download HolidaySmart 假期日常 app
細細粒離巢全力做吃播賺錢或遇阻礙？恐違反內地官方網絡主播新例

細細粒離巢全力做吃播賺錢或遇阻礙？恐違反內地官方網絡主播新例

娛樂新聞
By Jennifer on 23 Jun 2022
Digital Editor
今晚食乜餸：小二，嚟一碟花生！

內地直播事業蓬勃，唔少香港藝人都北上開直播帶貨賺人仔。不過官方近日就發表《網絡主播行為規範》，列明網絡主播31項禁止行為，嚴重嘅更會封號處理，一班香港藝人如細細粒、李國麟等或首當其沖！

內地直播事業蓬勃，唔少香港藝人都北上開直播帶貨賺人仔。Photo from 微博

「細細粒」陳嘉佳約滿離巢，全力發展直播帶貨事業

近年唔少藝人北上發展，其中有部分人每日都會開直播「帶貨」，收入十分可觀，其中「細細粒」陳嘉佳更係經常開吃播，到訪多地四出覓食，又品嚐唔同嘅食物包帶貨。

近年唔少藝人北上發展，其中有部分人每日都會開直播「帶貨」，收入十分可觀，其中「細細粒」陳嘉佳更係經常開吃播Photo from 細細粒 抖音

細細粒到訪多地四出覓食Photo from 細細粒 抖音

細細粒品嚐唔同嘅食物包帶貨。Photo from 細細粒 抖音

喺吃播界有一席之位嘅細細粒曾經到佛山一人嗌9碟餸、6樽飲品，大展無敵胃口。佢最近約滿，有指佢並未續約而係決定全力發展帶貨事業，做主播。

細細粒曾經到佛山一人嗌9碟餸、6樽飲品，大展無敵胃口Photo from 細細粒 抖音

有指細細粒並未續約而係決定全力發展帶貨事業，做主播。Photo from 細細粒 抖音

內地官方禁止網絡主播暴飲暴食

估唔到喺佢決心做直播之際，國家廣電總局與文化和旅遊部聯合發佈《網絡主播行為規範》，其中列明咗31項不得出現嘅行為，包括炫富、炒作緋聞、宣揚迷信文化習俗、呼籲未成年用戶「打賞」等。嚴重者更會被封號，而且不得更換賬號、更改直播平台等形式復出，即係話恐怕會「一舖清袋」！

國家廣電總局與文化和旅遊部聯合發佈《網絡主播行為規範》，其中列明咗31項不得出現嘅行為Photo from 微博

喺31項不得出現嘅行為中有一條：「鋪張浪費糧食，展示暴飲暴食等，或其他易造成不良飲食消費、食物浪費示範的內容」呢一項同香港藝人開嘅直播關係最大。

喺31項不得出現嘅行為中有一條：「鋪張浪費糧食，展示暴飲暴食等」Photo from 細細粒 抖音

李國麟食麻辣小龍蝦辣到眼泛淚光

唔少香港藝人北上直播帶貨都會賣食物，為帶貨佢哋要喺鏡頭前大食特食，展現出食物嘅美味先可以吸引內地網友落單，綠葉李國麟就曾經因為帶貨麻辣小龍蝦食到無停手，辣到眼泛淚光、嘴唇發黑。

唔少香港藝人北上直播帶貨都會賣食物，為帶貨佢哋要喺鏡頭前大食特食Photo from 微博

李國麟就曾經因為帶貨麻辣小龍蝦食到無停手，辣到眼泛淚光、嘴唇發黑。Photo from 微博

細細粒吃播事業或遇阻礙

但相信首當其沖嘅應該係細細粒陳嘉佳，佢喺抖音曾透露自己嘅體重，佢指自己有260斤（約286.6磅），而佢抖音粉絲已經超過100萬，佢多數都係吃播，經常嗌到成枱餸，細細粒仲強調係佢一人食量。

細細粒喺抖音曾透露自己嘅體重，佢指自己有260斤（約286.6磅）Photo from 細細粒 抖音

細細粒抖音粉絲已經超過100萬，佢多數都係吃播，經常嗌到成枱餸，細細粒仲強調係佢一人食量。Photo from 細細粒 抖音

以往都有網友擔心佢暴飲暴食會影響身體健康，細細粒離巢全力做吃播帶貨，但依家搵食艱難，佢嘅賺人仔之路睇嚟或會遇到困難！

細細粒離巢全力做吃播帶貨，但依家搵食艱難，佢嘅賺人仔之路睇嚟或會遇到困難！Photo from 細細粒 抖音

《網絡主播行為規範》31項不得出現行為：

《網絡主播行為規範》Photo from 央視新聞 微博

31項不得出現行為包括炫富、炒作緋聞、宣揚迷信文化習俗、呼籲未成年用戶「打賞」等。Photo from 央視新聞 微博

國家廣電總局與文化和旅遊部聯合發佈Photo from 央視新聞 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

