KOL雪梨被爆做第三者？偷食現場遭斷正，發展竟峰迴路轉
Photo from 雪梨IG
KOL雪梨做小三被斷正？
近日連登討論區一個post「KOL t.tmei__ 疑似做小三斷正」成為熱門話題，有疑似正印女友影到男朋友與雪梨喺床上嘅相，更放上IG Story：「KOL喺我屋企張床，點睇？」兼tag埋雪梨本人。
Photo from LIHKG
雪梨否認係第三者，稱男友早已同前度分手
雪梨隨後亦喺IG回應事件，佢指對方未搞清楚成件事就出手，令佢受傷。之後雪梨就喺Story發文指：「感情呢啲嘢兩個人唔啱就散㗎啦！佢唔鍾意你，同你講分手關我咩事？」又指係男方同女友講咗分手佢哋先相處，否認自己係第三者：「我做人有底線，清者自清」
Photo from 雪梨IG
Photo from LIHKG
雖然雪梨稱佢唔係第三者，但疑似正印女友就公開「偷食斷正」片，片中佢大嗌：「條女（雪梨）啲bra喺我屋企啊！」仲話雪梨瞓咗佢張床，雪梨則表示嗰度係男朋友屋企，只係分咗手前女友唔肯搬走：「現任女朋友上男朋友屋企瞓喺張床度有咩問題？」
Photo from LIHKG
Photo from LIHKG
Photo from 雪梨IG
雪梨被前任男友力斥未分手已偷食
男事主亦有喺IG反擊稱早已同前度講分手，又指對方都已經有新男友，仲帶埋男友上嚟拍片：「點解我唔可以有新女朋友」。雪梨前男友亦加入戰團，指未分手前已見到佢同現任男友WhatsApp，質疑佢兩個仲有另一半時已暗地交往，互相做第三者！
斷正片男事主回應：
Photo from LIHKG
雪梨前男友亦post IG Story：
Photo from LIHKG
而疑似正印就指雪梨所謂嘅「男朋友屋企」佢有份交租，又大爆男方欠佢錢未還，又指自己未同男方分手雪梨已係咁約佢男友打波，力斥佢為人「好假」。
Photo from 雪梨IG
Photo from LIHKG
正印被揭係「第三者上位」？
不過有網友就發現疑似正印之前曾經被指做第三者搶人男友，對象正正係呢次事件中雪梨嘅現任男友！事情大約係一年前，估唔到短短一年後男事主再被指偷食，而曾經係別人口中嘅「第三者」今次竟已變「正印」？！
Photo from LIHKG
Photo from LIHKG
唔少網友都話「劇情峰迴路轉」，正印女友變第三者，而原本被指係「第三者」嘅雪梨其實係第四者：「最大贏家都係個男仔，一次過食三條女！」亦有人指事件大快人心，介入人哋感情嘅人終於又被人搶男友。
Photo from 雪梨IG
Photo from LIHKG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
老公叫其他女人做「老婆」堅稱無偷食只當對方係妹妹！人妻：係咪我諗多咗？
17 Dec 2021
情侶間會有特別嘅稱呼，但有啲係唔可以亂咁叫！喺討論區有網友指與老公結婚兩年，最近發現佢WhatsApp同人傾得好投契，更互稱「老公老婆」，被發現後丈夫仲堅持只係朋友開玩笑，令網友不禁反省係咪自己諗多咗。
Photo from TVB
人妻揭老公偷偷與一女性密密WhatsApp
有網友喺連登討論區發文指老公平時放工會同班朋友去練舞跳舞，有時放假都約埋出去，因為大家互相認識，人妻表示一直對好放心。但最近佢發現老公會對住手機笑，雖然內心有懷疑，但老公就指係同上司對話，而且更避開佢同人WhatsApp，令人妻再起疑心！
Photo from TVB
Photo from TVB
人妻終發現親密對話紀錄，老公與阿婷稱呼對方做「老公老婆」
除咗WhatsApp外，丈夫跳舞次數多咗，回家時間亦越嚟越夜，終於被人妻發現老公嘅WhatsApp對話紀錄，對象係跳舞活動識嘅女仔，樓主指佢都見過嗰位女性，但唔太熟，聽其他人叫佢做阿婷，但真名就唔知。
Photo from TVB
Photo from TVB
樓主指老公同名婷嘅對話用詞非常親密，互稱「老公老婆」，起身、瞓覺、食飯、沖涼等都會互相報備，更會用大量「心心」、「親親」嘅stickers！
Photo from lihkg
Photo from lihkg
Photo from lihkg
Photo from lihkg
老公堅稱只當阿婷係妹妹，未有發展超出友誼關係
人妻睇到嬲爆即刻追問老公，對方竟表示阿婷家庭有問題，又要照顧小朋友，平時大家出來跳舞放鬆，佢只係當阿婷係妹妹，諗住陪下佢，其他朋友都有關心阿婷，反指係樓主諗多咗。
Photo from TVB
Photo from TVB
樓主根本唔信：「妹妹需要叫老公老婆？限聚令下孤男寡女可以玩到就黎天光先返屋企？」但老公完全唔覺得自己有錯，堅稱嗌「老公老婆」就好似online game嗰啲稱呼，仲話樓主小題大做。
Photo from TVB
Photo from TVB
老公堅持無做錯，人妻不禁反省
樓主又補充佢同老公未有小朋友，雖然大家有討論過但佢想遲啲先生。樓主指老公都有好親密咁稱呼佢，WhatsApp會叫佢做「老婆」、「BB」，但對話嘅模式就有啲唔同。樓主老公指淨係陪阿婷，兩人從未發生關係：「佢話同玩遊戲朋友開玩笑互嗌一樣，稱呼唔代表啲咩喎」
Photo from TVB
最終擾攘一個月，老公應承唔再同阿婷聯絡樓主先原諒佢，但喺老公多次堅持自己根本無做錯嘅情況下，樓主都忍唔住諗：「係唔係真係我諗多咗？」
Photo from TVB
網友籲樓主盡快離婚
呢個帖文引起網友熱議，大部分網友睇到對話紀錄已表示對樓主老公嘅解釋感到難以置信：「你咁都信呀？」、「好明顯啦仲問」，更呼籲樓主盡快離婚：「咁都可以原諒佢? 離婚喇」
Photo from lihkg
Photo from TVB
Photo from lihkg
因為樓主同老公喺疫情爆發前結婚，有網友感嘆：「結咗婚無耐就出去玩真係少少癲」，亦有網友反諷：「唔算啦，我叫樓下個看更都叫老公」
Photo from TVB
Photo from lihkg
Photo from TVB
Photo from lihkg
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
