微博

生活越來越富貴！

據悉，女方現時居住嘅深圳豪宅價值約9千萬人民幣（約港幣逾1億），同時擁有幾架名車，包括：粉藍色勞斯萊斯（Rolls-Royce）、紅色法拉利、粉紅色賓利等，就咁加埋都至少價值1,700萬港幣！

Photo from 葉珂小紅書

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

Angelababy哭訴被黃曉明拋棄，嘗試挽救婚姻不果？！細數二人昔日5大甜蜜事！此情不再令人唏噓

4 Apr , 2022

Angelababy（Baby）與內地男星黃曉明於今年1月28日同時宣佈離婚消息，為6年婚姻正式劃上句點。最近，Angelababy嘅一段訪問就被瘋傳，而佢激動自爆「是黃曉明不要我了。」；而黃曉明近日亦辭去Baby公司大股東嘅身份，引起網民一番熱議！

Photo from 黃曉明工作室微博

# Baby 及黃曉明今年宣佈離婚！

Angelababy同黃曉明嘅婚變消息被盛傳多年，直到今年初二人終於於微博承認離婚，並以「感恩過去所有，未來仍是家人」為婚姻結束作解釋，二人似乎係和平分開。

Photo from 黃曉明/Angelababy微博

# 網上瘋傳Baby哭訴被黃曉明拋棄片段？

雖然二人表示會保持家人關係，近日黃曉明已經退出Baby公司大股東嘅身份，似乎係想徹底劃清界線！另外，網上最近正瘋傳Baby嘅一段訪談，佢仲崩潰大喊「是黃曉明不要我了」，直言曾花費心機挽救婚姻「我已經試圖去挽救這個婚姻，但是為了給他體面，我這麼做又委屈，還打動不了他」，言談間可見佢非常珍惜過去嘅婚姻。