download HolidaySmart 假期日常 app
乾炒牛河成最易中伏食物？！3大醬汁易出事，網民：但次次都想嗌

乾炒牛河成最易中伏食物？！3大醬汁易出事，網民：但次次都想嗌

時事熱話
By Jennifer on 13 Jun 2022
Digital Editor
今晚食乜餸：小二，嚟一碟花生！

連登討論區有人以「有咩嘢食係明知中伏率極高都會成日嗌」為題開post，提到出街食飯通常都會想避開劣食，但有啲食物多數都會中伏收場，但唔知點解喺Menu見到硬係會嗌，有其中唔少人都表示「乾炒牛河」係最易出事嘅食物！

出街食飯通常都會想避開劣食，但有啲食物唔係咁容易整，多數都會中伏收場Photo from 《孤獨的美食家》劇照

乾炒牛河超多油

有網友稱乾炒牛河雖然睇落好簡單但十分考功夫，對廚師基本功要求好高，一個唔覺意好容易會變油泡牛河、鴛鴦色牛河、乾炒河餅、乾炒河碎等。

乾炒牛河雖然睇落好簡單但十分考功夫，對廚師基本功要求好高Photo from 《女人必學100道菜》

一個唔覺意好容易會變油泡牛河、鴛鴦色牛河、乾炒河餅、乾炒河碎等。Photo from LIHKG

甚至有網民呼籲去茶記見到是日餐牌有乾炒牛河，一定唔好叫：「九成九係一大鑊炒出嚟的垃圾。」有人稱好多茶餐廳啲牛韌到好似食橡膠咁，或者多油到爆：「睇一間茶餐廳出唔出色就係睇乾炒牛河、熱奶茶、西多士整得好唔好」

有網民呼籲去茶記見到是日餐牌有乾炒牛河，一定唔好叫Photo from LIHKG

有人稱好多茶餐廳啲牛韌到好似食橡膠咁，或者多油到爆Photo from 《那夜，我坐上了旺角開往大埔的紅VAN》劇照

咖喱牛腩，牛腩硬過車軚

咖喱都係茶餐廳常見嘅菜式，不過有網民指茶記咖喱好易中伏，尤其係「咖喱牛腩」：「牛腩未炆好無味兼硬過車軚，再加埋一個求其煮嘅咖哩汁」，網民指有啲餐廳個咖喱汁好稀，或者味道太甜等，但如果去茶餐廳唔知食咩好多數都會嗌咖喱牛腩飯。

咖喱都係茶餐廳常見嘅菜式，不過有網民指茶記咖喱好易中伏，尤其係「咖喱牛腩」Photo from 《流行都市》

網友：「牛腩未炆好無味兼硬過車軚，再加埋一個求其煮嘅咖哩汁」Photo from LIHKG

網民指有啲餐廳個咖喱汁好稀，或者味道太甜等，但如果去茶餐廳唔知食咩好多數都會嗌咖喱牛腩飯。Photo from 《那夜，我坐上了旺角開往大埔的紅VAN》劇照

小籠包無汁皮勁厚

網友稱通常嗌小籠包都會想像係皮薄、多汁、肉香，但實際上無汁不特止，啲肉一係散到粉咁、一係成粒魚蛋咁實，個皮又厚又硬，多數難食，有人指佢見間鋪出名小籠包先會嗌，所以少中伏。

網友稱通常嗌小籠包都會想像係皮薄、多汁、肉香Photo from 《東張西望》

實際上無汁不特止，啲肉一係散到粉咁、一係成粒魚蛋咁實，個皮又厚又硬，多數難食Photo from 《摘星廚神》劇照

燒味要睇運氣

有留言表示：「嗌親雞鴨鵝都係等派彩咁」，有網友表示認同：「香港食燒味同賭大細無分別」，好多時啲火候控制得唔好，又或者用料差，例如太肥/太瘦等。

有留言表示：「嗌親雞鴨鵝都係等派彩咁」Photo from LIHKG

燒味好多時啲火候控制得唔好，又或者用料差Photo from 《非分熟女》劇照

龍蝦汁/白汁超易中伏

上文提到咖喱係其中一樣易中伏嘅嘢食，另外仲有網民指第一位係龍蝦汁意粉，問題多數出喺個龍蝦汁度：「去啲稍為劣少少嘅餐廳就好易出事，成日調味調到勁咸勁腥，但又唔知點解次次見到都想嗌吓」，除咗龍蝦汁，白汁都係易中伏之選。

