江嘉敏承認不懂得打扮！過往衣著品味屢成焦點，被稱為「時裝災難」代表人物！
現年27歲嘅江嘉敏過往出席大台活動時，經常都被網民批評衣著品味，成為「時裝災難」代表人物之一。最近，佢接受由Do姐（鄭裕玲）所主持嘅電台節目《口水多過浪花》坦承自己唔太識得打扮，所以成日都會選擇咗同身型不相符嘅衣服！
Photo from 江嘉敏IG
江嘉敏回復單身，大晒好身材！
江嘉敏2個月前宣佈與交往4年嘅電競公司高層男友Anthony分手，仲一度暗示男友不忠，而且係因為唔鍾意佢短頭髮look而感情有變？！回復單身嘅佢似乎已經走出情傷陰霾，最近仲上載咗身穿低胸貼身短裙嘅照片，大晒好身材～
Photo from 江嘉敏IG
Photo from 江嘉敏IG
坦承自己並不懂打扮！
然而，江嘉敏過往出席大台公開活動時，衣著品味經常引起網民熱議，仲被選為「時裝災難」嘅人選之一！日前，佢喺接受Do姐電台訪問時亦坦承自己並唔識打扮「我唔識扮靚！如果唔使化妝，我就唔化妝出街，因為我自己化都幾恐怖。」
Photo from 商業電台YouTube
解釋鬧出「時裝車禍」主因！
對於被外界指係「時裝車禍」，江嘉敏解釋「可能件衫係靚，但我又冇諗咁深層次原來件衫唔啱我身形」，指自己唔太知道如何選擇能夠修飾身型嘅衫！隨後，Do姐追問「咁你著咗上身之後，自己都覺得OK嘅？」，而佢就補充「只會見到件衫好靚，冇咩留意整體，將髮型、妝容分開睇」，所以經常都會「惹禍」。
Photo from 江嘉敏IG
過往多數搵朋友幫手襯衫！
江嘉敏表示未來可能真係要搵返造型師幫手，話指過往都係搵朋友幫手，而Do姐亦講笑咁話「咁個朋友係咪絕咗交喇？」；但佢就強調係自己問題「朋友好好，係我個人比較堅持，唔聽佢哋講，淨係覺得件衫好靚！」揚言會努力改變穿衣風格「一定要著前短後長，見到對腳嘅，盡可能遮住上身」，睇嚟非常用心鑽研穿搭～
Photo from 江嘉敏IG
回顧過往公開活動服裝造型！
宜家就等我哋一齊睇返江嘉敏過嘅穿搭啦！其實大部分衣服都係因為太過成熟，與佢年齡並不相符而導致「出事」，加上服裝嘅cutting未能修飾身型，反而令佢顯得有啲臃腫。
Photo from 江嘉敏IG
部份網民覺得短髮造型都幾適合佢，但就覺得呢套全黑嘅服裝對佢而言有啲成熟！
Photo from 江嘉敏IG
黑色露背背心加螢光粉紅色嘅裙，被網民認為顏色配搭唔太襯！
Photo from 江嘉敏IG
喺出席電視劇《食腦喪B》時，單睇服裝造型江嘉敏就非常青春，但髮型就似乎「出咗事」！
Photo from TVB Anywhere (SG MY) @YouTube
最經典嘅莫過於2020年《萬千星輝頒獎禮》中，佢身穿嘅肉色禮服，正面睇都唔算有好大問題；然而當佢行入場嘅時候，由於衣服太貼身，佢身型變得非常圓潤，而鏡頭亦不時影到肚子出現三節肉！
Photo from 江嘉敏IG
Photo from 《萬千星輝頒獎典禮2020》紅地毯直播
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
江嘉敏自爆曾獲圈中人追求！透露6大特徵網民估係呢位小生？
7 May , 2022
Photo from 《月傾會》
被指「是非精」唔開心
江嘉敏喺節目中坦言觀眾對佢嘅印象就係「是非精」，佢表示對此感到少少唔開心，因為佢性格衝動等原因，令外界會關注佢好多新聞，變成「江嘉敏就係等於負面新聞」，反而忽視佢背後付出嘅努力。
Photo from 江嘉敏 IG
與人夫王浩信傳緋聞一度崩潰
江嘉敏又罕有提及2018年拍攝電視劇時，首次擔任第一女主角嘅佢同人夫王浩信傳出緋聞，佢指自己當時應付唔到呢單緋聞，套劇拍到一半佢更衝入監製房間稱佢唔想再拍呢套劇。
Photo from 娛樂新聞台
Photo from 《月傾會》
江嘉敏表示佢唔識點處理呢個是非，令佢情緒幾近崩潰，甚至仲試過話要輕生，佢稱自己當時太年輕，後來張繼聰同監製Joe輪流打畀佢安慰佢拍其實好少事，呢一行個個都經歷過。
Photo from 《月傾會》
同男友Anthony分手喊咗兩個月
林柏希問佢同男友分手嘅事，江嘉敏即露出尷尬笑容，坦言已同電競高層男友Anthony分咗手幾個月，當林柏希問原因係咪真係因為剪咗短髮，江嘉敏就話：「呢個真係要問佢喎！我真係唔知！」
Photo from 江嘉敏 IG
Photo from 《月傾會》
之後林柏希問：「總之你係被分手嘅？」江嘉敏就話佢哋其實無好明確地話分手，但佢稱雙方相處之間存在好多問題，又表示分手喊咗個幾兩個月，因為始終都拍咗拖三、四年，要分開都會有啲傷心。
Photo from 江嘉敏 IG
曾獲圈中人力追：作曲拍MV
江嘉敏稱佢未試過同圈中人拍拖，因為佢覺得自己都係做呢一行，大家傾嘅嘢會好悶、無咩話題。被問到有無男藝人或知名人士其實追過佢，江嘉敏即時大笑，但最後都有爆料。
Photo from 江嘉敏 IG
江嘉敏：「佢（追求者）sweet嘅！佢真係好sweet㗎喎！純粹因為嗰排我未係一個狀態適合拍拖所以我無同佢一齊囉。」江嘉敏表示對方「後生」，作咗一首歌，仲拍埋個MV畀佢。
Photo from 《月傾會》
大爆追求者6大特徵
江嘉敏又透露對方唔係歌手：「佢唔識唱歌嘅」但好有心咁以江嘉敏個名作咗首歌表達心意。江嘉敏稱追求者係演員嚟嘅，又大爆：「係我哋公司嘅。」佢指對方斯斯文文青靚白淨，雖然未做到男主角住，但江嘉敏稱：「努力緊努力緊」
Photo from 《月傾會》
Photo from 《月傾會》
佢仲透露對方「姓氏唔普通」，片段一出即有唔少網民討論、猜測sweet爆追求江嘉敏嘅男藝人真身，合作過又符合「後生」、「演員」、「同公司」、「斯文青靚白淨」、「未做過男主角」、「姓氏特別」6大特徵嘅有：余德丞（當時應未離巢）、許家傑、丁子朗等。
Photo from 丁子朗 IG
但有網民稱江嘉敏無話過追求者曾經同佢合作，所以又提出其他「人選」，有人提到翟威廉。
Photo from LIHKG
Photo from 翟威廉 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
