男大學生難以接受嫲嫲驟逝消息，每日傳訊息等回覆！Google Map發現嫲嫲身影：她真的回家了！

親人離逝係令人悲傷嘅事，唔少人都需要花時間接受事實。最近，一名大學生喺討論區表示嫲嫲因為意外跌倒送院，後來因為情況嚴重而離世，令佢一時之間難以接受！傷心嘅佢每日都會繼續向嫲嫲傳訊息，表達想念之情，不過近日佢就喺Google Map上發現嫲嫲嘅身影，令佢忍唔住眼濕濕。

Photo from 《反起跑線聯盟》劇照

台灣男大學生假日經常探望嫲嫲！

該台灣男網民表示自己現時喺台北讀書，不過幾乎每個假日都會返去探望嫲嫲，因為祖父喺10年前已經去世，只剩下嫲嫲一人獨居，所以不時都會花時間陪伴嫲嫲！然而隨住嫲嫲嘅年齡漸長，佢嘅身體亦變得越來越差。

Photo from 《海岸村恰恰恰》劇照

上個月嫲嫲不慎於浴室跌倒，後來不幸離世！

直到上個月，嫲嫲因為喺浴室內不慎跌倒而急忙送院治療，不過樓主表示佢當時因為喺台北返學而未能夠即時到醫院探望；而嫲嫲因為受傷，就算清醒過後都意識模糊「認不出人」。樓主後來拜訪嫲嫲，但即使佢企喺面前，嫲嫲都講唔到嘢亦認唔出佢，令佢十分心痛！

Photo from 《我的大叔》劇照

Photo from 《Law School》劇照

憶述與嫲嫲相處日常

樓主不禁回憶起往事，指嫲嫲非常貪靚，即使已經60幾歲都堅持出門要化妝、噴香水、用髮片；衣著方面亦好講究，偏愛著西裝外套、連身裙、高跟鞋等，絕對係一位「潮流達人」～但由於近年身體抱恙，所以已經甚少打扮。

Photo from 《不能說的故事》劇照

難掩不捨之情，照常日日傳訊息！

喺嫲嫲離開後，樓主感到非常不捨，至今都難以接受現實「感覺都是一場夢 很想醒來」，日日都如常地傳訊息俾佢，希望能夠再次收到對方嘅回覆！

Photo from dcard討論區

Photo from dcard討論區

意外於Google Map發現嫲嫲身影！

直到近日，家人喺用Google map嘅時候竟然發現嫲嫲嘅身影！從圖中所見，嫲嫲當時騎住紅色電單車「真的看到阿嬤騎摩托車回家了」，忍唔住眼濕濕「我希望一切的一切都不要變。我希望阿嬤，現在可以陪著我」難掩不捨之情。事後佢表示自己會努力接受現實，仲揚言大家可以想念已逝家人嘅時候，不妨嘗試搵下衛星地圖可能會有意外收穫！

Photo from dcard討論區

原來好多人都試過用衛星地圖尋找離世親人？！

大部分網民睇完呢個post之後都忍唔住眼濕濕，亦諗起自己已經離開嘅親人，感到不捨！原來有唔少網民都好似樓主咁有留意過Google map衛星地圖，部份人都好幸運咁能夠尋覓到離世親人嘅畫面～

Photo from dcard討論區

Photo from 《Hi，Bye Mama》劇照

有網民仲好貼心咁話俾樓主知「旁邊一條可以看到不同角度的阿嬤」，為佢截圖等佢能夠更清楚咁睇到「唔同角度」嘅嫲嫲，超窩心～

Photo from dcard討論區

相關文章：【有洋蔥T＾T】單親媽媽患病去世 兒子畢業禮攬住「紙牌媽咪」影相

相關文章：外傭拍片大呻離鄉別井打工辛酸史爆紅！自揭工作20年背後感人主僕情

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

59歲男子男扮女裝將近20年！背後藏有感人故事！無視眾人奇異目光

10 Feb , 2022

每個人都可能會擁有自己嘅獨特癖好，只要唔影響其他人就可以～內地廣西一位年約59歲嘅男子男扮女裝將近20年嘅時間，仲身穿非常顯身材嘅旗袍。然而，男子背後隱藏住感人嘅故事，全因為希望媽媽開心？！

Photo from 微博

# 內地男男扮女裝20年？！

來自內地廣西嘅59歲朱孟勳身形高大健碩，但就經常喺街頭身穿女裝旗袍賣藝，男扮女裝足足20年時間。即時經常受到旁人嘅冷眼旁觀，但佢依然堅持呢種穿衣風格多年，一方面為養家，而且背後仲有另一個感人嘅原因！

Photo from 微博

# 自幼就一家四口相依為命！

出生於廣西桂林嘅朱孟勳小時候就已經失去父親，同媽媽尹佩君、哥哥以及妹妹相依為命。後來，哥哥飛往湖南做上門女婿，所以變成家中唯一男丁嘅佢就擔起養家嘅重任！

Photo from 微博

# 妹妹因病不幸逝世！

1987年，年約18歲嘅妹妹卻因為白血病需要緊急就醫，當時只有27歲嘅朱孟勳不惜花費所有積蓄，並且欠下一身債幫助妹妹。可惜都未能夠挽回妹妹嘅生命，媽媽亦因為大受打擊而精神失常：半夜尋找女兒、周圍向人炫耀女兒等，令朱孟勳非常心疼！

Photo from 微博

# 朱孟勳妻子亦逝世！

隨後，朱孟勳喺31歲嘅時候結婚，而妻子不久後亦懷有身孕，令媽媽嘅病情有所好轉，變得更開朗！但上天卻又再一次考驗佢哋一家，妻子生產當日不幸逝世，就連小朋友都失去咗！當時嘅朱孟勳陷入低潮，但眼見媽媽孤身一人就不忍離開。

Photo from 微博

# 假扮女裝全為媽媽？！

後來，有人建議朱孟勳假扮妹妹，希望能夠令媽媽病情好轉；而佢就大膽穿上妹妹嘅舊衣服，成功令媽媽尋回笑容！原先佢只係打算偶爾身穿女裝，但媽媽卻因為女兒要離開而感到傷心，所以佢就毅然決定一直男扮女裝！

Photo from 微博

# 開始街頭賣藝生活～

幸好身邊亦有唔少好心嘅鄰居，將自己家中嘅舊女裝捐贈俾朱孟勳。8年前，媽媽意外受傷導致行動不便，唔能夠照顧自己嘅起居生活；朱孟勳就放棄工作，並且利用電動三輪車帶媽媽周圍喺街頭賣藝！

Photo from 微博

# 媽媽過世後先回復男兒身！

期間，朱孟勳亦飽受唔少路人嘅冷眼以及指責，但卻就表示「只要媽媽開心就好」；年紀漸長嘅佢失去妻子後，就一直單身，仲願意將自己嘅一生奉獻俾媽媽，留待媽媽百年歸老先回復男兒身！

Photo from 微博

相關文章：抖音「男扮女裝」網紅康雅雅被封號！疑與「限娘令」有關！於微博公開道歉

相關文章：伊能靜兒子小哈林化濃妝身穿貼身裙　大曬長腿女人味十足！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）