上文提到咖喱係其中一樣易中伏嘅嘢食，另外仲有網民指第一位係龍蝦汁意粉，問題多數出喺個龍蝦汁度Photo from 《非分熟女》劇照

海膽多數臭？

日本菜方面有網民提名海膽，指喺香港通常食到嘅海膽都係臭嘅，即使畀好多錢食omakase都未必食到高質嘅海膽，中伏率超高！

即使畀好多錢食omakase都未必食到高質嘅海膽Photo from 《全城熱戀》劇照

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

女友患「士多啤梨病」，無草莓食會暴走！男友買飲料代替最終中伏

14 Feb 2022

又到咗士多啤梨嘅當造季節，有網友喺Facebook開post指女友每年呢個時候「士多啤梨病」都會發作，會尖叫暴走。男友無奈只好喺飲料店買幾杯嘢飲頂住先但最終出事，令佢叫苦不迭。

到咗士多啤梨嘅當造季節Photo from TVB

台男呻女朋友有「士多啤梨病」

士多啤梨營養價值高，酸甜味道更大受歡迎，一向是深受大家喜愛嘅水果！日前有網友喺Facebook群組「爆怨2公社」發文，大呻自己遇到嘅困難。

士多啤梨營養價值高，酸甜味道更大受歡迎，一向是深受大家喜愛嘅水果Photo from TVB

佢指自己一向好憎士多啤梨季，因為女友幾乎年年都喺呢個時候「發病」，佢稱為「士多啤梨病」。

女友幾乎年年都喺呢個時候「發病」，Post主稱為「士多啤梨病」。Photo from 佘詩曼 IG

食唔到草莓女友會暴走尖叫

網友表示女朋友不時會突然話想食士多啤梨，而「士多啤梨病」一發作就一定要畀佢食到，否則女友就會暴走、瘋狂尖叫，然後周圍掟嘢。

網友表示女朋友不時會突然話想食士多啤梨Photo from TVB

「士多啤梨病」一發作就一定要畀佢食到，否則女友就會暴走Photo from TVB

女友食唔到士多啤梨仲會瘋狂尖叫Photo from TVB

網友稱佢試過頂唔順女友，唔理對方話要食士多啤梨嘅要求，一口咬定無士多啤梨，結果女友大發脾氣，仲搞到警察上門了解事件。

網友稱佢試過頂唔順女友，唔理對方話要食士多啤梨嘅要求Photo from TVB

結果女友大發脾氣，仲搞到警察上門了解事件。Photo from TVB

家中存貨清空，男友買士多啤梨飲品頂上

之後網友就唔敢再激嬲女友，屋企仲要常備士多啤梨，方便女友「士多啤梨病」發作時隨時都食到。

之後網友就唔敢再激嬲女友，屋企仲要常備士多啤梨Photo from TVB

但世事難料，近日有一次家中士多啤梨存貨無晒，女友又士多啤梨病發，網友情急之下諗起屋企附近有飲品舖，於是就去買咗3杯士多啤梨飲料「頂住檔」先。

近日有一次家中士多啤梨存貨無晒，女友又士多啤梨病發Photo from TVB

網友情急之下諗起屋企附近有飲品舖，於是就去買咗3杯士多啤梨飲料「頂住檔」先。Photo from TVB

女友食光士多啤梨，要男友食埋啲「廚餘」

好彩呢3杯嘢飲成功令女友心情平復，不過網友無語嘅係女友淨係食咗飲料上面嘅士多啤梨粒，剩返啲飲品留畀佢，仲話：「不能浪費要喝完！」令網友大為無奈：「講真的好好一杯被弄成這樣，是你各位還會想喝嗎？」

原本台男買咗3杯士多啤梨飲料Photo from 爆怨2公社

女友淨係食咗飲料上面嘅士多啤梨粒，剩返啲飲品留畀男友Photo from 爆怨2公社

Post主大為無奈：「講真的好好一杯被弄成這樣，是你各位還會想喝嗎？」Photo from TVB

網友：明明係公主病

唔少網友表示佢哋都有「士多啤梨病」，但就未去到會暴走尖叫嘅程度。亦有網友認為post主女友根本唔係「士多啤梨病」而係公主病，仲話post主咁都忍到女友，一定係真愛。

有網友認為post主女友根本唔係「士多啤梨病」而係公主病Photo from 爆怨2公社

post主咁都忍到女友，一定係真愛。Photo from 爆怨2公社

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

時事熱話茶餐廳食物中伏網民熱話連登討論區