葛斯齊與汪小菲已暫時達成「和解」！大爆林依晨「破壞行規」事件！張蘭護子心切反罵網民
台灣資深娛記葛斯齊連日來都大爆大S前夫汪小菲婚內偷食嘅證據，仲指對象唔止一位，引起大眾嘩言！而汪小菲嘅媽媽張蘭亦繼續直播帶貨，愛子心切，反駁網民評論。不過，葛斯齊同時亦有爆其他藝人嘅料，今次被爆料嘅竟然係女神林依晨？！
Photo from 汪小菲微博
台灣娛樂記者大爆汪小菲與張穎穎關係！
早前，台灣娛樂記者葛斯齊於直播期間大爆汪小菲婚內偷食，仲暗示佢與新歡張穎穎曾經有過BB，而汪小菲亦送2層樓及名車俾女方，令佢形象一夜盡毀！
Photo from 葛斯齊直播
Photo from 張穎穎微博
張蘭繼續開直播，反駁網民！
雖然汪小菲嘅感情生活備受熱議，但佢媽媽張蘭就依然繼續直播帶貨，精神狀態都幾好，並非如汪小菲所講咁。而佢直播期間仲忍唔住反罵網民亂講嘢「都不如聽話的一隻狗」，似乎十分相信兒子！
Photo from 微博
Photo from 微博
葛斯齊與汪小菲達成「和解」？！
根據台灣媒體報導，葛斯齊暫時同汪小菲達成「和解」！而促成和解嘅幕後人物就係S媽，由於葛斯齊顧及到大S一家人以及小孩，並強調「我的用意是告訴大家真相，不是靠消費你們賺錢。」將會觀察汪小菲近期表現，揚言手上尚有勁爆證據！
Photo from 葛斯齊FB
Photo from 汪小菲微博
爆料對象變林依晨？！
現時葛斯齊已經同內地快手直播平台簽合約，將會不定期爆料藝人們嘅真實面貌，而近日佢所爆料嘅對象就係台灣「零負評女神」林依晨！
Photo from 葛斯齊FB
當年葛斯齊成功獲得第一手消息
據悉，當年26歲嘅林依晨因為動腦瘤手術而秘密進院，而佢係第一位查到此消息嘅記者，不過求證對方經紀人時卻遭到否認。不過佢依然到達醫院追查，並成功見到林依晨本人，但並冇獲得回覆！
Photo from 林依晨IG
但林依晨一方將消息透露給其他報刊！
其後，葛斯齊嘅報刊亦有刊登相關新聞，版面就比較小。但原來林依晨嘅經紀人將手術消息透露俾其他報刊，仲變成頭版新聞，令佢深感不滿直指林依晨「破壞行規」，竟然將二手消息曝光俾其他媒體，勸喻對方「不要隨便惹怒記者」！
Photo from 林依晨IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
葛斯齊再爆證據，張穎穎正印上身食住汪小菲！汪小菲被狂鬧認低威
3 Jun , 2022
葛斯齊爆汪小菲曾與張穎穎有BB
葛斯齊之前公開咗汪小菲同唔同女性嘅親密照，踢爆佢未同大S離婚親已經多次偷食。葛斯齊又指汪小菲曾推跌懷孕9個月嘅大S，令黑人都睇唔過眼出手。佢仲暗示汪小菲與新歡張穎穎曾經有BB。
其後有內地傳媒公開疑似張穎穎同汪小菲嘅對話紀錄，張穎穎主動提出唔要BB，汪小菲極力挽留，承諾：「老公一定會好好疼愛你的，放心吧！孩子的事情我們好好商量。」而根據對話，截圖方明顯係張穎穎，有網民質疑張穎穎主動向傳媒爆料。
汪小菲送張穎穎2層樓、豪車
葛斯齊爆料之路未見停止，佢再開直播但稱因「技術問題」，改為上傳影片。佢公開幾張對話cap圖，張穎穎向汪小菲表示想買樓同車畀媽媽，之後又表示「倆套打通」，汪小菲完全無托手踭，豪爽回應：「買，老公給買，孝順我丈母娘」，但當時佢仲未離婚，正牌丈母娘應該係大S媽媽先啱。
張穎穎更順便幫父母買兩個車位、又問汪小菲攞550萬人民幣：「沒問題的話，用你的卡順便把貸款還了」，汪小菲肉麻回覆：「寶寶想怎樣，就怎樣」，盡顯愛「第三者」之情。
張穎穎於好友群狂鬧汪小菲，汪小菲完全「被食住」
葛斯齊再公開張穎穎同汪小菲於一個11人群組內嗌交過程，原來張穎穎疑不滿汪小菲同其他女人來往，於是刪除汪小菲好友，汪小菲搵唔到張穎穎，唯有去好友群與張穎穎對話。
張穎穎情緒十分激動，狂鬧汪小菲，當中更夾離粗言，直指同咗汪小菲一齊之後自己傷身體、傷心難過，而汪小菲就一直認錯，又解釋只係打高爾夫球時同兩個女生食飯。
但張穎穎不依不饒，汪小菲終於喺好友面前向張穎穎認低威：「我當著所有我愛的、希望我好的朋友，我這輩子再也不和任何不認識嘅女人聯繫了」，務求氹返張穎穎。
再有新歡「小禹」出現？
葛斯齊指汪小菲曾經轉帳8萬人民幣畀一個叫「小禹」嘅女生，更公開小禹真容以及汪小菲嘅轉帳單，小禹更承認收過汪小菲錢，但就表示係「純友情來往」。
汪小菲之前曾稱會放棄追究葛斯齊，呢件事爆出後，外界基本認定汪小菲婚內偷食，密會對象雖然眾多，但張穎穎似乎係唯一「成功上位」嘅女性。有網友指張穎穎極有可能有爆料人，佢唔止從汪小菲到獲得北京兩層樓、價值200萬豪車、現金轉帳等，而且汪小菲每次都被佢鬧又唔敢駁嘴，做第三者做到好似正印咁！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
