MARVEL迷必去～巴黎迪士尼「復仇者聯盟」園區將於7月隆重開幕，全球首間主題酒店都即將登場！
Photo from Disneyland Paris @YouTube
「復仇者學院」園區7月20日開放！
今年將會係巴黎迪士尼嘅開幕30週年，喺如此盛大嘅日子下，迪士尼宣佈將會有全新園區「復仇者學院」登場，並表示會於今年7月20日正式開放！呢個MARVEL園區係繼美國加州迪士尼之後，第二個以「復仇者聯盟」為主題嘅園區，令唔少MARVEL迷都興奮不已～
Photo from disneylandparis @IG
Photo from 法國迪士尼
園內將新增2個遊樂設施！
第一個遊樂設施係《復仇者集結：飛行特攻隊》，係一款能夠為大家提供視聽享受嘅機動遊戲。故事主題環繞鋼鐵人（Iron Man）以及驚奇隊長（Captain Marvel)2位英雄，並乘搭高速過山車同佢哋一齊拯救世界，絕對適合鍾意刺激感嘅你哋！
Photo from 法國迪士尼
化身做「蜘蛛俠」
而第二個遊樂設施就係《蜘蛛俠大冒險》，係一款以AR射擊體驗遊戲。大家能夠一齊進入蜘蛛俠嘅實驗室，利用全新科學技術啟動屬於自己嘅「蜘蛛網」，幫手控制住已失控嘅「小蜘蛛機器人」，等大家可以親身體驗「噴蜘蛛網」嘅感覺！
Photo from 法國迪士尼
Photo from 法國迪士尼
史塔克工廠餐廳
除咗機動遊戲之外，當然唔少得有主題餐廳啦～《史塔克工廠》餐廳內嘅設計主要以鋼鐵為主，裡面仲會有超巨型模型俾大家打卡。餐廳內提供嘅餐點主要係Pizza、意大利粉等小朋友最鍾意嘅菜色，絕對適合一家大細嘅旅客！
Photo from 法國迪士尼
Photo from 法國迪士尼
「蟻俠」主題餐廳，食物份量超大！
另一間餐廳《PYM廚房》就係以「蟻俠」作為主題，當中PYM代表嘅就係蟻俠腰帶上能夠控制體型大小嘅PYM Particle（皮姆粒子）；所以餐廳內嘅餐點都有受到「皮姆粒子」嘅影響，提供嘅所有食物都係超大份量！
Photo from 法國迪士尼
全球首間MARVEL主題酒店！
巴黎迪士尼亦會推出全球首間「MARVEL主題嘅酒店」，不過現時官方尚未釋出任何圖片，所以大家就唯有再等一陣喇。而喺官方最新釋出嘅預告影片中，仲表示會有「英雄訓練館」，相信大家可以喺裡面見到所有心愛嘅MARVEL英雄～
Photo from Disneyland Paris @YouTube
Photo from Disneyland Paris @YouTube
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
東京迪士尼海洋新園區「Fantasy Springs」2022開幕 長髮公主高塔/夢幻瀑布 全新設施率先睇！
23 Jul , 2021
東京迪士尼樂園係唔少人去日本必去嘅旅遊景點！早前，東京迪士尼就宣佈將於迪士尼海洋開設新園區「Fantasy Springs」，並預計會於2022年開放，令唔少迪士尼迷都表示非常期待啊！
Photo from 東京迪士尼Youtube
相信大家都一定好掛住可以搭飛機去旅行嘅時光喇～早前，日本迪士尼就宣佈迪士尼海洋園區將會擴展，開設新主題港口「Fantasy Springs」。據悉，新園區動用日幣2500億裝修，係迪士尼海洋有史以來動用最大筆嘅資金，即刻令大家更加期待啊！而家就等我哋一齊率先睇下新園區嘅設施啦～
Photo from 日本迪士尼官網
Photo from 東京迪士尼Youtube
全新港口嘅主題將會以「魔法之泉導入迪士尼海洋」，希望可以將迪士尼電影嘅場景真實咁呈現喺大家面前，等大家可以親身重遊呢個夢幻國度！熱門迪士尼動畫《冰雪奇緣 Frozen》、《魔髮奇緣 Enchanted》等都將會以表演形式同餐廳出現喺呢個園區，鍾意呢幾套動畫嘅你一定唔可以錯過喇～
Photo from 日本迪士尼官網
官方早前就發佈咗幾張概念圖，等大家可以先睹為快咁欣賞以下新港口嘅設計風格。由釋出嘅圖片中所見，入口周圍嘅設計都同電影中嘅場景非常相似，都係充滿住森林嘅童話景色，猶如置身於世外桃源！官方仲非常貼心咁附上晚上嘅圖片，加上唯美嘅燈飾，樂園嘅氛圍頓時變得好浪漫～
Photo from 日本迪士尼官網
Photo from 日本迪士尼官網
新園區裡面仲設有一個超巨型嘅「夢幻之泉」，其中仲有小飛俠嘅身影喺上面㗎，大家又見唔見到呢個細節位呢？！日頭同夜晚所呈現嘅感覺又會有唔同㗎，相信呢個瀑布到時候一定會成為遊客們嘅打卡熱點～
Photo from 日本迪士尼官網
Photo from 日本迪士尼官網
講到新園區，當然唔少得有新嘅遊樂設施啦！據悉，將會設有《FROZEN》嘅機動遊戲，大家可以坐喺小船上聽Anna同Elsa兩姐妹嘅感人故事；另外亦設有《魔法奇緣》嘅高塔，等大家可以親身睇下當時長髮公主居住嘅地方究竟有幾高～
Photo from 日本迪士尼官網
Photo from 日本迪士尼官網
除此之外，為配合園區「Fantasy Springs」嘅開幕，迪士尼仲會將會興建最高級酒店！據悉，新酒店嘅設計非常豪華，將會設有475間客房，而住客仲可以喺房間從高處咁眺望園內嘅瀑布，相信房間內嘅景色一定好壯觀～
Photo from 日本迪士尼官網
雖然迪士尼官方暫時就表示將於2022年完工，不過亦有消息話可能受疫情影響需要等到2023年中先能夠正式開幕，大家唯有等官方嘅確實消息啦～
Photo from 日本迪士尼官網
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
