鍾培生日籍女友疑曝光？IG靚相大公開，任職室內設計師勁有氣質

娛樂新聞

By Jennifer on 23 Jun 2022

Digital Editor

今晚食乜餸：小二，嚟一碟花生！

「百億富三代」鍾培生日前飛日本東京，佢已於當地逗留2個月，近日有傳媒指佢飛日本有原因！報道稱佢與一位日本女士「Momona」來往甚密，Momona自稱係室內設計師，佢個人IG嘅自拍十分有氣質！

Photo from 鍾培生IG

鍾培生日前飛日本東京豪華遊

鍾培生日於4月就同公司同事一齊飛去東京，當時日本仍未通關，只有商務人士先可以入境，而鍾培生喺當地拍咗好多vlog，2個月嚟出咗成15條片，片量超高！

Photo from 鍾培生YouTube

身為「百億富三代」，鍾培生出行使費唔少，佢住總統套房、大使級套房，又去銀座UNIQLO掃貨、花100萬日圓買下江戶時代文物送畀母親做生日禮物。喺Vlog中經常會有工作人員出鏡，全部都係男士，鍾培生東京之旅似乎係「全男班」。

Photo from 鍾培生IG

鍾培生被爆與日籍女生來往甚密，疑似女友曝光？

不過有報道指鍾培生喺東京原來有美女相伴！更稱鍾培生出入銀座等地都有同一位女生嘅身影，兩人疑似係戀人關係！

Photo from 鍾培生IG

Momona有樣有身材

呢位女士叫「Momona」，佢嘅個人IG自我介紹中自稱係室內設計師，曾經喺瑞士、加拿大、英國等地留學，相信英文應該唔錯，可以同鍾培生溝通。Momona亦有follow鍾培生，根據個人IG佢喺東京一間「Oak Leaf Interior」工作。

Photo from Momona IG

Momona IG分享非常多個人生活照，佢身材纖瘦、十分有氣質，Momona又分享佢幼兒園時期嘅童年照，小小年紀已睇得五官標緻、絕對係美人胚子，美貌純天然！

Photo from Momona IG

鍾培生分享擇偶條件，坦言鍾意日本女生！

其實鍾培生之前受訪大談佢嘅擇偶條件，直言搵女朋友一定要有樣有身材，2021年佢喺個人YouTube頻道亦拍片指自己中意25歲至35歲嘅女士，亦坦言喜歡日本女生。佢更笑言自己想「出年結婚（2022年）」。

Photo from 鍾培生YouTube

鍾培生單身咗一段日子，之前佢曾經上過田蕊妮主持嘅節目《女人四十》做嘉賓，當時田蕊妮評價鍾培生係一個非常心急同埋悶嘅人，仲直言：「唔怪之得搵唔到女朋友！」

Photo from 鍾培生IG

Photo from Momona IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

鍾培生日本花100萬買黃金文物，作媽媽生日禮物！為折扣用現金埋單

26 May 2022

鍾培生近日去咗日本東京並拍攝唔少vlog，新一集佢為買媽媽生日禮物而到銀座。最終買下價值100萬嘅黃金刀柄，期間佢為咗有折更去撳錢攞現金付款，見到一大疊日圓，場面震撼。

Photo from 鍾培生 IG

鍾培生遊東京銀座為媽媽買生日禮物

鍾培生日本東京之旅十分豪華，佢本人住新酒店嘅總統套房，又去UNIQLO掃貨。新一集佢就再次現身銀座，並打算買禮物畀媽媽。佢指媽媽今年60大壽，但自己身在東京未能陪母親過生日，但就打算喺日本買返份禮物贈予媽媽。

Photo from 鍾培生 YouTube

鍾培生稱好煩惱唔知送咩好，因為佢媽媽從來唔買Chanel、Hermès等名牌、珠寶鍾媽媽自己又有相熟珠寶商、又唔中意收花。

Photo from 鍾培生 YouTube

睇中黃金製江戶時代文物

經過一間買武士刀嘅店舖時，同行工作人員叫佢買返把畀媽媽，雖然鍾培生拒絕買刀，但就指可以買個盔甲「旺一旺」鍾媽媽嘅麻雀運。佢入去之後就問店員有咩好介紹。

Photo from 鍾培生 YouTube

之後店員帶佢睇咗一啲由江戶時代嘅金幣。鍾培生睇中一個黃金小物，喺店員介紹下佢指呢個係江戶時代嘅文物，售價達100萬日圓（約港幣$6.2萬）全球僅一個，而且係黃金製，上面刻咗神奈川縣江之島，當地神社供奉一位象徵守財嘅女神，鍾培生認為呢個文物好有意頭，符合佢一開始想催旺媽媽麻雀運，打麻雀長勝嘅送禮想法。