林作公開陳凱琳姐姐私下回覆？！急需媽媽幫手：睇下可以點樣加碼！
林作日前公開向陳凱琳細佬Derek「挑機」，指只要對方願意同爸爸進行DNA比對證實係父子關係，就會俾$100萬對方，引起網民熱議！今日（22日），林作喺IG表示已經收到陳家私下嘅回覆，仲將訊息內容公開！
Photo from 林作IG
陳凱琳弟弟Derek上載與爸爸合照引熱議！
早前陳凱琳細佬Derek上載與爸爸嘅溫馨合照，只見五官輪廓深邃嘅Derek擁有健康膚色，同形象睇落溫文爾雅嘅爸爸睇落似乎唔太相似，瞬間引起網民熱議。
Photo from Derek IG
林作用$100萬向Derek發出挑戰，要求做DNA確定父子關係！
而一向鍾意「抽水」嘅林作就公開咁向Derek發出挑戰，只要Derek同爸爸願意提供一條毛髮俾佢，並且證實二人係父子關係，佢就願意支付$100萬俾對方！佢仲變本加厲咁話想順便驗下Derek係咪擁有埋印巴血統「順便咋，純八卦，驗到冇嘅我都俾100萬你。」但行為卻令唔少網民感到反感。
Photo from 林作IG
Photo from 林作IG
指已經收到陳家私下回覆！
今日（22日），林作喺IG表示已經收到陳家嘅私下回覆，仲揚言願意公開訊息內容，要求網民follow佢IG，等到followers達到40K就會公開完整對話！
Photo from 林作IG
Photo from 林作IG
疑似陳凱琳姐姐FB post曝光？！
不過未等到有40K followers 林作就公開疑似係陳凱琳姐姐嘅FB帖文「林作先生，100萬會唔會少咗啲？」，而林作就將回覆解讀成「佢嘅意思，係願意做test，但價格出手太低！明白嘅，始終我用緊自己錢，人地講緊家族顯赫，區區得100，你估我細佬Derek喺嗰個167 Derek（鍾培生）咩！」
Photo from 林作IG
Photo from 林作IG
打算召集林媽媽幫手？！
而林作今次就「拉埋阿媽落水」，指現時正聯絡緊喺深圳嘅媽媽「睇下佢可否番黎幫拖」，希望大家俾啲時間佢「加碼」！一方面又再一次叫網民幫手「於Facebook 獲得 1500個Like，及IG有45K followers的情況代表民意」，希望成功打動媽媽幫手。
Photo from 《七救星》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
林作出100萬挑戰陳凱琳細佬，驗DNA證實同爸爸係親父子：真心好奇
21 Jun , 2022
Photo from 林作 IG
陳凱琳細佬Derek晒父子合照
早前陳凱琳細佬Derek少有晒出父子合照，陳父坐喺佢大髀，兩人溫馨抱抱，大晒父子溫情。不過向來輪廓深邃嘅Derek同爸爸唔算太相似，愛做戶外運動嘅佢膚色亦明顯比爸爸深，父子合照隨即引起網民討論。
Photo from Derek IG
林作以100萬挑戰Derek要求驗DNA
而一向鍾意抽水嘅林作亦未有放過今次呢個機會，佢喺IG轉發Derek父子合照，並表示願意用$100萬港幣發出挑戰，只要Derek同佢爸爸提供毛髮，如果驗DNA證實係父子關係，林作將會畀$100萬對方。
Photo from 林作 IG
如果驗出佢哋並非父子，則可以驗埋佢係咪有印巴血統，林作指：「順便咋，純八卦，驗到冇嘅我都俾100萬你。」林作又稱佢之所以提出挑戰純粹係另一個Derek（鍾培生）畀咗$100萬零用錢佢「無錠使」，同埋佢「真心好奇及堅信不移」。
Photo from 鍾培生Youtube
林作唔認多事，問網友：想唔想知先？
呢個post一出即即成為話題，有唔少網友表示支持林作，但亦有大批網友認為林作今次玩大咗，將人哋嘅家事擺上枱：「玩到咁盡。何必呢」、「抽水抽上腦啦」
Photo from 林作 IG
對於被網友指唔識尊重他人，林作繼續出post：「唔好再喺度話我多管閒事，我淨係問你兩句：第一，佢地係咪公眾人物，係，就有公眾利益，也必須承受被人指指點點，我都係市民一個；第二，老老實實，想唔想知先？！」
Photo from 林作 IG
但亦有網民留言指Derek家姐陳凱琳的確係公眾人物，但Derek本人並唔係：「今次你真係好過份，係親生唔係親生都好，人哋之前已經回應過，答案真係咁重要咩？」林作追問：「你答咗我第二個問題先（老老實實，想唔想知先？）」對方回覆稱唔使知人哋係唔係親生嘅真實答案。
Photo from 林作 IG
陳凱琳媽媽曾透露子女異域長相原因
其實之前因為陳凱琳同龍鳳胎弟弟都係異國風情嘅長相而多次掀起熱議，陳凱琳媽媽Connie曾於電台節目《舊日的足跡》罕有地回應過子女樣子疑團。佢指Grace同Derek啱啱出生嘅時候，皮膚白淨同大家姐Joyce一樣，直到14、15歲兩人突然變到眼大大、面尖尖，細佬Derek仲開始長出鬍根！
Photo from 陳凱琳 IG
Photo from 陳凱琳 IG
陳媽媽透露自己媽媽係馬來西亞人，所以子女亦有部分亞裔樣貌，另外陳凱琳同細佬都喺加拿大成長：「佢哋細個鍾意戶外活動，又或者去加拿大讀書時，嗰度嘅食物好多荷爾蒙！」
Photo from CBNHK @Youtube
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
