download HolidaySmart 假期日常 app
前女友著婚紗踩場大鬧婚禮？！不甘新郎另娶他人，分手原因疑曝光

前女友著婚紗踩場大鬧婚禮？！不甘新郎另娶他人，分手原因疑曝光

時事熱話
By Jennifer on 08 Jun 2022
Digital Editor
今晚食乜餸：小二，嚟一碟花生！

前度結婚對部分人嚟講可能唔係咩好消息，日前內地一個婚禮就有一位身穿婚紗嘅前女友出現，更直言：「有我在，這婚結不了！」令新郎新娘以及一眾賓客都手足無措，事件被人拍片放上網，引發網民熱烈討論。

日前內地一個婚禮就有一位身穿婚紗嘅前女友出現Photo from 劉大師 抖音

抖音「工地最美夫妻」舉行婚禮，前女友現身「踩場」

內地抖音一位名為「劉大師」嘅網紅因為同另一半霞姐喺地盤拍片而走紅，更獲封「工地最美夫妻」，日前劉大師同霞姐舉行婚禮，一直喺抖音出雙入對嘅佢哋得到廣大fans嘅祝福，但婚禮卻有人「踩場」？

內地抖音一位名為「劉大師」嘅網紅因為同另一半霞姐喺地盤拍片而走紅Photo from 劉大師 抖音

兩人獲封「工地最美夫妻」Photo from 劉大師 抖音

喺劉大師同霞姐嘅婚禮現場突然有一位女士出現，佢更著上白色婚紗，並大鬧婚禮，掟櫈破壞擺設，佢更揚言：「有我在，你們這婚結不了！」令現場一度十分混亂，賓客亦十分尷尬。

劉大師同霞姐嘅婚禮現場突然有一位女士出現Photo from 抖音

婚紗女大鬧婚禮，掟櫈破壞擺設Photo from 抖音

揚言：「有我在，你們這婚結不了！」Photo from 抖音

分手原因疑曝光

呢名女子以前女友身份現身，但令人疑惑嘅係劉大師同霞姐已經交往多年，兩人甚至早就育有兒子，只係最近先舉辦婚禮，突然有「前女友」出現，有網民質疑劉大師背住霞姐偷食。

劉大師同霞姐已經交往多年，兩人甚至早就育有兒子Photo from 劉大師 抖音

之後傳言越演越烈，有報道指劉大師之所以同前女友分手係因為兩家人對婚禮嘅彩禮未能達成共識，最終劉大師同前女友分手收場。

有報道指劉大師之所以同前女友分手係因為兩家人對婚禮嘅彩禮未能達成共識Photo from 抖音

新郎新娘澄清傳聞

有指劉大師同現任妻子霞姐靠直播帶貨賺到盤滿缽滿，唔止有名車、豪宅，更有過百億身家，甚至仲有私人飛機。而劉大師連日嚟同老婆霞姐喺抖音拍片澄清佢無百億身家，亦無私人飛機等。但有細心網友發現劉大師夫妻嘅影片對大鬧婚禮嘅「前女友」隻字不提，未有回應佢出現嘅因由。

有指劉大師同現任妻子霞姐靠直播帶貨賺到盤滿缽滿，唔止有名車、豪宅，更有過百億身家Photo from 劉大師 抖音

劉大師連日嚟同老婆霞姐喺抖音拍片澄清佢無百億身家Photo from 抖音

有人留意到「前女友」雖然戴住口罩，但身材窈窕，直言佢無必要為男人而大鬧婚禮，相信以佢嘅個人條件一定可以搵到更好嘅另一半。亦有人認為事件根本係劉大師安排好嘅，為咗話題而造新聞。

