飲食業員工力數5大西客行為 古怪要求多/坐到關門前一刻！網民反應兩極：唔想做就轉行？
網上周不時都會出現食客無理取鬧嘅影片，而有時候食客們仲可能會有比較奇特嘅要求，令侍應們嚇一跳！最近，一位從事飲食業嘅網民喺討論區大呻食客們要求超古怪，包括有「凍檸茶走檸檬」、「辣麵走辣」等，偶爾仲會反過來責怪店員，批評食客們缺乏同理心，但就未能獲得網民認同？！宜家即睇飲食業員工常見嘅「西客」行為啦！
Photo from 《咖喱辣椒》劇照
1. 自製新餐點
從事飲食業嘅樓主率先分享自己曾經遇過嘅「西客」，指佢哋點餐嘅時候會叫餐牌上根本冇出現過嘅菜式「西餐走嚟問有冇雲吞麵；中餐走嚟問有冇卡邦尼意粉」，批評佢哋完全無視餐牌嘅存在，仲話心裏面會嬲到想講「咁想食咪入廚房煮囉」！
Photo from 連登討論區
Photo from 《我的野蠻女友》劇照
2. 諸多要求
樓主表示部份食客會非常仔細咁要求飲品嘅甜度「少少甜」、「微甜」，但佢就表示並非所有餐廳都有咁多選項，認為若果食客們介意就應該去台式飲品店購買！有疑似係同行嘅網民都忍唔住留言分享最奇特嘅經驗，見過「外賣熱檸水走水」，只能一笑置之。不過有網民就認為「熱檸水走水」並冇問題，因為部份人會擔心檸檬浸太耐，所以先會有呢個要求。
Photo from 連登討論區
Photo from 《德魯納酒店》劇照
Photo from 連登討論區
3. 強行改指定餐牌
佢表示食客們經常都會詢問如「四寶麵」等已經規定好配料嘅餐點，詢問可唔可以轉餸菜，揚言「咁想揀咁你咪去食車仔麵囉！」
Photo from 《中餐廳》
4. 客人們於關門前點單
樓主仲話一定會有部份客人喺截單前1分鐘先落單，而且唔少喺店入面用餐嘅客人都會喺裡面逗留到關店嗰刻先肯離開，認為「食客真係當自己大晒」！
Photo from 連登討論區
Photo from 廣告
但部份網民就唔太同意樓主呢一點，認為若果店裡面寫明8點前截單，即係代表客人喺時間未到之前都仲有權利光顧餐廳，並唔算係「西客」行為！
Photo from 連登討論區
Photo from 《中餐廳》
5. 不願意用QR Code落單？！
基於疫情關係，現時有唔少食店都會為咗減少開支，而設有用QR code點餐嘅服務。樓主表示直到宜家依然有好多食客唔會用，加重服務生嘅工作量「你當個個都得閒招呼你一個？」
Photo from 連登討論區
不過網民認為呢一項並唔可以列入「西客」行為，因為部份長者可能唔太識用智能手機、而且手機有時候難免會有訊號唔好嘅時候，並非刻意刁難服務生！
Photo from 《如蝶翩翩》劇照
網民大呻「香港做服務業最辛苦」？！
有網民表示喺香港做飲食業辛苦外，其實從事服務業都同樣辛苦，經常需要應付唔同嘅「西客」，壓力非常大！但亦有網民反駁雖然會成日遇到「西客」，但有時候遇到善解人意嘅客人都會令佢哋感受到「人間有愛」～
Photo from 《現正分手中》劇照
網民反應兩極！
呢個post引起網民熱議，然而網民嘅反應似乎非常兩極！部份網民就唔太認同樓主，認為佢列出嘅部份行為根本唔算「西客」，認為食客唔清楚嘅時候難免會「問多幾句」，覺得樓主係反應過激。
Photo from 連登討論區
不過有網民就理解樓主嘅心情，認為現時的確有唔少人會「恃住自己係客人」而任意妄為，導致唔少服務業嘅員工非常難做！
Photo from 《老姑婆的古董老菜單》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
茶記西客$30早餐用$1000紙幣唱散 伙記一招KO麻煩OL 網民：大快人心！
18 Jun , 2021
本港有好多店舖都表明唔收1千大鈔，避免散紙不足同時防止收假鈔。近日，有茶餐廳伙記上網大吐苦水，表示一名OL食$30多元早餐卻堅持用千元紙鈔埋單，更直言「就係想你找散比我」！最後，伙記以一招成功「收拾」麻煩客人，令佢投降稱：「其實我有散紙㗎，我而家就埋單，唔使唱散好唔好？」
Photo from 《愛回家之開心速遞》 TVB
近日，一名茶餐廳職員於一個Facebook專頁發文指，一位女白領食完價值30多元嘅早餐後，用1,000元紙幣埋單，令伙記即時反白眼，問OL：「有冇細張少少嘅？冇咁多散紙找唔開。」對方竟回答：「冇喎，我就係想你找散比我呀嘛！」
Photo from 《恭喜八婆》 截圖
OL對散紙亦好有要求，唔接受10元同20元紙幣，「散成咁梗係唔得啦」。伙記聽罷，立即建議：「一係放低啲嘢係到抵押，出去唱散完返嚟埋單得唔得？」
Photo from 《恭喜八婆》 截圖
但OL不滿為何要佢低啲嘢做抵押，認為應該係伙記自己出去唱散紙，仲話自己等緊伙記們找返900幾蚊畀佢。但伙記留意到OL銀包內「藍色、緣色、紅色都有」，「都係要拎張金色出嚟就唔好怪我地唔客氣啦」。
Photo from 《恭喜八婆》 截圖
然後，伙記叫同事出去銀行幫忙唱錢，更指明唔需要急，最緊要數目正確。之後，OL開始等得唔耐煩，中途多次問伙記進度如何，又不滿伙記同事特意到銀行排隊，「周街都係舖頭你地唔識唱？」。
Photo from 西店Hi客之道 Hispitality Secret FB專頁 截圖
Photo from 《Wind flower》 Mamamoo MV截圖
45分鐘後，OL表示佢返工就快遲到。伙記指示佢再等等後，OL終投降，透露：「其實我有散紙架，我而家就埋單，唔洗唱散好唔好？」伙記未有順應對方請求，只話「但我地同事出左仲未返，仲差你900幾蚊未找返呀！」
Photo from 《愛回家之開心速遞》 TVB
伙記同事外出一小時後終回來，完成9百多元嘅找錢程序。伙記於文中最後笑言：「其實同事過隔離舖唱錢只係5分鐘，不過去咗第二到食埋個早餐先返嚟啫，早知叫佢買埋餸先返嚟啦！」
Photo from 《喜劇之王》 截圖
事件引來熱議，唔少網民都對「結局」大感滿意，認為係大快人心。亦有人認為，OL想唱散本來沒有問題，問題出於其態度，如果佢當初客客氣氣，應該未至於影響埋返工時間。
Photo from 《愛回家之開心速遞》 TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
