DJ Soda機場再出事！IG急發文求救：遺失行李，登台前無晒搵食工具好崩潰

南韓DJ Soda（黃素熙）憑甜美外貌加上火辣身材廣受歡迎，經常受邀到世界各地演出嘅佢，早前在機場因穿著「粗口褲」為被趕下飛機。日前，佢又在機場出事，今次竟然遺失了托運行李，令翌日就要登台嘅Soda非常緊張！

Photo from Instagram @deejaysoda

DJ Soda機場再出事

在全球擁有不少粉絲嘅DJ Soda日前在IG上載一段影片，展示自己蹲在行李輸送帶前，表情鬱悶。佢在帖文分別以英語和韓文求救，表示自己將要在德國演出，但行李卻被當地一間航空公司弄丟。

Photo from Instagram @deejaysoda

唔見行李好大鑊

由於表演用嘅USB、耳機、化妝品和服飾都全在行李箱內，所以Soda非常焦慮。佢向一眾網民請教，如何在深夜嘅德國裡購買上述物品。更差嘅係，因為翌日係德國假期，所以更難搵到還營業嘅店舖。佢又指，自己因此已缺席了一場音樂節，及其他重要會議。

Photo from Instagram @deejaysoda

感謝德國朋友身出援手

幸好，Soda好快就得到很多德國朋友幫助。佢上載了新帖文，感謝各位伸出援手，令佢可以渡過今次難關，又承諾必定會賣力演出，約定各位粉絲跟佢在下場表演見面。

Photo from Instagram @deejaysoda

Photo from Instagram @deejaysoda

早前因「粗口褲子」被趕落機

DJ Soda近期真係非常黑仔，早前佢穿著印有英語粗口嘅長褲乘搭美國航班時，突然被職員拿起行李趕下飛機，原因係其褲子令人不悅。由於Soda需要趕行程，所以佢唯有當眾脫下長褲，請求職員讓佢乘搭飛機。豈料，職員不單多番拒絕，更嘲諷佢應該上機前就除褲。最後，Soda要反穿褲子才成功返回飛機，繼續行程。

Photo from Twitter @dj_soda_

Photo from Twitter @dj_soda_

事件令Soda深感侮辱，亦決定要抵制該航空公司。另外，佢當日穿著嘅褲子係由品牌贊助，品牌都與Soda站在同一陣線，很快便轉發了帖文，並加上兩個中指emoji表達對航空公司不滿。

Photo from Twitter @RIPNDIP

相關文章：李根大尉醫院療傷照曝光 將返韓國養傷 望復原後重回烏克蘭作戰

相關文章：何超欣唔見回鄉證被逼瞓機場！何猷君遇類似情況被認出即獲處理

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）