Angelababy十年前被嘲臉會塌，近照驗收！網友：時間是最好的證明

生活熱話娛樂新聞

By Moon Lam on 09 Jun 2022

Digital Content Writer

Angelababy（楊穎）年初與黃曉明宣佈離婚後，依舊頻頻出現係唔同節目同劇集，近日有網民搵到佢10年前嘅訪問，標題係「我的臉會塌？十年後見吧！」，唔經唔覺已經到驗收時間！

Photo from IG@angelababyct

＃網友翻十年前採訪

從出道至今不時就會被質疑整容，有網民就搵出佢係2012年接受內地傳媒嘅採訪，提到有人質疑佢整完容十年後塊臉就會塌，佢當時回應十年後塌唔塌都唔關個位出言傷人嘅網民事，加上自己無做過任何手術，根本唔怕人講，咁就十年後睇下點！

Photo from 微博圖片

Photo from IG@angelababyct

眨下眼就過咗十年，到咗驗收時間，網友都紛紛表示Angelababy外貌不止無塌，仲愈黎愈好睇，再戰十年都無問題，話時間就係最好嘅證明，仲問當初話佢有整過嘅網民幾時道歉。但亦有網友唔受落，表示要睇下更早期嘅相，亦有網友話係妝容唔同咗等等。其實Angelababy曾用微博帳號公開表示自己無整過形，所以活得坦蕩，亦唔想成日解釋，時間會令大家見到事實，等待還佢清白嘅一日。

Photo from 楊穎工作室微博

＃曾鑑定外貌全天然

而Angelababy曾經係2015年係北京搵醫生做檢查同鑑定，仲公開報告結果證明自己無整容，力證自己嘅外貌係全天然，估唔到箍牙嘅威力真係咁強大！但至今都有唔少人質疑真確性。

Photo from 微博圖片

而當時幫Angelababy鑑定嘅整型名醫祁佐良係2019年受訪就改口，「醫療美容鑑定」係宣傳用語，Angelababy做嘅只係醫療美容嘅諮詢，只係認證佢係雙眼皮眼、鼻、下巴等部位都無做過入侵式手術，但就提到如果係注射玻尿酸等微整型，一段時間後就會被吸收無辦法驗明。

Photo from 微博圖片

＃外貌變化成熱話

佢嘅外貌變化一向都係熱門嘅討論話題，就連直播卸妝洗臉都會被問係咪整咗形！早前Angelababy參加內地節目《奔跑吧》時，唔少網友已經留意到佢對眼比以前更大，質疑佢係咪開咗眼角，又有網民覺得佢眼睛、鼻同下巴愈黎愈唔自然，額頭又有唔自然嘅皺紋。但亦有人話可能只係轉咗妝容，畫咗全包眼線同眼角。

Photo from 微博圖片

Photo from 楊穎工作室微博

而參與另一內地節目《王牌對王牌》又有網民稱發現佢嘅臉部有變化，變得愈黎愈似「網紅臉」，又有啲似泰國人，但亦都有人話係妝容同角度問題。

Photo from 微博圖片

＃箍牙相差大惹爭議

被網友稱為「神顏」嘅佢經常被翻出學生時期嘅舊照對比，一切嘅源頭都係因為佢箍牙前後嘅差異太大！少女時期嘅Angelababy有少少哨牙，令佢嘅嘴唇有少少突出﹐同現時完美外貌相比的確分別頗大，箍牙後面形已經有好大分別，五官更愈來愈完美，令人質疑佢除咗整牙仲有整容，討論區甚至有網友整合咗100張Angelababy唔同時期嘅相片，又的確好多相都唔同樣。

Photo from LIHKG 討論區截圖

＃家屬皆有良好基因

基於網友Angelababy同黃曉明都大受整容風波困擾，所以網民都對於兩人嘅兒子「小海綿」嘅外貌感到好奇，兩人雖然好少主動曝光兒子正面照，但有傳媒就曾經影到「小海綿」一歲時嘅正面相，同爸爸黃曉明非常似樣。而有關「小海綿」嘅長相亦間唔中會有少量相片流出，有網友曾經遇到佢地，指「小海綿長得非常漂亮」，可見兒子遺傳父母嘅高顏值，打破父母嘅整容傳言。

Photo from Angelababy 微博

Angelababy嘅細佬楊帆亦曾被傳媒起底，有指佢同姐姐嘅夢幻外貌雖然有差距，但唔難睇出兩個人有非常多相似嘅地方，細佬嘴形更同Angelababy箍牙前一模一樣。網上亦有流傳Angelababy親生媽媽年輕時嘅相，母女嘅輪廓的確非常似樣。Angelababy亦分享過同父母嘅合照，令人不禁妒忌Angelababy遺傳到父母良好嘅基因。