伍富橋晉身做億萬駙馬後發福不少，與富貴老婆Shirley勁有夫妻相
伍富橋（Alvin）與富家千金女友梁兆楹（Shirley）拍拖半年即求婚成功，迎娶妻子晉升「億萬駙馬」行列，近日有網友指佢結婚後與婚前狀態大為不同！同有米老婆Shirley越嚟越有夫妻相！
Photo from 伍富橋 IG
伍富橋富二代女友Shirley背景曝光
伍富橋入行多年，公開嘅女友只有Bella林穎彤，分手後佢感情生活一直低調，直到2022年佢喺IG晒出合照公開與女友Shirley嘅戀情，而Shirley背景隨即曝光。
Photo from MV截圖
Shirley來頭唔細，佢曾就讀Lancaster以及UCL兩間大學，學歷高仲係富二代，爸爸坐擁2間麻雀館、從事物流及食品生意，家族身家過億！Shirley婚前同屋企人住喺相思灣逾5,000呎嘅獨立屋，伍富橋同佢相識係因為Shirley之前曾做幕後。
Photo from 伍富橋 IG
Photo from 娛樂新聞台
拍拖半年成功求婚，伍富橋迎娶Shirley做億萬駙馬
拍拖僅半年伍富橋就求婚成功，佢接受訪問時透露公開戀情後一個月內不停向女友求婚，終於獲佳人點頭say Yes！伍富橋本身都有家底，佢表示認識女友之前唔知道對方嘅家底背景，但自爆唔知點解一見到佢就好想同佢結婚！
Photo from 娛樂新聞台
Photo from 娛樂新聞台
伍富橋同Shirley喺西貢相思灣家中舉行證婚儀式，於雙方家長、親友見證下註冊，正式結為夫婦，佢哋指疫情後會補辦婚宴。晉身億萬駙馬後伍富橋同愛妻Shirley周遊列國，半年間已經到5個國家旅遊，夫妻一齊歎世界。
Photo from 娛樂新聞台
Photo from 伍富橋 IG
Photo from 伍富橋 IG
伍富橋婚前勤健身操肌
不過有網友關注伍富橋似乎同婚前嘅狀態大為不同？！伍富橋參加《超級巨聲4》時因為拉丁舞舞姿同顏值而獲睇中簽約入行，之後佢亦勤力keep fit，伍富橋不時會喺IG大晒自己做gym操肌嘅影片，或者係健身室打卡照。
Photo from 伍富橋 IG
Photo from MV截圖
Photo from 伍富橋 IG
其實喺外遊期間伍富橋都有勤力做運動，Shirley喺IG Story公開食宵夜片段時就透露自己係襯老公伍富橋出門跑步時享受個人時間。
Photo from 伍富橋 IG
Photo from Shirley IG
婚後變樣？伍富橋同老婆Shirley勁有夫妻相
伍富橋身型向來都好fit，更有6舊腹肌，不過結婚後得到愛情嘅滋潤，佢似乎成個人圓潤咗唔少，PR鄭紹康喺IG晒出與伍富橋於上海嘅合照，伍富橋發福不少，面圓圓，下巴線條唔明顯。
Photo from 伍富橋 IG
Photo from 鄭紹康 IG
Photo from 鄭紹康 IG
Photo from 鄭紹康 IG
早前伍富橋嘅生日party都可見佢臉上洋溢住幸福嘅笑容，其中一張合照，佢與老婆Shirley更超有夫妻相！伍富橋個人IG有好多健身照、影片，當中佢依然fit爆，可能最近食得多咗，有傳媒更指佢「六舊腹肌合而為一」，而伍富橋則喺IG Story回應表示最近無工開：「俾我偷下懶都得掛」
Photo from 鄭紹康 IG
Photo from 伍富橋 IG
好多網民認為佢結婚後變咗樣，不過伍富橋結婚後仲有繼續做gym。其實好多情侶、夫妻經過長時間相處後都會變得越嚟越相似，但伍富橋同Shirley拍拖結婚嘅日子唔算長就已經有夫妻相，應該十分相愛～
Photo from 伍富橋 IG
Photo from 伍富橋 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
伍富橋過大禮準備娶富貴女友Shirley！未婚妻豪宅曝光，金器超搶鏡
19 Apr 2022
伍富橋（Alvin）與富家千金女友Shirley公開戀情僅一個月就宣佈求婚成功，日前仲到女方家中過大禮曝光未婚妻豪宅內部！而龍鳳鈪等金器數量亦非常之多，相信婚禮現場應該會好有氣派。
Photo from 娛樂新聞台
伍富橋女友Shirley家境富裕
伍富橋於2014年參加《超級巨聲4》入行，佢曾經同林穎彤拍拖，兩人相戀一年後分手，直到2022年佢喺IG晒出合照公開與女友Shirley嘅戀情。
Photo from 伍富橋 IG
伍富橋女友Shirley曾經就讀Lancaster以及UCL兩間大學，而且家境富裕，父親從事物流及食品生意、又坐擁2間麻雀館，一家居住於相思灣逾5,000呎嘅獨立屋，家族身家過億！
Photo from 娛樂新聞台
拍拖半年求婚成功做「億萬駙馬」
喺公開戀情後一個月嘅白色情人節伍富橋宣佈求婚成功，伍富橋接受訪問時表示喺呢一個月內「不停求婚」，臨瞓前、食飯前、煲劇途中都試過求婚，連女友都話佢係「洗腦式求婚」。
Photo from 娛樂新聞台
最終伍富橋靠Staycation佈置大量氣球以誠意、努力打動女友成功求婚，晉身「億萬駙馬」行列。據知女友Shirley曾任幕後，兩人拍拖大半年，本身都係富二代嘅伍富橋稱自己認識女友前唔知道對方嘅家底背景，只係覺得佢好聰明、率直同開朗。
Photo from 伍富橋 IG
過大禮令未婚妻豪宅曝光
伍富橋求婚後又大爆：「唔知點解一見到佢就好想同佢結婚！」佢表示同女友相處好開心，大家想法一致，無論係生活上定工作上女友都畀到好多意見佢。
Photo from 伍富橋 IG
伍富橋日前到未婚妻Shirley屋企過大禮，枱上嘅3對龍鳳鈪以及其他金器十分搶眼，同時未婚妻Shirley所住嘅富宅曝光，可見大廳係以木系為主嘅中式裝修風格，仲有屏風等古色古香擺設。
Photo from 伍富橋 IG
Photo from 伍富橋 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
