港男訂酒店準備求婚，佈置房間慘被職員清走！酒店後續安排惹不滿

時事熱話

By Jennifer on 03 Jun 2022

Digital Editor

今晚食乜餸：小二，嚟一碟花生！

唔少人會訂酒店Staycation，佈置房間準備向心愛嘅人求婚，但酒店如果唔好好配合，隨時驚喜變驚嚇！有網民喺Facebook群組「香港Staycation酒店交流谷」發文，分享一件令佢求婚夜慘變傷心夜嘅事。

Photo from 《金都》劇照

港男book staycation準備向女友求婚

網民（下稱事主）表示佢原先同未婚妻book咗一間位於中環嘅酒店Staycation為未婚妻慶祝生日，而佢打算喺入住當日向未婚妻求婚，於是特意book早一日，等佢可以提前佈置房間，畀未婚妻一個驚喜。

Photo from 《假面酒店》劇照

事前事主早已同酒店方商量好，酒店亦表示可以協助佢與求婚有關嘅安排，佢佈置好酒店房後再三咁同酒店職員夾好，佢指：「明天會扮入住，亦提醒佢地（酒店職員）唔好入間房亦唔好掂啲佈置，我仲放好求婚花束係窗邊」，佢表示離開時酒店職員亦無做checkout。

Photo from 《我的ID是江南美人》劇照

房間佈置一夜消失！職員唔知港男求婚安排？

但點知佢同未婚妻到達酒店房間時求婚驚喜卻慘變驚嚇！事主稱佢與未婚妻扮checkin然後上房，佢更準備好用眼罩蒙住未婚妻打算畀個驚喜佢：「我想像嘅畫面原本係我開好哂啲佈置咗嘅燈飾、手攞花束跪好向佢求婚...但當我開門嘅一刻...結果係我受到極大既驚嚇」

Photo from 《社內相親》劇照

事主指開門見到房內有一個house keeping職員，而佢準備好嘅所有佈置都無哂，當刻事主完全反應唔到，房內職員仲反問：「點解會checkin，唔係話間房未準備好？」事主表示佢同未婚妻起碼1600～1630先checkin，以正常checkin 時間1500嚟計，無可能未準備好間房，亦唔明點解會仲有職員喺房。

Photo from 《德魯納酒店》劇照

佈置全部被扔掉，僅留下求婚花束

事主一番心機全部無晒，佢即時追問房內house keeping職員點解間房會清哂啲嘢，但對方直言「唔清楚」，又話無人通知佢間房有咩特別。事主再打落前台，職員亦表示唔知點解會咁，並聲稱佢哋有交代房間求婚用途。

Photo from Facebook群組「香港Staycation酒店交流谷」

Photo from 《三流之路》劇照

事主未婚妻知道事件後亦加入追問職員佈置同花去哂邊，對方回答：「已經掉哂」，再檢查後職員表示可以執返紮花畀佢哋，未婚妻攬住紮原本用嚟求婚嘅花，忍唔住傷心到喊。

Photo from Facebook群組「香港Staycation酒店交流谷」

Photo from 《愛的迫降》劇照

酒店事後處理未令事主滿意

事主指雖然當晚有酒店經理聯絡佢道歉，亦表示是次事件係酒店方全部責任，但只能夠賠償花及佈置物品嘅費用，同埋酒店房費。但事主稱成件事連24小時都未過就匆匆close咗case：「呢件事對我同未婚妻嚟講真係一件唔想再回憶嘅事，因為酒店嘅失誤錯失咗求婚嘅驚喜同快樂，就算酒店願意賠償物件上嘅費用，但錯過咗嘅時光、我嘅心血....好多好多都無辦法用金錢去賠償」