鏡粉前夫不滿MIRROR演唱會安排，宣佈將永久關閉關注組：當鏡粉係ATM係水魚

MIRROR人氣極高，有網友因為老婆熱愛MIRROR而喺Facebook開設「我老婆嫁左比Mirror導致婚姻破裂關注組」，不過Admin卻指對是次Mirror演唱會嘅安排感到極度不滿，並宣佈將會於演唱會後永久關閉群組，引起熱議！

Photo from MIRROR IG

MIRROR紅館演唱會購票安排惹鏡粉MIRO不滿

「我老婆嫁左比Mirror導致婚姻破裂關注組」（下稱「鏡粉前夫群」）好多成員嘅另一半都係鏡粉，而前夫們亦因此喺群組訴苦，目前鏡粉前夫群有逾35.5 萬位成員，絕對係一大鏡粉集中地！

Photo from 「我老婆嫁左比Mirror導致婚姻破裂關注組」

早前MIRROR宣佈舉辦紅館演唱會，一眾鏡粉MIRO努力撲飛不果，眼見一票難求，黃牛飛炒到幾十萬，主辦再加開兩場MIRO特別場，並以實名制賣飛。不過到MIRO特別場開賣當日，網站運行仍然十分緩慢，成功購票嘅MIRO仍然屈指可數，令大批鏡粉十分不滿！

Photo from MIRROR IG

Photo from MIRROR IG

「鏡粉前夫群」谷主RC宣佈將永久關閉「我老婆嫁左比Mirror導致婚姻破裂關注組」

主辦再宣佈推出演唱會網上直播，務求令MIRO可以參與MIRROR嘅演唱會。而曾經上過《晚吹》嘅「鏡粉前夫群」谷主RC就無預警突然宣佈將永久關閉群組。

Photo from MIRROR IG

Photo from 《晚吹》

佢指出喺開設群組一年嚟MIRROR代言、出席活動、推新歌都有好多鏡粉落力支持，MIRROR出道首個紅館演唱會雖然預咗會難買飛，但佢表示：「一睇個floor plan，喂黑洞咁嘅樣嘅？」

Photo from MIRROR IG

Admin直言主辦單位自己做黃牛：當鏡粉係ATM係水魚

Admin又形容好似湊大兒子準備去睇佢畢業典禮，竟然仲要唔知買唔買到飛，又直斥主辦乘機要鏡粉幫襯贊助商先攞到飛：「你當鏡粉係ATM係水魚。錢係要賺，但食相唔係咁難睇掛？！」

Photo from MIRROR IG

Admin指：「你地係咪真係以為d鏡粉個個都幾億身家？我地成日鬧黃牛，你地就自己做大黃牛」，佢表示今次MIRROR演唱會實有人睇，下次就唔知嚕。

Photo from 「我老婆嫁左比Mirror導致婚姻破裂關注組」

網民評論兩極

貼文掀起網民關注，現已吸逾4.1萬個like！好多鏡粉前夫表示同意，指對主辦方十分失望：「講出我哋心聲！」但亦有表示對Admin要喺演唱會之後先關閉群組嘅決定十分不解：「咁不滿點解唔即刻閂咗個group佢？！」

Photo from MIRROR IG

Photo from 「我老婆嫁左比Mirror導致婚姻破裂關注組」

Photo from 「我老婆嫁左比Mirror導致婚姻破裂關注組」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

《晚吹》老婆嫁MIRROR組谷主現真身！大爆「前妻」追星秘密 有老婆嬲到唔返屋企?!

16 Jul 2021

ViuTV節目《晚吹-又要威又要戴頭盔》昨晚（15日）邀嚟近期熱爆嘅「我老婆嫁左比Mirror導致婚姻破裂關注組」（下稱「MIRROR苦主群」）成員。佢哋大談創谷理由，「前妻」們嘅追星行為、MIRROR為佢哋帶嚟嘅影響等，部分「前夫」更勇到除頭盔自爆真身！

Photo from MIRROR FB

昨晚，「MIRROR苦主群」嘅五位成員現身《晚吹》，佢哋同另一半拍拖或已結婚嘅時間由1年至6年都有。由於佢哋伴侶現時係MIRROR成員嘅狂迷，所以佢哋慘被主持林二汶及余迪偉稱為「前夫」。

Photo from 晚吹 ViuTV

對群組嘅誕生起源，谷住RC解釋，伴侶早前開始有「異常」，食飯行路都不停談論姜濤粉絲群嘅事宜，又突然增長了不少相片印刷知識。由於其姐妹都係鏡粉，令RC靈機一觸，估計佢哋嘅另一半都好似自己咁，累積了好多日常趣事，從而驅使佢開設一個分享空間。

Photo from 我老婆嫁左比Mirror導致婚姻破裂關注組

早前已有不少瘋狂趣事被瘋傳，例如有「前夫」同伴侶去Staycation，將大批婚照中嘅自己改成Anson Lo樣子，雖然佢被部分男士批評「做爛市」，但佢指，「最終出發點都係投其所好，想佢開心。」

Photo from 晚吹 ViuTV

亦有「前夫」伴侶喜愛MIRROR成員Jeremy（李駿傑），於是，佢老婆為了幫Jeremy嘅歌曲《夢言》刷點擊，連續18小時用5部電話及iPad狂播歌不特止，更攞埋數隻卡通公仔出嚟「扮觀眾」。

Photo from 晚吹 ViuTV

另一苦主嘅伴侶同為Jeremy粉絲，苦主某日於Jeremy代言首飾帖文下留言：「情況不妙，李生你可否不讓我老婆見到」，之後竟獲Jeremy親自回覆：「祝你好運，Good luck~」

Photo from Jeremy Lee 李駿傑 IG

苦主之後更「唔識死」向老婆炫耀此事，於是老婆嬲爆回應：「睬你呢個傻佬都唔睬下我！」，老婆當晚更谷氣到無返屋企瞓。

Photo from 晚吹 ViuTV

節目後段，3位「前夫」更勇爆除下頭盔，自爆真樣之餘繼續爆老婆秘密，包括谷主RC，佢透露，喺錄影前一晚揭發老婆偷偷將姜濤嘅應援物放入衣櫃。另外，有網民認為呢位「苦主」即使戴咗口罩，睇落都幾靚仔~

Photo from 姜濤FB

Photo from 晚吹 ViuTV

雖然係咁，但其實MIRROR都為佢哋帶嚟唔少好處，有「前夫」認為老婆追星後感覺「後生咗」，又可以增長明星知識。最後，一眾苦主勸谷友「多啲包融」、「記得尊重另一半喜好」、「頂唔順就坦白講」及「珍惜生命」。

Photo from 晚吹 ViuTV

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）