慧食貓｜$23起！葵廣手抓餅店殺入旺角日賣600件！招牌酥脆腿蛋肉鬆

By Meko on 14 Jun 2022

Reporter/ Anchor

葵芳葵涌廣場人龍店「慧食貓」，殺入旺角開首間分店，8年來首次開分店，新店繼續獨沽一味只賣即叫即製台式手抓餅，吸引食客的除了因為手抓餅足料爆餡外，還有老闆風趣幽默的態度，終於不用到葵芳都歎到招牌手抓餅！

葵廣手抓餅專門店「慧食貓」進駐旺角

在網上搜尋「葵涌廣場美食」，位於1樓的「慧食貓」必定榜上有名，店舖主打台式手抓餅，雖然舖頭位置瑟縮於角落，但粉紅色招牌卻十分搶眼，每次經過必定會看到人龍排隊等候，事關每份手抓餅即叫即整，價錢親民且足料，絕對稱得上是「大件夾抵食」，成功吸引不少人專程跨區來葵廣幫襯。

Photo from PressLogic

店舖原本由老闆一人主理，可惜近年因為老闆身體不適，舖頭營業時間不定，想買到都要靠運氣，不過以後可以多個地方食到了，皆因「慧食貓」進駐旺角開首間分店，旺角店一開業已經有不少捧場客來撐場！

Photo from PressLogic

即叫即製台式手抓餅

手抓餅款式選擇多多，總共有7款固定款式，亦可以選擇自由配搭餡料，包括芝士、豬柳、煙肉、蟹柳、肉鬆、火腿和雞蛋等配料，每份下單後即叫即製，手抓餅煎得香口酥脆，餡料食材雖然簡單但配搭豐富，每份都相當足料，由第一啖到最後一啖都食到餡料，啖啖滿足，開業8年來近乎沒有加價，絕對是「大件夾抵食」。

Photo from PressLogic

眾多口味選擇中，招牌「火腿雞蛋芝士豬柳手抓餅」和「火腿雞蛋肉鬆手抓餅」最受歡迎，前者感覺似手抓餅版的芝士豬柳蛋漢堡，半融芝士配上漢堡扒、蕃茄和生菜等夠惹味；後者火腿和雞蛋煎得香口，配上海量肉鬆，口感層次豐富。

Photo from PressLogic

老闆親民「暴走」態度最出名

慧食貓除了因為手抓餅好食而留得住客人，老闆待客態度亦是一大焦點，落單有固定的一套玩法，首先向老闆口頭下單，老闆便會告知等候時間，客人只需在指定時間回到舖頭等候和付款即可，老闆記性出名好，不少客人笑言每次落單都好似看老闆表演般，基本上熟客的喜好老闆已經瞭如指掌。收錢亦採取自助找續模式，即是枱面已經放滿零錢，只而將錢放枱面再自行找續即可，全程講求信任，正是此方式令老闆深得民心。老闆表明短時間內都會在旺角店坐鎮，新店亦繼續秉承傳統，老闆會如網民所言「記得晒客人食咩唔使落單，啲錢擺喺枱面得啦」，想一睹老闆風采就要到旺角分店了！