IG打卡甜品推介優惠合集！$109起歎流心麻糬甜品/奶蓋卷蛋/法式可麗露

近年，唔少人都會光顧網店，安在家中物色生日蛋糕或散水餅。今次，小編就為大家推介多間質素有保證嘅IG甜品店，款式超多元，包括流心麻糬曲奇、爆Cream瑞士卷、牛角包窩夫等等，必有一款啱心水！以下就即刻睇下優惠詳情啦！

#Kiuki sweet手工麻糬三文治組合／野餐甜品組合

KiuKi Sweet以純手工製作，選用最優質食材，保證低糖低油，口感輕柔細緻又具蓬鬆感，仲係用新西蘭進口嘅頂級忌廉，完全唔怕膩！麻糬三文治組合低至$140享4件三文治，斑斕椰子同黑芝麻口味各二！

而野餐甜品組合就以$268優惠價，可享香草籽牛乳焦糖奶涷、血糯米乳酪Kroffle、伯爵茶粒粒海鹽焦糖盒子同斑斕輕芝士芋泥盒子各兩件，仲有兩支百香果果茶呀，真係野餐必備！>>>按此預訂

#Bakeabreak人氣甜品套裝

Bakeabreak推出超值甜品套裝，14款人氣原創口味甜品任君選擇，仲可以揀係旺角或荔枝角自取！佢地嘅口味非常特別，有爆炸糖同手工綿花糖味馬卡龍、開心果醬味馬卡龍，仲有花瓣同熱帶水果，佛手柑調合而成，內餡是Valrhona 70%巧克力嘅伯爵茶巧克力瑪德蓮！睇到已經流哂口水，最平既套裝更只需$78，送比人唔失禮，自己食更開心呀！>>>按此預訂

#人氣爆漿毛巾卷

Mojiva主打多款奪目毛巾卷，及奶凍卷蛋糕。前者口味有：抹茶麻糬味、海鹽焦糖鐵觀音味、抹茶豆乳奶凍味、及超人氣粒粒花生朱古力麻糬。

而奶凍卷則有士多啤梨乳酪味、及藍莓乳酪味。全部打卡一流之餘，更集齊了蛋糕中最邪惡元素，一切即爆漿！>>>按此預訂

#散水餅必勝之選！精緻迷你蛋糕撻

Bagel n Cakes嘅招牌迷你套裝，雲集了4款不同口味嘅蛋糕及撻，包括：外型似Tiramisu嘅手沖咖啡撻、入口微微回甘，同時有清新果味嘅柚子宇治抺茶開心果撻、味道與口感新奇嘅薑檸蜜芝士蛋糕、以及超香脆嘅香蕉牛奶朱古力法式千層酥。

全部各有特色，能滿足不同口味。除此，蛋糕獨立包裝，送禮自用都適合！>>>按此預訂

#人氣熱賣千層卷/抹茶奶凍奶蓋卷蛋

Cake Cake Day開業僅兩年已廣受歡迎，其千層卷以層層班戟皮，包裹住幼滑忌廉及鬆軟海綿蛋糕，室溫下入口Creamy，凍食則似雪糕，一個價錢歎齊兩種口感！一共5款口味任選，唔驚唔啱食：美祿脆脆、曲奇、士多啤梨芝士、藍莓芝士及抹茶。

抹茶奶凍奶蓋卷蛋，入口充滿濃郁抹茶味，以軟綿綿戚風蛋糕配上奶凍、小山園若竹龍膽Cream及海鹽芝士奶蓋，口感超多層次，抹茶控不容錯過！>>>按此預訂

#得意盒子蛋糕組合，1組3味！

瑪莉工房Mali Factory主打四方盒裝蛋糕，可愛又方便~ 品牌有多款蛋糕組合，「髒髒朱古力組」有齊焦糖朱古力咖啡、美祿恐龍朱古力脆脆及脆皮朱古力香蕉，邪惡與甜蜜兼備！

「茶味濃組」則有伯爵茶士多啤梨鮮忌廉、伯爵茶芒果麻糬及玉桂蘋果烏龍茶，一次食勻自家製士多啤梨果蓉、當造芒果鮮忌廉、和煙韌麻糬口感！其他組合亦包括人氣豆乳芝麻蕨餅、芝芝芒芒等口味，每盒都雲集了一整個蛋糕嘅最佳精華！>>>按此預訂

#越食越上癮！煙韌流心麻糬曲奇

Twinkie cookies嘅流心麻糬曲奇系列真係食唔停口！必食推介：流心若竹抹茶麻糬曲奇，以日本小山園若竹抹茶粉製作，入口即歎鮮奶麻糬及流心抹茶餡，味道超豐盛~ 另一茶味仲有伯爵茶朱古力麻糬曲奇，茶香與朱古力互相輝映。

店家仲提供抹茶波提冬甩、抹茶提拉米蘇曲奇三文治等甜點，未食已聞到香味！>>>按此預訂

#超濃芋香！台式芋頭蛋糕/芋泥蛋捲

台式甜品牌子Mr.Taro主打多款芋頭甜點，其芋頭酥外層以玫瑰花瓣點綴，天然淡紫色散發溫柔質感，入面嘅芋頭泥亦好香甜。芋泥蛋捲則採用較綿嘅台灣大甲芋頭，古早味極濃。

