七仙羽自爆身家，擁逾10個香港物業：林作得1億就收聲啦！

娛樂新聞

By Jennifer on 20 Jun 2022

Digital Editor

今晚食乜餸：小二，嚟一碟花生！

七師傅（七仙羽）人氣爆燈，狂接廣告。日前佢接受訪問時就自爆個人資產，透露自己自細家境唔錯，又表示曾經炒股蝕超過1,000萬！七師傅仲對林作自稱約有1億身家嘅言論嗤之以鼻。

Photo from 七仙羽 IG

七師傅對林作自稱身家達1億嗤之以鼻

七師傅以風水玄學師身份參與ViuTV多個綜藝節目，人氣持續上升，其半鹹淡廣東話成為個人標誌，更接咗好多廣告，有指佢一個月已接40個廣告賺到笑！

Photo from ViuTV

最近七師傅接受訪問時被問到身家有幾多，佢提到之前同林作上綜藝節目，問林作身家幾多，對方口氣好大、講到自己好勁，表示差唔多有一億，聽到呢個回答，七師傅直言：「咁你（林作）就收聲啦！呢啲算咩錢呀！我一早都有啦！」

Photo from BusinessFocus

七仙羽炒股蝕1,000萬改買樓投資，自爆身家逾10億

七師傅稱佢身家肯定過億，仲指依家通街都係身家過億嘅大師，被問到個人資產過唔過10億，七師傅再爆：「$10億又算乜嘢呀？！」但佢指未有$100億身家咁多～

Photo from BusinessFocus

七師傅透露佢家境唔錯，從小就跟屋企人四圍做生意，讀書時已開始投資、買股票。七師傅表示當時家人畀咗$1,000萬佢，但佢炒股票全部蝕晒，之後轉為投資買樓，依家喺香港擁有最少10個物業。除咗香港，佢喺世界各地都有買樓。

Photo from BusinessFocus

七師傅自認財經知識豐富

佢表示自己唔太在乎有幾多錢，屋企亦唔使佢養家，佢做過財經記者、作詞人，雖然家人想佢做律師、醫生，但七師傅笑言佢講嘢唔正、個人又單純所以做唔到呢啲高尚職業。

Photo from 七仙羽 IG

七師傅稱佢依家唔做嘢，淨係收租都夠，但佢唔想浪費人生，要普度眾生、弘揚佛法。其實師傅不時喺個人IG分享對樓市嘅睇法，仲話佢認識好多地產經紀，介紹好多平過市場價嘅筍盤畀佢。

Photo from BusinessFocus

曾經做過財經記者嘅七師傅之前獲邀上財經節目做嘉賓，卻被觀眾斥為「神棍」，佢指自己知道嘅財經知識多過大家嘅想像：「我長期在印度尼泊爾等地閉關修煉，我的認知及功力，早巳超出你的想像」

Photo from 七仙羽 IG

即睇訪問片段：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【七仙羽師傅】爆笑金句合集：師傅愛你！背景超狂多才多藝！甜稱10年男友「老公」！

17 Aug 2021

近期最熱爆的風水玄學師絕對是七仙羽！因拍攝viuTV多個綜藝節目而為人認識，其中在靈探節目《鬼同妳上位》比參賽者更搶鏡，又經常大爆金句，更以「半鹹淡」的廣東話獲拍廣告機會，人氣飆升，大受網民歡迎~即刻來睇七師傅的超狂背景、相戀10年男友等，仲有一起重溫師傅爆笑的警世金句，其中熱爆的「師傅愛你」竟然被改成歌曲！？

Photo from 七仙羽師傅_IG

·馬來西亞華僑英國長大

據悉七仙羽師傅是馬來西亞華僑，父母在英國做生意，自細在外國出生成長。而她亦曾在英國留學，大學主修新聞，碩士主修商業管理。由於，所以英文講得比廣東話更標準流利啦！

Photo from 譚仔雲南米線廣告截圖

·「七仙羽」名字由來

話説「七仙羽」的名字來自其師傅，「我師傅賜我法名時扶乩，給了我這名字，來自一首詩，但首詩很長篇，大概意思是要我來到世間弘法做善事，如仙女一樣。」

Photo from ViuTV截圖

·修煉中西風水玄學

七師傅年幼體弱多病，從小拜師學風水命理，甚有天份，曾經與多位世界各地名師習術。除了涉略東方玄學之外，她還有修煉西洋風水、西洋魔法及西洋能量等。「六壬茅山我都有學習過，所以中西合璧，幫助有需要的人解決問題。」同時，七師傅更具有中醫、心理學及自然療法的醫師專業資格，涉獵甚廣。

Photo from 七仙羽師傅_IG

·閲歷豐富多才多藝

碩士畢業的七師傅曾任職台灣電視台TVBS新聞報導員，主持過多個電視節目，同時又是雜志編輯、網站作家及雜志報紙的專欄作家等，曾為外國及香港報紙寫專欄，更是暢銷小說作家，出版過多部小說。七師傅自稱曾獲得亞洲區詩歌比賽第一名，不但是香港作曲家協會會員，更曾為多位歌手作詞，相當有才華！

·反擊「神棍論」自揭背景

七師傅曾經被質疑是「神棍」，曾於2016年在社交網站發長文反擊網友，更直接公開自己的背景家底~其實入行多年的她雖然近年人氣急升，但人紅是非多，亦遭到不少人謾駡。「不了解的人總覺得我拍太多綜藝節目，其實拍綜藝節目是布施。香港人生活壓力大，分享知識或歡樂，令大家減壓開心一下。很多師傅憂慮會被人嘲笑或不專業，但我不會有這種包袱，有實力就有實力，專業就是專業，就算網民罵我是呃神騙鬼、牛頭不搭馬嘴等等，不管罵甚麼，我一點都不生氣。」

Photo from 七仙羽師傅_FB

·自爆得罪周汶錡及周勵淇姊妹

話説周汶錡老公Julien於去年3月被雜志影到，與外籍女人親密癡纏。而早在10幾年前，七師傅曾睇過Julien的手相，直指他隻手唔軟又唔硬，是花心型手掌。豈料預測不幸言中，七師傅更一度被誤認是Julien的出軌對象，她為此就在社交網站澄清，自爆已經得罪周汶錡及周勵淇姊妹，最後祝福周汶錡家庭美滿，夫妻恩愛。

Photo from 七仙羽師傅_FB

·甜稱10年男友「老公」

自稱不曾與亞洲人拍拖的七師傅，目前與一位瑞士籍金融公司老闆拍拖，感情穩定，現時更已經同居。之前就被媒體發現七師傅與男友甜蜜拍拖，對方高大威猛，家底豐厚，不但送花、幫挽手袋，溫柔體貼，兩人情到濃時更當衆咀嘴！兩人相戀10年，七師傅就覺得跟結婚已無分別，已稱呼男友為「老公」。

·新一代廣告新寵兒

七師傅因為形象突出，近期成為新一代「廣告新寵兒」，接拍了不少廣告，其中包括譚仔米線、屈臣氏等，有幾個相當洗腦！其中，最特別的是，她更與Alipay HK聯乘大玩電子音樂。七師傅將台灣歌手謝金燕的神曲《嗶嗶嗶》重新改歌詞，變成為其度身訂造的新歌《師傅愛你》，挑戰韓式女團唱跳，似乎完全無難度，影片一出獲得網民好評！話説歌名來自其金句「師傅愛你」，這句源於在viuTV節目《鬼同你上位》中，女嘉賓To To疑似鬼上身，七師傅就抱著對方安慰說「師傅愛你，師傅保護你」，一度成為熱話~