注意啦！男生注重嘅8個好女友性格特質～女仔要學嘢啦！

各位單身同熱戀中嘅朋友仔，如果想結識另一半，或者想同另一半長長久久，唔係睇外表，而最重要係你嘅內在！留意以下8個男生注重嘅性格特質，成為一個抵錫嘅女朋友啦！
Photo from Pinterest

1. 做真實嘅你

如果想長久經營一段感情，就要避免太多隱瞞或者偽裝。唔洗扮好細食、都唔洗扮細力小鳥依人，反而當你表現得自在，兩個人相處先會更加融洽！過分嘅迎合對方會磨滅自我，所以記得做一個真實嘅自己啦。
Photo from Pinterest

2. 相信自己，愛自己

如果你都唔愛自己，又點令另一半愛你呢？愛自己，對自己好啲！相信自己嘅決定、認真同另一半考慮你哋嘅未來、正面面對困難！有時候，都要買一份自己好想要嘅禮物，當獎勵自己，對自己好D！
Photo from Pinterest

3. 撒嬌同時不忘打理好生活瑣事

熱戀中嘅情侶如膠似漆，好似成個世界就得番對方，亦成日肆無忌憚向男友撒嬌。拍拖撒嬌固然重要，但男友唔係身邊嘅時候，都要識得自己獨立處理生活事，等另一半放心將自己同屋企人等你去照顧。
Photo from Pinterest

4. 要抓住男人的心，先抓住他的胃

雖然依加識煮飯嘅女仔唔多，但係有時整吓甜品俾男朋友都係甜蜜嘅表現！有時一齊煮飯仔都係一種幸福。

5. 適時展現堅強和脆弱

唔洗事無大小都要搵另一半訴說，雖然情侶之間無秘密，不過如果連D好少嘅芝麻小事都要搵佢傾訴，久而久之都有可能會令對方感到疲乏。所以，如果日常遇到小挫折可以堅強少少，嘗試自己解決，到真係有需要時再向另一半求助，令佢係啱嘅時間出現，咁佢就會更加覺得被需要。

6. 退一步尊重對方的想法

平時唔好亂發脾氣，要男朋友就晒你，做自己喜歡嘅事！有時候都要尊重另一半嘅興趣，正因為兩個人有差異性，先會令生活更精彩。
Photo from Pinterest

7. 細心聆聽，成為他的心靈支柱

大部分男生都希望女友靜心聆聽自己嘅說話，唔想被打斷，或者係被否定。所以當男朋友同你訴苦嘅時候，記得做個善於傾聽嘅另一半，俾佢一句關心嘅說話，都會令另一半感到幸福。

8. 理解另一半的幽默

日常增添幽默感可以點綴生活，可以係無厘頭嘅笑話，笑一笑，為生活注入快樂元素。
Photo from Pinterest

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）