「細細粒」陳嘉佳抖音自爆花4千元買瘦身產品！聲稱一個月減10磅

23 Feb 2022

細細粒陳嘉佳自從簽約成曾志偉、王祖藍旗下藝人後即獲安排北上發展，喺抖音開直播「帶貨」，已經喺內地工作咗一段時間嘅細細粒早前拍片表示佢花3,360人民幣（約$4,138港元）買咗一款瘦身產品。

細細粒陳嘉佳自從簽約成曾志偉、王祖藍旗下藝人即獲安排北上發展Photo from 陳嘉佳 微博

「細細粒」陳嘉佳曾自爆自己體重達230磅

「細細粒」陳嘉佳出道多年，參演電視劇《老表，你好嘢！》、《老表，你好Hea！》，同老闆王祖藍關係要好。佢近年上內地開直播、拍抖音，主力「帶貨」賺人仔。

「細細粒」陳嘉佳出道多年，參演電視劇《老表，你好嘢！》、《老表，你好Hea！》，同老闆王祖藍關係要好。Photo from 陳嘉佳 微博

細細粒除咗直播帶貨外，更會「吃播」食盡唔同美食，佢早年曾自爆自己體重達230磅，加上日日開吃播，有網友擔心佢身體健康。

細細粒除咗直播帶貨外，更會「吃播」食盡唔同美食Photo from 陳嘉佳 抖音

細細粒早年曾自爆自己體重達230磅，加上日日開吃播，有網友擔心佢身體健康。Photo from 陳嘉佳 抖音

飛上海隔離睇瘦身廣告感心動

近日佢飛上海工作，喺隔離期間細細粒亦不忘拍片同網友互動。佢大讚上海隔離環境好，酒店空間夠大，「隔離餐」又好食，佢表示除咗每日食隔離餐仲會另外嗌多兩個餸。

近日佢飛上海工作，喺隔離期間細細粒亦不忘拍片同網友互動。Photo from 陳嘉佳 抖音

細細粒大讚上海隔離環境好，酒店空間夠大，「隔離餐」又好食Photo from 陳嘉佳 抖音

細細粒又表示：「減甚麼肥算了吧！」但估唔到隔離未完佢已經動手買咗瘦身產品。佢指喺隔離期間睇到一個瘦身廣告，令佢心郁郁。

細細粒又表示：「減甚麼肥算了吧！」Photo from 陳嘉佳 抖音

細細粒指喺隔離期間睇到一個瘦身廣告，令佢心郁郁。Photo from 陳嘉佳 抖音

廣告聲稱一個月可以減10磅以上，細細粒花$4千元購買

廣告聲稱服用產品唔使節食、唔使做運動，亦並非西藥，而係中藥，主要係調理體質，更指可以一個月減到10斤～12斤（約11～13磅），於是細細粒就喺微信咨詢店主了解詳情。

廣告聲稱服用產品唔使節食、唔使做運動，亦並非西藥，而係中藥，主要係調理體質Photo from 陳嘉佳 抖音

廣告指可以一個月減到10斤～12斤（約11～13磅）Photo from 陳嘉佳 抖音

細細粒就喺微信咨詢店主了解詳情。Photo from 陳嘉佳 抖音

細細粒指佢同對方傾咗半個鐘頭左右，就決定畀最貴嘅價錢3,360人民幣（約$4,138港元）買120日嘅瘦身產品，對方聲稱可以瘦50斤～60斤（約55～66磅），令細細粒表示十分期待瘦身成果。

細細粒指佢同對方傾咗半個鐘頭左右，之後決定畀最貴嘅價錢3,360人民幣（約$4,138港元）買120日嘅瘦身藥Photo from 陳嘉佳 抖音

對方聲稱可以瘦50斤～60斤（約55～66磅），令細細粒表示十分期待瘦身成果。Photo from 陳嘉佳 抖音

身邊朋友、網民都指佢被騙

不過喺片段嘅尾段佢都有啲懷疑：「我應該沒有被騙吧？還是我真的太單純？」細細粒表示佢喺微信群組同8個朋友講返呢件事，大家都指佢被人呃咗。

喺片段嘅尾段細細粒都有啲懷疑：「我應該沒有被騙吧？還是我真的太單純？」Photo from 陳嘉佳 抖音

細細粒表示佢喺微信群組同8個朋友講返呢件事，大家都指佢被人呃咗。Photo from 陳嘉佳 抖音

細細粒稱佢睇咗個廣告半個鐘完全唔覺得被騙，仲覺得對方好真誠。最後佢指先試一個月睇下效果如何再同大家分享。大多數網友都認為細細粒真係被騙：「吃了沒效果沒關係，就怕吃壞了身體」、「還不如少吃點，少吃高熱量的食物，加上運動，想不瘦都難」

細細粒稱佢睇咗個廣告半個鐘完全唔覺得被騙，仲覺得對方好真誠。Photo from 陳嘉佳 微博

大多數網友都認為細細粒真係被騙Photo from 陳嘉佳 抖音

內地網友：「吃了沒效果沒關係，就怕吃壞了身體」Photo from 陳嘉佳 抖音

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

李國麟直播抖音娛樂新聞陳嘉佳帶貨