爆漿芋心及麻薯芋心蛋捲充滿驚喜，另有4寸雪糕感芋泥蛋糕選擇，啱晒一眾「芋魔」！>>>按此預訂

#創新風味！必試激厚麻糬Scone

Bakieee Bakery主打低糖低脂配方嘅英式鬆餅Scone，混合英倫及和風口味，以法國牛油、日本麵粉和牛乳炮製出獨特麻糬Scone，層次感爆棚！套裝有齊多款人氣口味：特濃twinings伯爵茶、小山園若竹抹茶、Valrhona可可海鹽朱古力碎、仲有經典原味，全部夾著煙韌麻糬，仲可購店家特調嘅小山園若竹抹茶醬，抹茶迷大愛！>>>按此預訂

#法式夾心甜品~Dacquoise達克瓦茲

Shiro Bakery主打法國風情甜點「Dacquoise 達克瓦茲」，全部不含人造色素、人造香油及防腐劑，健康清新~ 酥脆外層搭配夾層柔軟奶油及餡料，用作下午茶點一流！

6款口味有：海鹽焦糖芝士、小山園抹茶麻糬、伯爵茶白桃、焙茶焦糖脆珠、石板街及柚香金萱茶，特設禮盒裝一次歎齊！>>>按此預訂

#熱賣爆Cream瑞士卷

瑞士卷專賣店「瑜.果」Yu Wish有多款爆Cream瑞士卷，全部零添加劑、以日本蛋製作，散發著滿滿嘅香濃蛋味。抹茶紅豆卷在味道上有著完美平衡，唔洗飛日本都食到「家鄉」味道！ 黑芝麻卷猶如將香港芝麻糊濃縮成一條瑞士卷，一次享受港日雙重風味！

焙茶蜂蜜麻糬卷以蜂蜜代替糖來炮製麻糬，令你品嘗到最原汁原味嘅食材！85%特濃朱古力卷選用瑞士黑朱古力及可可粉，口感幼滑味道濃郁~ >>>按此預訂

#驚喜首選！腐乳巴斯克軟心芝士蛋糕

A.Jennbakery推出極具香港感嘅「腐乳巴斯克軟心芝士蛋糕」！一啖即嚐腐乳x芝士蛋糕嘅獨特滋味，食落似升級Double Cheese！香濃軟心嘅幼滑口感，配上不膩口配方，即使食成件都唔膩。仲有冧酒、香豆以及雲利拿籽嘅原味蛋糕可選，行健康路線嘅朋友仲可揀生酮蛋糕。>>>按此預訂

#法國傳統風味！外脆內軟可麗露

「房間裡的可麗露」主打法式甜品，專門製作精緻可麗露，外層有著酥脆嘅焦糖外殼，內餡口感則介乎於焦糖燉蛋與麻糬之間，反差質感令人印象深刻。

原味可麗露猶如一杯濃縮版嘅法式焦糖烤布蕾，啖啖充滿香草香氣。朱古力味採用頂級Valrhona巧克力，及自家調配草莓風味Ganache，濃郁朱古力夾心散發著誘人草莓果香。喜歡喝茶嘅人亦可選抺茶味可麗露，焦糖香脆外殼內藏幽香抺茶滋味，完美混合日法風格。>>>按此預訂

#韓國大熱牛角包窩夫Croffle

Fifty Fifty在將軍澳擁實體店，品牌主打韓國大熱嘅牛角包窩夫Croffle，每日新鮮製造，有齊牛角包嘅酥脆，同窩夫嘅烘烤口感。鹹甜兼備仲爆曬餡，現場即叫即製好新鮮！士多啤梨忌廉芝士味，未食已經聞到果香甜味及濃郁牛油香氣~

宇治抹茶紅豆味配上鮮製宇治抹茶奶油，夾著日本紅豆粒，Creamy又唔會太甜。斑斕咖央口味特別，加上椰絲和香烤椰子碎嘅脆卜卜口感，入口非常滿足！其他風味仲有柚子蜂蜜、海苔肉鬆味、朱古力榛子香蕉、奧利奧焦糖脆餅等等，真係要預先訂購，到場試下有幾好味！>>>按此預訂

#港式口味~ 雞蛋餅 · 脆曲奇禮盒

MeCakeKi咪曲奇將傳統雞蛋餅重新打造，再以獨特配方製作出香港地道口味嘅雞蛋餅 · 脆曲奇。口味包羅萬有，例如：鹹蛋黃味、瑤柱XO醬味、大澳蝦醬辣肉鬆味、港式伯爵奶茶味等，係親切嘅味道！

品牌仲有手工雪花酥，獨立包裝加上禮盒設計，送禮超體面！>>>按此預訂

以上嘅甜品款式賣相與味道兼備，風格口味任君選擇，相信大家都可以搵到心水，有興趣嘅朋友就快啲進入以上各家品牌嘅連結，預訂至抵優惠！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）