港男闖入迪士尼噴水池影相，誇張行徑被網民批評！打卡過程全公開！

同一班朋友去主題公園玩一定唔少得影相打卡～最近，有網民喺Facebook群組公開一名港男喺迪士尼樂園「破格」打卡嘅方式，只見男子進入噴水池內「濕身」影相，令大部分網民都非常驚訝，直斥行為過火！

Photo from 《現正分手中》劇照

網民分享港男於迪士尼奇怪打卡pose！

難得外出遊玩，大家難免會「機不離手」同朋友瘋狂影相打卡作留念～日前，有網民喺FB群組分享喺香港迪士尼樂園內見到嘅獨特打卡方式，該名遊客嘅大膽行為隨即引起網民熱議！

Photo from FB群組「我真係好鍾意迪士尼資訊分享群」

竟然走入水池內拍照！

港男喺位於迪士尼樂園大門口嘅噴水池裡面拍照留念，從照片中所見佢只係身穿泳褲，就跨入水池內，並爬入鯨魚雕像內拍照；仲疑似喺帖文寫上「山長水遠嚟到迪士尼，冇理由咩都唔做。」誇張行徑嚇親大批網民！

Photo from FB群組「我真係好鍾意迪士尼資訊分享群」

Photo from FB群組「我真係好鍾意迪士尼資訊分享群」

港男打卡全過程曝光！

其後網上仲曝光咗疑似係該男子打卡嘅整個過程，只見男子一進入水池後即刻成個人瞓咗落去，完全當噴水池係泳池一樣。之後佢就起身爬上鯨魚雕像，成功爬入「鯨魚口」後佢趴下並張開雙臂，彷彿置身喺屋企一樣！

Photo from FB群組「我真係好鍾意迪士尼資訊分享群」

Photo from FB群組「我真係好鍾意迪士尼資訊分享群」

網民批評行為超自私！

唔少網民見到後，都認為港男嘅行為非常自私，就咁爬入水池內好有可能會破壞到設施；亦有網民擔心佢會因此受傷「如果漏電就GG」、「啲水好污糟㗎...」等留言，認為打卡唔需要如此誇張！

Photo from 連登討論區

Photo from 《校對女王》劇照

港男模仿迪士尼動畫場面？！

不過部份網民講笑咁大讚呢位港男有勇氣「其實個個都想咁做...」、「幾有藝術家feel」等；仲有網民形容佢拍照嘅姿勢同動畫《獅子王》經典場面狒狒拉飛奇（Rafiki）抱起小獅子辛巴（Simba）嘅一幕有幾分相似！但小編估計港男應該係模仿緊《木偶奇遇記》裡面小木偶同爸爸唔小心跌落海，被鯨魚追嘅畫面？！唔知大家又覺得似唔似呢～

Photo from 連登討論區

Photo from 《獅子王》

Photo from 《木偶奇遇記》

相關文章：健全少女租借輪椅於迪士尼遊玩！ 高調炫耀：太舒服了 基本上冇行過！

相關文章：YouTuber於迪士尼酒店房內煮四餸一湯 網民大鬧：超自私！搞到成間房都係味！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港男陪女友去迪士尼反而激嬲對方？ 網民一面倒力撐女友：唔嬲就奇!

1 Nov, 2021

唔少情侶都喺假日尋找唔同嘅地方去玩，一齊製造美好回憶～最近，有位港男於討論區大呻陪女友去迪士尼樂園玩，不過就因為「一蚊都冇洗過」而激嬲女友，搞到佢非常無奈，詢問網民究竟係佢孤寒定女友太「港女」？！

Photo from TVB

# 港男陪女友去迪士尼卻激嬲對方？！

相信大家都會同另一半佢唔同嘅地方玩，一齊創造屬於兩人嘅甜美回憶，而主題樂園就一定係其中一個好去處喇～日前，有位港男就表示同女友入迪士尼樂園玩，但就反而激嬲咗女友，並以「女朋友嬲我去迪士尼一蚊都冇洗過 點算」為題開post詢問網民意見。

Photo from 連登討論區

# 女友想買頭箍！

港男表示最近就利用迪士尼樂園嘅門票優惠，打算陪本身已經有全年証嘅女友入迪士尼玩。入樂園之後，女友非常興奮去店舖裡面尋找鍾意嘅頭箍，不過港男就勸喻「唔好嘥錢啦！」，只係幫女友影相。而女友就似乎有少少唔開心，不過佢亦覺得唔抵買，所以好快就放棄咗想買嘅念頭！

Photo from YouTube @余思霆 思家霆園

# 女友想打卡買飲品！

兩人繼續於迪士尼樂園內遊玩，而女友經過小食亭嘅時候就見到好適合打卡嘅飲品，不過購買嘅人龍超級長，所以港男就一下子拉走咗佢！自此之後，女友嗰日全日就黑口黑面咁。

Photo from YouTube @余思霆 思家霆園

# 女友坦白生氣原因！

港男見狀心感不妙追問女友，但女友都唔肯講只係默默咁留咗幾滴眼淚。後來，女友終於卸下心防表示唔開心係因為「今日去迪士尼乜嘢都冇買，乜嘢都冇食過！」

Photo from TVB

# 港男表示：唔明點解嬲！

港男聽到女友嬲嘅真正原因後，就十分不解「心諗陪咗你去迪士尼打卡做港女，仲想我點，唯有同佢講下次聖誕節去再買過啦！」事後港男依然諗唔明，所以就詢問網民嘅睇法「係我太唔識浪漫情趣定女友太港女」？！

Photo from TVB

# 大部分網民都覺得港男好掃興？！

呢個post隨即引起網民關注！大部份嘅網民就表示明白點解女友會嬲，認為入得主題樂園就當然會「打卡」，而且女友亦唔係胡亂花錢，覺得港男未免「太唔識做！」

Photo from 連登討論區

Photo from TVB

# 有網民覺得女友鍾意亂花錢？！

不過亦有網民同港男有同樣嘅睇法，覺得女友想買嘅嘢並唔實用，係浪費金錢嘅行為！網民就覺得女友竟然因此而嬲，實在不可理喻？！

Photo from 連登討論區

Photo from TVB

相關文章：東京迪士尼10大必儲精緻爆谷桶盤點！三眼仔火箭/美女與野獸/Duffy系列

相關文章：港男呻女友成日講反話！話唔使陪但又發嬲！女網友教簡單一招分辨女友真心話

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）