陳曼娜到美國兒子家享受天倫之樂！超大別墅極具氣派，圈中富婆身家曝光？

陳曼娜喺圈中著名富婆，早前佢位於紅磡2,500呎豪宅曝光，裝修典雅兼坐擁無敵海景！最近佢喺Facebook大晒近照，原來佢去咗美國探望兒子，更大晒超大別墅，與孫女盡享天倫之樂！

Photo from 陳曼娜Facebook

陳曼娜靠投資股票、物業成富婆

人稱「Manna姐」嘅陳曼娜喺電視圈打滾多年，佢出演嘅角色大部分都係有錢人，《十月初五的月光》「萬朱莎華」一角最為經典，富婆形象深入民心！

Photo from 陳曼娜Facebook

多年嚟Manna姐投資股票、物業有道，幾乎從未失手，佢亦曾豪言「未蝕過」。圈中唔少藝人每年都會去佢屋企觀賞維港放煙花，佢之前就曾經公開位於紅磡2,500呎豪宅嘅內部環境。

Photo from 陳曼娜Facebook

陳曼娜美國兒子家別墅曝光

一排落地玻璃可以飽覽無敵維景海景，成屋裝修十分典雅同有氣派。近年甚少出演電視劇嘅Manna姐近日於Facebook分享近況，佢喺5月時飛往美國，離港前佢不忘邀請一班好友暢聚。

Photo from 陳曼娜Facebook

原來佢去美國探望兒子，早已屆退休年齡嘅Manna姐同2歲孫女一齊親親大自然，盡享天倫之樂！佢仲大晒兒子嘅美國別墅，從相片中可見別墅空間超大，室外亦有游泳池，加上明媚嘅陽光，絕對係度假嘅好地方！

Photo from 陳曼娜Facebook

Photo from 陳曼娜Facebook

Photo from 陳曼娜Facebook

子女都係學霸

陳曼娜投資有道，一對子女亦好有出息，女兒Joie係美國耶魯大學牙醫博士、兒子Allen則喺美國史丹福大學同哈佛大學讀醫科，畢業後佢留喺美國做心臟科嘅外科醫生，2020年為陳曼娜再添一個孫女。

Photo from 陳曼娜Facebook

陳曼娜霸氣回應身家傳聞

兒子定居美國，陳曼娜亦有喺美國投資物業，佢指香港樓價實在貴得離譜，所以近年已無再喺香港投資樓宇，而係轉戰美國同東南亞。

Photo from 陳曼娜Facebook

對於外界盛傳佢身家過億，Manna姐嘅回應亦十分霸氣！佢表示自己間屋都接近過億，身家一定唔止呢個數！又指喺香港過億唔算得係啲咩。

Photo from 陳曼娜Facebook

相關文章：70歲陳曼娜2,500呎豪宅曝光！客廳落地玻璃坐擁無敵海景！多年靠投資股票/物業成圈中富婆

相關文章：譚嘉儀靠唱劇集歌搬入海景豪宅！豪宅裝修奢華、擁180度靚景露台

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

家族榮耀︱馬家豪宅逾2萬呎有10間房！月租僅5萬，竟被爆租唔出？

8 Mar 2022

電視劇《家族榮耀》熱播，頗受中港兩地觀眾歡迎，劇情圍繞馬家兄弟、妯娌爭奪家產，眾人生活富貴逼人，尤其係一家人住嘅大宅勁有氣派，現實中呢間巨型豪宅佔地逾2萬呎，但租金只需5萬人民幣，不過就有爆料稱無人租！

Photo from 《家族榮耀》

《家族榮耀》劇情

《家族榮耀》由張智霖、楊茜堯、李彩華、羅子溢、黃浩然、熊黛林、郭政鴻、陳曼娜等主演，劇情講述選美姊妹花楊茜堯、李彩華同日嫁入馬家，之後與飾演大嫂嘅熊黛林妯娌不和，佢哋嘅丈夫馬家三兄弟亦掀權力之爭，豪門大戰一觸即發。

Photo from 《家族榮耀》

馬家巨型豪宅成焦點，樓高4層超豪華

豪門鬥爭喺劇情喺內地同香港都有唔錯嘅話題度，香港收視更每星期持續上升！劇中馬家所住嘅豪宅亦成為焦點，引起好多網民關注。

Photo from TVB

Photo from TVB

馬家嘅巨型豪宅樓高4層，淨係從外面睇已覺得十分豪華，更配備超大型私人泳池同花園，背山面海，景觀十分開揚。

Photo from TVB

Photo from TVB

Photo from 《家族榮耀》

Photo from TVB

Photo from TVB

佔地逾2萬呎、有10間房，曾連續兩年入選「中國10大豪宅」

除咗豪宅外型時尚有設計感外，內部裝修亦十分有氣派！客廳有超高樓底，落地大玻璃採光好，仲可以遠眺海景。飯廳空間闊落，超長餐枱足夠馬家十幾個人。馬家幾位兄弟嘅房間亦裝修奢華，仲有超大型露台。

Photo from TVB

Photo from TVB

Photo from TVB

Photo from TVB

Photo from TVB

Photo from TVB

呢間豪宅實際位於深圳鹽田區大梅沙嘅「東部華僑城天麓」别墅區。天麓連續兩年入選「中國10大豪宅」，馬家大宅佔地逾2萬呎，有10間房，更位於經濟高速發展嘅深圳，正常嚟講價格一定唔會平。

Photo from 《家族榮耀》

Photo from TVB

業主呻勁蝕2,000萬人民幣，月租僅5萬但無人問津？！

不過網上流傳有疑似業主喺微信降價1000萬出售天麓6層別墅，又稱自己買咗7年賣出，連同各項交易費用、多年嚟嘅貸款利息，估計要蝕2,000萬人民幣！

Photo from 微博

據知同馬家巨宅同類型嘅別墅月租僅5萬幾人民幣，叫價約2,600萬人民幣，但一直無人問津。賣唔出又無人租，原來係因為別墅區內基本配套設施不足，交通唔方便，購物需要揸車落山數公里。

Photo from 《家族榮耀》

Photo from 《家族榮耀》

相關文章：家族榮耀︱4位女角豪宅逐間睇！全擁無敵靚景 熊黛林家值過億！

相關文章：家族榮耀｜楊怡抱孕肚狂奔掀熱話！網民爆笑改圖合集！瞬間成為萬能Key

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）