download HolidaySmart 假期日常 app
杜如風被封世界級港女呻無人追！曾爆情史豐富最愛小鮮肉

杜如風被封世界級港女呻無人追！曾爆情史豐富最愛小鮮肉

娛樂新聞
By Jennifer on 22 Jun 2022
Digital Editor
今晚食乜餸：小二，嚟一碟花生！

疫情之下，「旅遊達人」杜如風無再開拍旅遊節目，佢日前出席活動時就透露自己感情生活好Dry，仲話自從被封為「世界級港女」後就無人追。杜如風坦言自己中意小鮮肉，更曾經同十幾歲嘅男生拍拖！

疫情之下，「旅遊達人」杜如風無再開拍旅遊節目Photo from 杜如風 IG

杜如風被封世界級港女呻無人追

旅遊節目主持人杜如風因為疫情已有3年無去過日本，思鄉心切嘅佢坦言已經儲定錢準備開關，可以去日本嘅時候，會一次過拎晒出嚟掃貨，更直言不惜用埋「棺材本」！

旅遊節目主持人杜如風因為疫情已有3年無去過日本，思鄉心切嘅佢坦言已經儲定錢準備開關Photo from 香港開電視

無得去旅行嘅杜如風都仲有喺香港出席其他活動，佢表示感情生活Dry到好似海味咁，又指被封為「世界級港女」後一直都無人追。不過佢稱自己寧缺莫濫，唔會降低擇偶要求，亦唔識主動追人，杜如風指自己一向「吊高嚟賣」。

杜如風指自己被封為「世界級港女」後一直都無人追Photo from 杜如風 IG

杜如風稱自己寧缺莫濫，唔會降低擇偶要求，亦唔識主動追人，杜如風指自己一向「吊高嚟賣」。Photo from 杜如風 IG

拍旅遊節目被指晒命！

被封為「世界級港女」就係因為杜如風喺拍攝旅遊節目介紹當地嘅景點時會有意無意提到自己嘅資產，例如去韓國展出古董、名牌手袋嘅手袋博物館時，杜如風就稱自己嚟手袋博物館睇純粹想比下究竟博物館嘅袋多啲定係佢嘅袋多啲；之後杜如風去鞋店又提及自己屋企有成1,000對鞋。唔少觀眾指佢拍節目實際係晒命，作風港女。

去韓國展出古董、名牌手袋嘅手袋博物館時，杜如風就稱自己嚟手袋博物館睇純粹想比下究竟博物館嘅袋多啲定係佢嘅袋多啲Photo from 香港開電視

杜如風去鞋店又提及自己屋企有成1,000對鞋Photo from 香港開電視

唔少觀眾指佢拍節目實際係晒命，作風港女。Photo from 香港開電視

杜如風坦承係「購物狂」，為自己被封港女平反：我唔會使男人錢

杜如風向來不否認自己花錢如流水嘅消費習慣，喺ViuTV節目《七救星》中杜如風就坦承自己係「購物狂」，見到中意嘅嘢就會買，連紙紮舖都唔放過，仲試過一日花$35萬買衫，令媽媽一怒之下剪爛佢張信用卡！

喺ViuTV節目《七救星》中杜如風就坦承自己係「購物狂」Photo from 《七救星》

杜如風見到中意嘅嘢就會買，連紙紮舖都唔放過Photo from 《七救星》

雖然平時使費大，但杜如風明言佢從來唔會使男人錢，所有嘢都用自己錢買，即使同男生食飯、去旅行都係AA制，杜如風認為自己唔係港女。事實上杜如風家境富裕，唔使佢賺錢養家，佢本人亦身兼數職：主持人、製作人、專欄作家，收入足以養活自己。

