珍寶海鮮舫撤離在即突沉船 70年代曾現大火船底藏靈位好詭異？

Digital Editor

位於深灣嘅「珍寶海鮮舫」受疫情影響已停業超過兩年，其營運商「香港仔飲食集團」更在上月宣布，海鮮舫將在6月份撤出香港，不少市民都感到不捨。移離在即，緊連著海鮮舫嘅一艘大船卻突然在昨夜（31日）入水翻沉，幸好事件無造成任何傷亡。

Photo from Jumbo Kingdom FB

珍寶海鮮舫將結束營業

於1976年成立嘅「珍寶海鮮舫」係好多香港人嘅集體回憶，其瑰麗堂皇嘅裝潢令人印象深刻，客人更要乘坐接駁渡輪才可到達海鮮舫，體驗超有特色。

Photo from 《東張西望》截圖

可惜，疫情導致品牌在前年3月開始停業，期間仍要年花約數百萬港元進行維修、檢查和保養。早前，一度有傳海鮮舫將無償贈予海洋公園經營，最後因未能尋獲合適嘅第三方機構營運而告吹。收入與支出嚴重失衡下，公司決定在6月尾將海鮮舫移離香港，結束營業。

Photo from Jumbo Kingdom FB

可是，船隻在昨晚（31日）11時許突然發生事故。一艘連接著海鮮舫嘅大型躉船突然入水傾側。根據網民拍攝嘅現場照可見，船身有數層高，入水後傾塌近90度，載浮載沉。據悉，受影響嘅部分為廚房船，有人推測出事原因與日久失修有關。好彩，救援人員到場後證實無人傷亡或失蹤，隨後交由船主處理。

Photo from Facebook群組《香港漁民-我們都是水上人家》

其實，早於2016年已發生過沉船事故。當年11月，與海鮮舫相連嘅養魚船入水後輕微傾斜，職員需疏散至主船，幸好無釀成傷亡。

Photo from 《東張西望》截圖

1971年，海鮮舫更發生過一場大火。事發當日，海鮮舫正為開業前作最後裝修，但過程卻引起4級大火，火勢迅速蔓延至整艘船，原有裝修全被焚毀，事件造成76人傷亡，當中包括裝修工人及附近漁艇居民。事後，公司因缺乏資金而差點放棄重建，幸得鄭裕彤和何鴻燊等富商集資3千萬才可「重生」。

Photo from ATV

有傳聞指，火災後船部底層放了數十名遇難者嘅靈位，至今仍然存在。亦曾有觀眾在靈異節目上表示曾在船上撞邪。

Photo from 有線新聞

雖然海鮮舫經歷過不少災難，但佢依然喺香港經典地標之一，就連多位國際名人，包括英女皇、荷里活影星Tom Cruise、William Holden等人都曾拜訪船隻。

Photo from 有線新聞

多套電影也曾到海鮮舫取景，例如港產片《食神》、《無間道2》、占士邦電影《鐵金剛大戰金槍客》、和日本電影《信用欺詐師JP：香港浪漫篇》等等，相當架勢。

Photo from 《食神》劇照

亦有很多市民被船中嘅華麗格局，及當中嘅「龍主題」吸引到場打卡。雖然海鮮舫將與我們離別，但相信大家都會將佢銘記於心。

Photo from Jumbo Kingdom FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel