女生不滿媽媽逛DIOR被無視隔日重返店舖報仇卻被網民笑指中伏？

Digital Editor

去Shopping被店員無視難免會感到不快。最近，外國一名女生拍片大爆媽媽被DIOR店員無禮對待，於是佢進行昂貴嘅報復行動，帶同媽媽重回店舖，向另一態度良好嘅店員買下多個手袋，女生同時霸氣向觀眾表示：「我會做任何事令我媽媽高興！」

Photo from TikTok @nahtyourbby

女生不滿媽媽逛名店被無視

與一般店舖不同，顧客逛名店都期望被店員關注。海外一名女生（Amjea）在TikTok拍片，表示佢媽媽前一天獨自到意大利羅馬一間DIOR門店購物，豈料被一名店員無視，對方更拒絕向佢展示心儀商品；除此，該店員殷勤地服務另一家庭時，Amjea媽媽卻要一個人站在店內等十分鐘。

Photo from TikTok @nahtyourbby

Amjea立刻安慰媽媽，猜測店員係因為看到佢嘅衣著而瞧不起對方。Amjea明白做售貨員嘅辛酸，但佢直言：「你可以不尊重我，但絕不能對我媽媽不敬。」

Photo from TikTok @nahtyourbby

於是，隔天佢帶同媽媽一起回到店鋪，並點名要另一有禮貌嘅男店員招呼兩人。兩母女亦獲得誠意款待，包括免費咖啡和水。男店員指，佢哋可以先去午膳，再回來取貨。所以二人渡過了一個愉快中午，中間仲有時間逛其他名店。

Photo from TikTok @nahtyourbby

最後，Amjea豪爽地買下男店員推薦嘅所有手袋，包括5300美元（約41500港元）嘅Lady Dior袋、3900美元嘅馬鞍袋（約3.1萬元）等等，戰利品至少有5件，保守估計花了過萬美元。

Photo from TikTok @nahtyourbby

Amjea亦分享了一件趣事，當日兩母女買袋時，早前冷待媽媽嘅店員都在場，走來八卦一下，更用諷刺語氣祝賀服務二人嘅男店員，酸味十足。孝順嘅Amjea在短片結尾表示，只要媽媽開心，佢咩都肯做。

Photo from TikTok @nahtyourbby

影片發布不久便引起熱議，瀏覽次數已超過790萬人次，不少網民都替佢媽媽受冷待感到不值，但亦有人認為Amjea只是另類炫富，而且，大撒金錢到同一間店舖做法亦不明智，「為何讓這家令你不悅嘅店舖賺錢？」，更有人覺得Amjea其實掉進了陷阱：受不著店員嘅「激進法」，繼而用自己金錢進行報復。

Photo from TikTok @nahtyourbby

Amjea留意到事件被傳媒廣泛報道，所以近日都上載新片，澄清自己無心進行任何報復，或意圖令店員被炒，佢目的只想有一個良好購物體驗，以及被有禮店員招待。

Photo from TikTok @nahtyourbby

另外，有網民亦好奇為何Amjea有能力買咁多名牌袋。對此，佢表示自己在一間增長迅速嘅軟體公司Tapcart任職產品銷售經理，年薪達11萬美元（約87萬港元），加上分紅，絕對有能力掃名牌。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel