葛斯齊直播全紀錄！多位藝人齊上微博熱搜，汪小菲推懷孕9個月大S？

By Jennifer on 01 Jun 2022

Digital Editor

今晚食乜餸：小二，嚟一碟花生！

台灣資深娛記「葛斯齊」直播公開照片鐵證大爆汪小菲婚內偷食，仲指佢推懷孕9個月大S落地令黑人忍唔住出手。另外佢又提到林俊傑緋聞，指自己手持相關證據，佢直播令相關人員全部登上微博熱搜！

葛斯齊斥汪小菲偷食，汪小菲突發微博向大S道歉

早前葛斯齊喺Facebook公開汪小菲疑似喺酒吧同女生擁抱嘅相片，更直指汪小菲婚內偷食，汪小菲雖表示自己飲多咗先會失態，但就否認有偷食，仲強硬表示葛斯齊所言係子虛烏有，已交由律師處理。

葛斯齊亦正面反擊，指手上有大量證據，仲話會開直播公開相片，力斥汪小菲未同大S離婚就同5位女性有關係。而汪小菲喺直播開始前突然於微博發文認錯，表示以後唔會再打擾熙媛生活。有網民發現佢連日嚟發文先係稱呼大S做「S」，之後再發文指大S食藥就用「徐熙媛」稱呼再秒刪貼文，最新嘅道歉文佢又稱大S為「熙媛」，可見佢求和之心十分強烈。

葛斯齊公開3張相力證汪小菲婚內偷食

不過汪小菲道歉未能阻止葛斯齊繼續爆料，佢準時直播，更公開3張照片，相中男主角都係汪小菲，而女主角雖然打咗格但仍睇得出分別係唔同女士。佢哋同汪小菲表現親密，葛斯齊指其中一張雪茄照拍攝地係汪小菲同大S嘅婚房內，同場嘅仲有汪小菲嘅司機，可見佢與相關女子嘅關係並未嚴格保密。

汪小菲推跌懷孕9個月大S？

葛斯齊又指汪小菲同大S曾因產檢之事起爭執，小S勤交時被汪小菲推跌，大S為保護妹妹要求汪小菲道歉，點知汪小菲竟將懷孕9個月嘅大S推落地，當時同場仲有黑人范范夫婦，黑人睇唔過眼出手，而范范亦嚇到尖叫。

汪小菲與大S離婚前新歡張穎穎曾懷孕？

葛斯齊仲暗示汪小菲新歡張穎穎曾有一個小孩，最終無要到但汪小菲就送咗兩層樓同名車畀張穎穎。對於有關爆料，汪小菲僅稱希望呢啲事唔好波及無辜人士，但對偷食、推孕妻等事未有承認或否認。內地傳媒公開疑似張穎穎同汪小菲嘅對話紀錄，張穎穎主動提出唔要小孩，汪小菲話：「老公一定會好好疼愛你的，放心吧！孩子的事情我們好好商量。」而有關對話發生時，汪小菲仲未同大S離婚。

葛斯齊稱手持林俊傑緋聞證據

除咗汪小菲之外，葛斯齊亦表示手上有林俊傑緋聞嘅證據，令「林俊傑套房」超越「汪小菲照片」登上熱搜第一。翻查資料，2016年台灣曾有一位吳姓女子疑與閨蜜因「林」姓男子爭執而輕生，有指「林」姓男子就係歌手林俊傑。

當年報道稱閨蜜發現事主有喺「林」姓男子家中自拍嘅相片，閨蜜更將相片複製帶走，而事主因為被閨蜜冷言冷語傷害，又擔心同「林」姓男子關係曝光，最終選擇走上不歸路。

「林俊傑套房」成為熱搜後，林俊傑經理人公司隨即發聲明回應，不過葛斯齊亦表現冷淡，佢喺Facebook回覆稱：「本來就是事實，也上過新聞，這有什麼好解釋」，另外佢喺直播中又提到曾經相隔3日喺日本酒店遇到迪麗熱巴同鹿晗，令佢哋亦一同登上熱搜。

葛斯齊Facebook回應爆料真相

葛斯齊喺Facebook發文回應林俊傑同鹿晗迪麗熱巴嘅爆料，佢表示無講過熱巴同鹿晗一齊出遊日本，稱佢哋前後差3日，只係咁啱分別巧遇兩人喺同一酒店進出。至於林俊傑，葛斯齊則稱：「那些上過社會版面的事情，我們就交由世人去判斷」，不過喺爆料直播中葛斯齊就指自己仲有影片，下星期同樣時間會再開直播。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