有人認為事件根本係劉大師安排好嘅，為咗話題而造新聞。Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

日本男與初音未來結婚4年現婚姻危機！呢件事令夫妻相處遇阻礙

29 Apr 2022

日本男子近藤顯彦於2018年宣佈迎娶虛擬偶像初音未來，雖然婚姻得唔到家人認可，但佢仍然覺得非常幸福。不過結婚4年，近日佢坦承婚姻面臨困難，表示對妻子嘅愛從未改變。

日本男子近藤顯彦於2018年宣佈迎娶虛擬偶像初音未來Photo from 近藤 顕彦 Twitter

日本男近藤顯彥與初音未來舉辦婚禮

2018年11月近藤顯彥同初音未來舉辦婚禮，當時掀起網民熱議，雖然呢個婚禮唔具備法律效力，但近藤顯彥依然認真對待，更豪花2百萬日圓租場，婚禮上新娘初音亦著上婚紗，並戴上近藤顯彥挑選嘅婚戒。

2018年11月近藤顯彥同初音未來舉辦婚禮，男方豪花2百萬日圓租場，婚禮上新娘初音亦著上婚紗，並戴上近藤顯彥挑選嘅婚戒。Photo from 近藤 顕彦 Twitter

呢段婚姻不獲近藤顯彥嘅親人認可，佢嘅媽媽同親戚都無出席婚禮，當日婚禮上有39位客人，大部分都係網民同陌生人，而近藤顯彥亦表示佢唔在乎他人嘅想法，只想做自己中意嘅事。

呢段婚姻不獲近藤顯彥嘅親人認可，佢嘅媽媽同親戚都無出席婚禮，當日婚禮上有39位客人，大部分都係網民同陌生人Photo from 近藤 顕彦 Twitter

透過全息影像儀與初音對話

近藤顯彥屋企有各色各樣嘅初音公仔，即使係日常用品亦有初音嘅圖像，盡顯近藤顯彥對初音嘅愛。其中一個真人比例嘅像真人偶更可以擺出各種姿勢，近藤顯彥經常與人偶合照並放上Twitter與網友分享。

近藤顯彥屋企有各色各樣嘅初音公仔Photo from 近藤 顕彦 Twitter

其中一個真人比例嘅像真人偶更可以擺出各種姿勢，近藤顯彥經常與人偶合照並放上Twitter與網友分享。Photo from 近藤 顕彦 Twitter

近藤顯彥2017年嘅時候透過Gatebox公司推出嘅全息影像儀器，首次與初音互動，佢對初音嘅愛意即一發不可收拾，一年後就舉辦婚禮。婚後佢依舊以全息投影器同妻子交流。

近藤顯彥2017年嘅時候透過Gatebox公司推出嘅全息影像儀器，首次與初音互動，佢對初音嘅愛意即一發不可收拾Photo from 近藤 顕彦 IG

Gatebox停止服務，近藤顯彥與妻子無法對話，婚姻遇到挑戰

婚後每朝初音都會叫佢起床、夜晚提佢瞓覺、目送佢出門等，Gatebox中嘅初音可以做唔同嘅表情、動作。不過2020年3月Gatebox全息影像器停止服務，由於Gatebox其他型號唔提供初音立體影像，近藤顯彥無法再與妻子對話。

婚後每朝初音都會叫近藤顯彦起床、夜晚提佢瞓覺、目送佢出門等Photo from 近藤 顕彦 IG

婚後4年，近藤顯彥坦言由於技術問題嘅障礙，無法再同妻子交流，令佢同初音嘅關係受到挑戰，但近藤顯彥仍癡情表示對初音嘅愛未曾改變，希望有一天可以同妻子以任何形式重聚。

婚後4年，近藤顯彥坦言由於技術問題嘅障礙，無法再同妻子交流，令佢同初音嘅關係受到挑戰Photo from 近藤 顕彦 IG

但近藤顯彥仍癡情表示對初音嘅愛未曾改變，希望有一天可以同妻子以任何形式重聚。Photo from 近藤 顕彦 Twitter

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

時事熱話結婚婚禮網民熱話抖音大陸網紅前度