雖然平時使費大，但杜如風明言佢從來唔會使男人錢，所有嘢都用自己錢買，即使同男生食飯、去旅行都係AA制Photo from 杜如風 IG

戀愛經驗豐富，杜如風自爆情史

佢之前上ViuTV節目《晚吹—戀講嘢》做嘉賓時就大爆情史，雖然近9年無拍拖，但佢戀愛經驗豐富，年輕時追求者眾，曾經有3名追求者分別揸名車去接佢收工，杜如風又自爆獲多次求婚，佢19歲時已獲18歲嘅初戀男友求婚。

杜如風之前上ViuTV節目《晚吹—戀講嘢》做嘉賓時就大爆情史Photo from 杜如風 IG

杜如風年輕時追求者眾，曾經有三名追求者分別揸名車去接佢收工Photo from 《晚吹—戀講嘢》

杜如風指佢試過同偶像派男藝人拍拖，當時顧及男友工作未有公開戀情，有一次去謝霆鋒屋企拜年時，為避開記者，杜如風更不惜匿埋喺車尾廂，由偶像派男友揸車去霆鋒屋企，認真偉大！

杜如風指佢試過同偶像派男藝人拍拖，當時顧及男友工作未有公開戀情Photo from 《晚吹—戀講嘢》

有一次去謝霆鋒屋企拜年時，為避開記者，杜如風更不惜匿埋喺車尾廂Photo from 《晚吹—戀講嘢》

鍾愛小鮮肉，杜如風稱媽媽驚佢被人分身家！

戀愛經驗豐富嘅佢鍾情小鮮肉，多數都談姊弟戀，大部分前度男友年齡都比佢細，杜如風表示佢心態年輕，同細過佢嘅男生想法較為相近。佢坦言最大差距一次男友比佢細8歲，當時男友十幾歲，佢二十幾歲。

戀愛經驗豐富嘅佢鍾愛小鮮肉，多數都談姊弟戀，大部分前度男友年齡都比佢細Photo from 杜如風 IG

杜如風稱雖然佢好耐無戀愛，但媽媽並無催婚，佢大爆自己嘅擇偶條件，唔使有錢，只要「壞男孩、靚仔、專一」就得！杜如風指媽媽唔想佢結婚，原因竟然係：「結婚後人哋分你一半身家﹗」

杜如風大爆自己嘅擇偶條件，唔使有錢，只要「壞男孩、靚仔、專一」就得！Photo from 《晚吹—戀講嘢》

杜如風指媽媽唔想佢結婚，原因竟然係：「佢結婚被人分一半身家﹗」Photo from 《晚吹—戀講嘢》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

鍾培生日本掃貨UNIQLO豪花20萬！唔試即買：港女買一件都唔止呢個價

11 May 2022

「百億富三代」鍾培生近日飛咗去日本東京，除咗住Four Season Otemachi總統套房過超豪隔離生活外，更去到日本最大UNIQLO掃貨，佢唔試身狂買牛仔褲、T裇、襪等，最終花咗20萬日圓，張單差唔多有佢個人咁高！

「百億富三代」鍾培生近日飛咗去日本東京Photo from 鍾培生IG

鍾培生飛日本東京UNIQLO掃貨

鍾培生日前就去咗日本，佢更將東京之旅拍成vlog放上佢嘅個人YouTube Channel與網民分享。最新一集中佢就親到位於銀座嘅日本最大UNIQLO掃貨。

鍾培生日前就去咗日本，佢更將東京之旅拍成vlog放上佢嘅個人YouTube Channel與網民分享Photo from 鍾培生YouTube

鍾培生入住東京东京大手町四季酒店（Four Seasons Hotel Tokyo at Otemachi）嘅總統套房，佢提到酒店嘅洗衣費好貴，一件衫要350日圓（約$21港元），所以佢決定買過啲新衫，認為仲平過喺酒店洗。