汪小菲稱想念子女，欲飛台灣相見！張穎穎與張蘭現「婆媳不和」？

30 May 2022

汪小菲與大S（徐熙媛）離婚後，兩人都開展新生活。近日汪小菲開直播時就提到有同仔女視像通話，仲話好掛住佢哋想飛去台灣見面！不過佢又大呻台灣一日確診8萬宗新冠肺炎，令佢十分擔心仔女安全。

Photo from 大S微博

大S汪小菲離婚後，一對子女隨母親定居台灣

大S（徐熙媛）宣佈離婚後就極速同韓星具俊曄閃婚，再婚後大S狀態甚佳，更被影到年輕不少！大S前夫汪小菲喺大S再婚後雖表示祝福，但就取消關注前妻，又出言大鬧小S。大S汪小菲離婚，一對仔女跟大S定居台灣，而汪小菲就喺北京居住。

Photo from 具俊曄 IG

Photo from 汪小菲微博

汪小菲曾表明容許仔女留喺台北已經好妥協，又透露自己想要仔女，絕對唔會畀仔女叫一個唔識嘅人做爸爸，佢將微博簡介欄改為「希望玥兒每天都開開心心的」，盡顯慈父之心。

Photo from 汪小菲微博

汪小菲直播指掛念仔女，有意飛台灣見面

早前大S疑似朋友圈對話內容流出，大爆仔仔好唔中意爸爸，更加唔想爸爸去台灣！不過最近汪小菲就開直播表示啱啱同仔女視像通話，又感慨稱好掛住一對子女，透露通話過程十分愉快：「（子女）都想我了。」

Photo from 大S微博

Photo from 微博

汪小菲指台灣一日錄得8萬宗肺炎確診個案，仔女受疫情影響，只能留喺屋企：「受得了嗎？」但佢表示因為防疫政策，如果仔女飛去北京要隔離20幾日，要見面寧願自己飛去台灣：「回來得隔離20多天，算了！還是自己去吧！」

Photo from 微博

提到仔女汪小菲滿臉慈父笑容，提到女兒玥兒已經8歲，佢由細抱到個女大，感歎愛女大得太快。汪小菲直播大晒親子關係，但佢嘅新歡張穎穎同媽媽張蘭之間關係卻似乎變得緊張。

Photo from 微博

Photo from 大S微博

汪小菲同張穎穎酒吧擁抱照曝光

汪小菲同張穎穎緋聞傳咗好耐，但兩人一直都未有承認戀情。即使被影到一齊出門、返家佢哋都無正面回應。近日有台灣資深傳媒人大爆疑似汪小菲同張穎穎嘅合照，仲話係汪小菲離婚前拍攝，直指汪小菲疑婚內偷食。

Photo from 張穎穎小紅書

Photo from 葛斯齊 Facebook

張穎穎曾指唔會揀拋妻棄子男人

緋聞女主角張穎穎就曾多次否認同汪小菲拍拖、同居，又直言唔會選擇拋妻棄子嘅男人：「誰會那麼傻跟這種男人生孩子」，似乎睇唔起男方偷食行為。

Photo from 張穎穎小紅書

Photo from 張穎穎抖音

Photo from 張穎穎小紅書

汪小菲承認自己係照片當事人？

對於攬攬照，汪小菲喺微博回應指2021年2月份已同大S商討離婚嘅事，但佢否認有偷食：「期間因情緒問題的確出現過酒後失態，照片也為朋友所拍，在此向大家道歉。」汪小菲一開始發文有提及「S與我」，但其後重新編輯微博，刪走大S名字。

Photo from 汪小菲微博

汪小菲之後再發微博爆料離婚真相，爆料大S「精神出現狀況」，仲話對方每月要求佢支付100萬台幣藥費！但汪小菲發文後秒刪帖文。大S經理人回應指100萬係兩人商議後汪小菲支付嘅家用。

Photo from 微博

張蘭被揭與張穎穎汪小菲出遊

緋聞傳足幾個月，內地傳媒亦拍過佢哋一齊做PCR、十指緊扣嘅影片，而汪小菲媽媽就喺兒子離婚後多次於直播中提及前兒媳大S，又曾表明只認大S一個新抱，但被揭汪小菲未離婚就已經帶媽媽張蘭同新歡張穎穎出遊，張蘭仲同張穎穎戴同款頸鏈。

Photo from 微博

張蘭直播指唔會容許張穎穎入門？

近日汪小菲同張穎穎多張同行嘅相片曝光，愛談論兒子家事嘅張蘭亦有回應，佢指啲相都係合成照：「這不都是P圖嗎？」更指係記者造新聞。對於張穎穎，張蘭嘅態度亦十分堅決，稱絕對唔會畀張穎穎進汪家家門：「蘭姐在這裡表態了，我不會承認這個兒媳（張穎穎），也不會同意她和汪小菲在一起！」張蘭同張穎穎嘅「婆媳關係」仍然存在暗湧。