台灣直播網紅高價賣原味鞋，被轟當粉絲水魚有苦衷：被煩了三個月

By Moon Lam on 08 Jun 2022

Digital Content Writer

開水小姐（謝似餘）係台灣遊戲直播主，曾經以歌手身分出過4張專輯，最近因以高價賣自己著過嘅「原味鞋」而被網友轟「唔好當粉絲水魚」。開水小姐事後亦公開回應。

Photo from IG @misswater1119

開水小姐一直有係台灣買賣平台售賣二手衣物，多數只係著過一兩次，而且都有洗過先寄出。

Photo from 蝦皮購物開水小姐二手衣物

但日前係網誌上販售自己一對著過嘅「原味」舊鞋，帖文標題仲寫：「那個有人堅持要買被我蹂躪了好幾年的二手鞋」，然而開價8888台幣（約2360港幣）。估唔到販售文意外引起台灣網友討論！仲有網友私下傳訊比佢，話佢好唔好意思，有得賣就偷笑，仲要開咁貴嘅價，仲叫佢唔好當自己嘅粉絲係水魚。及後開水小姐亦係社交平台公開回應，表示「為什麼要不好意思！」，佢話自己因為被人糾纏咗三個月先出此下策，更反擊對方「不用逼我成就別人的癖好」。

Photo from IG @misswater1119

Photo from Facebook 開水小姐

佢亦公開其他買家同佢嘅私訊對話，有人向佢開價1000台幣（約260港幣），並不斷拜託佢，表示可以買更加污糟嘅鞋，甚至話：「求求你，我真的很想要」。開水小姐就公開回應：「不可以！」。

Photo from Facebook 開水小姐

二手鞋引起台灣媒體同大量網民關注，該位網友仍然苦苦哀求真係好想要，可唔可以1000台幣，開水小姐亦直接回應「不要！」，更馬上將舊鞋下架，畢竟日日都要著，買新鞋好麻煩。而且話之後只會賣狀況良好、乾淨嘅二手鞋，歡迎女生購買。而舊鞋下架後開水小姐亦係社交平台笑稱呢件事做「髒布鞋之亂」，總結同公開自己嘅睇法。