鍾培生入住東京东京大手町四季酒店（Four Seasons Hotel Tokyo at Otemachi）嘅總統套房Photo from 鍾培生YouTube

鍾培生提到酒店嘅洗衣費好貴，一件衫要350日圓（約$21港元）Photo from 鍾培生YouTube

鍾培生決定買過啲新衫，認為仲平過喺酒店洗。Photo from 鍾培生YouTube

鍾培生無試身入手各種淨色衣物

咁啱當日日本UNIQLO發售與《Final Fantasy》聯乘嘅35周年紀念T裇，佢一口氣買入兩個大禮箱，入面包晒所有聯乘系列嘅16款T裇，仲有額外紀念禮品。鍾培生稱一盒畀自己，一盒留畀《培生培心》會員。

鍾培生咁啱當日日本UNIQLO發售與《Final Fantasy》聯乘嘅35周年紀念T裇，佢一口氣買入兩個大禮箱Photo from 鍾培生YouTube

除咗《Final Fantasy》T裇，鍾培生又狂掃各種淨色T裇、牛仔褲、西裝褲、底褲、襪等，全部都無試身直接放入購物袋，而且佢同款衣物更買齊唔同色，並無多作考慮就入手，十分豪氣！

除咗《Final Fantasy》T裇，鍾培生又狂掃各種淨色T裇Photo from 鍾培生YouTube

鍾培生買各款牛仔褲、西裝褲、底褲、襪等Photo from 鍾培生YouTube

全部都無試身直接放入購物袋Photo from 鍾培生YouTube

襪都買十幾對Photo from 鍾培生YouTube

同款衣物鍾培生更買齊唔同色，並無多作考慮就入手，十分豪氣！Photo from 鍾培生YouTube

豪花20萬，單據與鍾培生身高差唔多

佢共購入115件貨物，埋單約20萬日圓（約$1.2萬港元），而鍾培生就表示雖然價錢唔平但如果同港女入名牌店買衫，分分鐘一件都貴過佢呢115樣衣物。

鍾培生共購入115件貨物，埋單約20萬日圓（約$1.2萬港元）Photo from 鍾培生YouTube

鍾培生掃貨後都十分滿意，只見佢有兩個正方型盒以及四大袋戰利品，又笑言超長單據同佢本人身高差唔多（林作曾指鍾培生身高為167cm），鍾培生大讚UNIQLO員工好細心，見佢115樣貨品其中一件衫上有少少污跡都即刻幫佢換過一件。

鍾培生掃貨後都十分滿意，只見佢有兩個正方型盒以及四大袋戰利品Photo from 鍾培生YouTube

鍾培生笑言超長單據同佢本人身高差唔多Photo from 鍾培生YouTube

鍾培生住東京新開四季酒店總統套房

之前鍾培生有為佢所住嘅Four Seasons Hotel總統套房拍片，佢稱CEO係佢嘅好朋友，獲得友情價入住，又大讚客飯廳好大好闊落，客廳電視比佢屋企嗰部更大。

鍾培生有為佢所住嘅Four Seasons Hotel總統套房拍片Photo from 鍾培生YouTube

鍾培生稱CEO係佢嘅好朋友，獲得友情價入住，又大讚客飯廳好大好闊落Photo from 鍾培生YouTube

鍾培生指客廳電視比佢屋企嗰部更大。Photo from 鍾培生YouTube

總統套房落地大玻璃外景色Photo from 鍾培生YouTube

總統套房嘅睡房Photo from 鍾培生YouTube

佢又介紹廚房雪櫃有唔少飲品，不過就唔係免費提供，但鍾培生表示為支持東京決定消費一樽果汁。有網民睇完佢掃貨vlog後留言指：「試都唔試，有錢真是任性」、「億億聲都要買uniqlo」

鍾培生介紹廚房雪櫃有唔少飲品，不過就唔係免費提供Photo from 鍾培生YouTube

鍾培生表示為支持東京決定消費一樽果汁Photo from 鍾培生YouTube

有網民睇完鍾培生掃貨vlog後留言指：「試都唔試，有錢真是任性」、「億億聲都要買uniqlo」Photo from 鍾培生YouTube

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

旅遊港女小鮮肉娛樂新聞杜如風